اجمل اشعار حامد الزايد

من اول ما رجعت من السفر ما شفتلك بينه
ونا يلي كنت احسبك قبل ما دوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحت رجعتي تبكين
واشوف بدمعتك حكيك واعرف قبل تحكينه
واجي احلم بلي تحكينه واتركك تحكين
تقولين الوطن نور واقول بنور مضوينه
تقولين غديت احلا اقول عيونك الحلوين
كلام نام بشفاهك وخفتي لتصحينه
تغانمتي غيابي لين رجعتي موازينه
تعلم من ايدك لمس الكفوف وعلمك تجفين
ليتك لاقيتي به شي فيني ما تلاقينه
ماهو بغرورلكن خابرك مالك امل تلقين
تغافلتي بغلاه ولا الحلا ماهو زينه
تزينها الصور بس الصحيح ابن الحلال زوين
ونا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري والسم ما يدبح ثعابينه
على قول المثل ماني حلو لكن ماني بشين
ادا اهداك الزهر مرة انا هديتك بساتينه
ادا الهاك بفرح ليله فنا تهت لبكاك سنين
ادا استضعفتك ملاك وشتتك ملايينه
انا حتى فتات الخبز اقسمها معك نصين
طموحي بس اجي واظفر بشي تستحقينه
تدينته تسلفته سرقته مو مهم منين
كاني من كثر ما ارضى بكل لتمنينه
لو انك تطلبين الله يعنيني بقول امين
انا مالعب على الحبلين وقت الطيش وسنينه
تبيني الحين يوم اني كبرت العب على الحبلين
ترى عند البدو بدات عيب لتسوينه
حياتك لا عشقتيني تعشقيني ليوم الدين
غرام يسكن ضلوعي حشيمه من مجانينه
جفا يجمع معزتنا ولا عشق يدل اثنين
كثار لتحدوني وقالولي تحبين
امانة لا تخليني صغير بعينهم تكفين
لأني كل ما قالوا تخون اقول مسكينه
عليك الله وامانة علميهم من هو المسكين
انا خايف لطاح الجمل تكثر سكاكينه
وانا ما عادت ضلوعي تحمل طعنت السكين
مثل ما قالوا المكتوب واضح من عناوينه
لو ارحل منك للغربة بسافر من ضلامك وين
كفاية كل حلمي يمر في رقادي تزورينه
كفاية من تفارقنا وانا ما غمضتلي عين
قبل يومين شفتك بالمنام وقمت من حينه
ونمت أمس ورجع نفس المنام يلي قبل يومين..

صح لسااان شاااعرها

وتسلم يد ناااقلهااا

تسلم ع هذا الختيار
سلمت يمناك على كتابتها روووعه
خاصه البيتين الاخريين

يسلموووووووووووو اخويا اياد على مانقلت لنا

صح لسانك
خاطره روعــــــــــــه

يعطيك العافيه
تح ـــــيتي