بوش ياخذ وسام الرافدين.........

وسام الرافدين باخر يومين
يكلك المشكله مو بالنفاضه المشكله بالعراقيين و ثبت هذا الشي بعده نقاط تاريخيه و تسجلت ضمن كتب التاريخ نبديهه من عزت الدوري و النفاضه الطائره و توصل لابسط مواطن و النفاضه الفاجخه و كلهه اسلحه بيضاء يعني المهم لا تكعد عراقي و تناقشه و تخلي جوه ايده نفاضه لان بس تضوجه بالنقاش يركعك بيهه .
بعد الاحداث مال 2003 تم تغيير نوع النفاضه من قطعه اثاث الى سلاح متعدد الاستخدامات و تم حضره دوليا و اتفقو الناتو عله سحبه من الاسواق و خاصه الكرستال لان صدك تفجخ , و هسه بالجديد ممنوع ادخال النفاضات لقاعات الاجتماعات. و تعتبر الفجخه بالعراق وسام شجاعه و الشباب يفيكون و يكله شوف شلون جنت وكح و انفجخت الف مره من جنت صغير.
و نتيجه للحظر الدولي فقد العراقي كل اسلحته النقاشيه و هيه الكلاشنكوف , مسدس طارق عيار 9 ملم , رمانه دفاعيه و اخيرا النفاضه .
بس اليوم ........... اويلي اليوم و راح انقل الخبر مثل ما اجاني
تم تقليد الرئيس الامريكي المنتهيه ولايته جورج دبليو بوش و اثناء زياره مفاجئه للعراق وسام الرافدين من الدرجه الاولى المصنوع من الجلد الطبيعي و حسب ما قال الرئيس الامريكي انه كل الي اكدر اكوله انه هذا الوسام جان قياس 10 عله المقاييس الامريكيه يعني 45 عله قياساتنه
و الحلو انه هذا الوسام ما لبسوهياه بس شمروه عليه و كله اجه من فوك العارضه و الله يسلمه ابو اسراء راوانه مهارات مو طبيعيه كحارس مرمى و خله لنفسه شغله جديده وره ما يطلع من رئاسه الوزراء يشتغل كولجي يم فييرا بالمنتخب
بس هم مو خوش كولجي.
نرجع للعراقيين و نعوف الامريكان و الايرانيين
المشكله الوحيده بهذا السلاح انه المشط مالته ما يشيل غير بس طلقتين يعني لو تسدد صح لو بس لوح بيهه يعني خوفهم
العراقي ما ينلام لاستخدامه سلاح جديد لانه احد اهم اعضاء مجلس الطليان اول ما خلوه رئيس للمجلس شال حذائه و دك بيه عله الميز و كال" كل قانون مخالف للشريعه اضربه بالقندره " بالله عليكم هذا شلون مثال راقي
الصحفي العراقي منتظر الزيدي الي يشتغل لحساب قناة البغداديه حسب علمي ما لكه سلاح انكر من الحذاء يداري و يكرم بيه الضيف بس سوالنه مشكله جديده و خله الحكومه تفكر من جديد باسلحه ظهرت بالجديد و يجب منعها عالميا
بس المشكله اني خايف لا الحكومه تمنع اي عراقي من لبس الاحذيه عند دخول المنطقه الخضراء زين شنلبس ؟؟ كيوه ؟؟ مو اخاف ميقبل كاكا مسعور !! شنلبس شحاطه ؟؟ اخاف ميقبل عبد العزيز اللئيم !! ولو عندي حل ابسط ... نخلي كشوانيه بباب القصر و نسويه حسينيه
شلون مشكله هسه دوخوني شنو البس ؟؟ ابو الاصبع ممنوع هم اكيد لانه صنع عراقي و ايران تريد تلبسنه نعلان ايرانيه لونهه اخضر
زين هيه مو حرية ؟ و ديمقراطية ؟ ليش ضربوه الحماية ؟ ليش ما بس طلعوه ؟ لو الا يرجعوله احذيتة ؟ حقه عمي يريد حذائه الي هسه هوه اغلى حذاء عند العراقيين الي فش شويه من غيضهم و غضبهم بانكر حيوان خلقه الله
ما اعرف شنو اكول بحق منتظر العراقي الاصيل التاج الي ينشال عله الراس بس اكله
"ما رميت اذ رميت لكن الله رمى " صدق الله العظيم
و الله يسدد رميه كل عراقي اصيل شريف يرفع الراس و يحمي اهله ولو بكلمه صادقة -منقول- قومٌ إذا ضرب النعال وجوههم..صرخ النعال بأيّ ذنبٍ أَضربُ

شكرا علمرور اي شفتها طبعا هذا البطل عمل اللي بنفس كل عراقي وانشالله يكون بخير هسه وبالنسبه ال بوش لازم يتعلم على القنادر لانه هو جابها لنفسه شكرا رمه ثانيه

الله عيب وسام الرافدين قندره
العراق صاحب حظاره هل يصبح وسامه قندره