كلام داخلي

أحلام · 05-12-2008, 04:49 AM

انا ما قصدي موضوع اكتبه ولا بدي حدا يشارك فيه عم بكتب كلام داخلي بحس فيه

بفكر فيه مش عم بلاقيله حل
أسئلة كتير بتدور براسي

ليه لوين معقول كيف اسلام مقابل شولا تستغربوا بعدني بعقلي

ليه ليه بايدنا عم بندمر بلدنا ووطنا لبنان

لوين راح نصل وراح يصل لبنان

معقول لو خيي وخيي مختلفين بالاحزاب والجهة يجي اليوم اللي يفكر فيه خيي يقتل خيي التاني
لو شافه بالطريق

كيف عم بنتصرف بناء على شو

اسلام عمر الاسلام ما خبرنا انه نقتل بعضنا البعض بالعكس الاسلام حرم هيدا الشيء

مقابل شو شبابنا بدمر مستقبله وبهدم بلده وبرجعه سنين لورا وبخلي اللون الاحمر لون الدم يغطي ارضنا والاسود لون الحداد يدخل بيوتنا

خيي وخيي بتقاتلوا
أصدقاء بتركوا بعض
أهل بيبكوا ابنهم اللي ممكن يكون وحيدهم

وآخر شيء بنقول الحالة بلبنان صعبة وبدنا نسافر
خبروني الحالة صعبة بسبب مين مش بايدنا خليناها صعبة

صرنا قبل ما نحكي مع بعض او نتعرف على اصدقاء اول سؤال انت سني او شيعي
انت مع مين مع الموالاة ولا المعارضة

عارفين انا مين انا عربية وانت عربي
انا لبنانية وانت لبناني
بس هيدا المهم كلنا من بلد واحد بايدنا نوقف كل شيء وبايدنا نزيد كل شيء
هلأ مين اللي بقتل بالتاني ما قصدي اي حزب او جماعة
قصدي اللي بكون بالشارع اللي بموت وبيقتل مين رئيس لأ رئيس حزب كمان لأ

انتو ايه انتو الشباب اللبناني هو اللي بالشارع وراح يضل بالشارع لو ما شغل عقله وشاف الواقع
ماتوا شهداء يومين وأصدقائهم بنسوهم واقاربهم هاي الحياة اللي بدك ياها عم بتطلب الموت
ولو متت ناس بتحكي عنك بطل صح وناس بتحكي عنك خاين

بايدنا نبعد عن السياسة بايدنا نهدي الاوضاع مش بايد اي رئيس او زعيم

بس ما بعرف ليه حابين دايما الدمار ليه حابين الالم والحزن لكل شخص بتعرفوه

مقاااااااااااااااااااااااااااابل شو حدا يخبرني شو المقابل لكل يلي عم بصير

فكروا انه انتو الخسرانين ما حدا غيركم

هيدا علمنا وهيدا شعارنا علم لبنان لانا لبنان

kazem007 · 05-12-2008, 05:00 AM

ما بدك رد تصطفلي بلا

خخخخخخخخخخخخخخ

بس بقول الله يحمي لبنان وأهل لبنان

ويهدي البال

وأكيد الكل خسرانين

من هذه المواجهات

وبتمنى من كل قلبي

يعود الهدوء والأمن والأمان والسلام للبنان

وبتشكرك أحلام

على هذا الموضوع

وعلى صدق مشاعرك العربية الأصيلة

جزاكي الله خيرا وسدد خطاكي