ما أجملك للشاعر معين عبد الجواد البرغوثي

معين البرغوثي · 12-24-2008, 02:51 PM

ما أجملك
معين عبد الجواد البرغوثي

مــا أجملك ما أجملك عايش معك عايش إلك
شو نفع قلبي اللي نبض لو ما نبض دمه الك
ما أجملك ما أجملك

ما أجملك عايش معي ما أجملك تسكن معي
ما أجملك تبـقى إلـي وعيوني تسرق نظرتك
ما أجملك ما أجملك

ما أجملك حبك هنا ما أجملك إنت أنا
لو شو ما صار بهالدني وحدك بعيني ما أجملك
ما أجملك ما أجملك

ما أجملك قبال النظر ما أجملك وحدك قمر
ما اجملك وردة غزل تضمك شفافي تبوسك
ما أجملك ما أجملك

ما أجملك بعدك جفا ما اجملك همسك دفا
لو راحت من إيدي الدني ما تروح منها محبتك
ما أجملك ما أجملك

ما أجملك ما اجملك عايش معك عايش إلك
شو نفع قلبي اللي انجرح لوما نزف دمه إلك

tanweer_rr_m@hotmail.com