|
12-26-2008, 09:15 PM
|
رقم المشاركة : 1 | |
|
الرواية الحلقة الثالثة
طلع من الغرفه مايشوف قدامه مايكفي الي صار له اليوم تطلع له اخته بافلامها الهنديه المعتاده دخل غرفته ورمى الشماغ على السرير يبي يتمدد يرتاح يفرد ظهره شوي ...فك ازارير ثوبه وترفق على اخر زر لسى صدره مورم ويعوره يحمد ربه انه ماجاه كسر ولا تهشم صدره وانطبق على قلبه ورئته ... دق الباب تحمل الالم وسكر ثوبه :-ادخل دخلت امه الغرفه وقالت بعيونها الحنونه :-يمه انت بخير ابتسم :-الحمد لله سكتت امه لانه ماراح يتكلم ماجد وتعرفه قالت بحنيه :-نم وارتح انت لك يومين في الدوام مهلك نفسك وبكره الصبح بيننا كلام ماجد بهدوء :-ان شاء الله ماصدق امه طلعت من هنا الا ويحط راسه على طول ... :: في بيت ابو متعب قالت ام متعب وهي تصب لزوجها قهوة تفضل كان سرحان بعالم ثاني وكررت كلامها ابو متعب تقهو التفت ابو متعب يم زوجته وام عياله الي عاشرته خمسين سنة على الحلوة والمرة واخذ الفنجال منها قالت له علامك مهموم وسرحان قال ابو متعب وهو يعدل نظارته العريضة على وجهه الي جعده الزمن لكن وقاره بقى زي ما هو والله افكر في هاالعيال وفي مستقبلهم ام متعب هههههههههههه اي عيال الله يسلمك كلهم كبروا ابو متعب بلا المسؤولية ما تزيد الا اذا كبروا ام متعب ياابن الحلال اترك عنك الافكار الي ترفع ضغطك وسكرك وتتعب صحتك وبعدين اصغر عيالنا كلهم جود وجود حرمة الحين وهذي اخر سنة لها بالجامعة قاطعها ابو متعب بوجه مهموم وقال اخوي سلمان الله يرحمه امن مستقبل بنيته البتول وانا وش سويت لمستقبل بنيتي قالت ام متعب بضيق وحزن صالح انت علامك موسوس اليوم قال ابو متعب وهو كئيب انت عارفة ان المرض الي بكبدي كل يوم يزيد وانا موب دايم لها خنقتها الغصة والله لولا حلفه بالطلاق عليها لتعلم عياله عشان يعرفون ان ابوهم مريض بالكبد وقالت وهي حزينة لا تقول كذا ابو متعب انا ما انكر ان متعب حنون وقلبه كبيرلكنه ما يعرف لجود مثلي وراح يقسى عليها واجد وعارف بندر وطبعه الحامي ولاابيه يتمشكل مع اخوه الكبير غير العيال الباقيين وسكتت ام متعب هنا معه حق عيالها وتعرفهم وقالت له يعني وش السواة نخطب لبنتنا وطقت الفكرة براسه وشلون ما فكر فيها من زمااااااان وناظرته ام متعب وعرفت ان كلامها الي ما مر عليه مرور الكرام وانه دخل داخل هالعقل الي لا يكل ولا يمل من التفكير والتحليل والقرارات قالت بصدمة بتخطب لبنتنا وسكت ابو متعب وما رد عليهاااااااااااااا وهنا دخل عليهم بندر السلام عليكم صباح الخير ثم حب راس امه وابوه ابوه صباح النور بندر كيف حالك يبه اليووم ابوه الحمد لله زين بشر جهزت للرحلة بندر ايه كل شي زين والخيام راح تسبقنا بيوم للموقع الي اختاره ماجد ابتسم ابوه وقال اذا ماجد الي مختاره اكيد موقع طيب بندر هههههههههههههههههه والله اني اعرف انه ما يجوز لك الا شغل ماجد فقلت احترم نفسي واخليها عليه ابوه هههههههههههههه فيكم الخير كلكم بس ماجد يعرف الي يجوز ماجد ماجد ماجد اهلي ما عندهم سيرة الا هو ودخلت جود الغرفة كتبها على يدها وقالت صباح الخير وحبت على راس ابوها وامها وجلست ابوها صباح النور يبه اخذت لها كاسة شاهي على السريع ووقفت عشان تطلع للسواق امها افطري كلي شي جود بابتسامة حلوة تاخرت يمه عندي محاضرة بعد ربع ساعة امها براحتك بس انتبهي على حالك جود من عيوني سلااااااااااام الكل وعليكم السلام لبست عبايتها وتغطت وطلعت للسواق ومعها اخوها يزيد الي بيدرس بالثنوي ويروح معها عشان ما تركب مع السواق لوحدها يزيد ياالله صباح الخير جود هلا والله شفيك تقولها من ورى خشمك يزيد ههههههههههههههههههه كشتك علامها طايرة جود هههههههههههههههههه قم ضف وجهك هذا يسمونه تجعيد يا جاهل تذكرت جود وقالت ليزيد بعدين تعال هون انت كيف شفت كشتي وانا متغطية يزيد هههههههههه شفتك قدام المراية وانت تلبسين عبايتك طبعا ما تنلامين الي يشوفك يقول ما شافت مرايات بحياتها جود ههههههههههههههههههههههههههههههه كيفي حرة يزيد وهو يزين كتبه على يده طيب يا حرة اركبي تاخرنا وركبوا السيارة وراحوا المشهد الثاني >>بيت ماجد طلع ماجد من الشاور ولبس ملابسه ...دق جواله "الو" بندر :-هلا يا استاذ ماجد وين الناس ماجد بروقان :-ههههه يالله صباح خير بندر :-افا يا النسيب انعصر قلب ماجد وتذكر اخته وجنونها قال بسرعه :-بندر انا اليوم ماخذ اجازه من الشغل برجع اكلمك بعد ما افطر بندر :-زين انتظرك سلام ماجد :-سلام لبس غترته البيضاء واخذ مفتاحه وجواله ونزل تحت ... مرته البتول في طريقها ونزلت عيونها قال بصوته الخشن القوي :-مافيه كليه اليوم ارتبكت :-ا ا ا عنـ عندي اوف ناظرها بطرف عينه ممكن تكون عيوب البتول واجد لكن الكذب مو منها ...سفهها ونزل وقلبه يتقطع لانه زعلان منها .. ناظرته البتول ودمعتها في رمش عينها ودها تكلمه وخايفه منه ،يوم صحت من النوم حست بالمصيبه وبهول الي قالته البارح ... نزل بسرعه ولقى امه كالعاده جالسه تتقهوى ومعها اخوانه الي يصحون يفطرون معها قبل لايروحون دواماتهم "صباح الخير " الكل "صباح النور " ماجد وهو يجلس :-زين اني لقيتكم هنا فارس :-خير ان شاء الله مشاري :-خير ماجد بسلطته المعتاده :-انا قررت يكون زواج البتول وبندر بالصيفيه الجايه ناظروا العيال في بعض ... قال ماجد وهو رافع حاجب :-انتم اخوانها مثلي ورايكم مهم قال مشاري :-لا يا ماجد انت اخونا الكبير والي تشوفه سوه ماعندنا مانع قال فارس :-صادق مشاري انت اخونا الكبير والي تشوفه يصير هز ماجد راسه وانتبه ان امه ساكته :-هاه يا الغاليه وش قلتي ان كنتي ضد تغيير الموعد علميني وماراح يصير الا الي ترضينه ام ماجد بابتسامه :-يمه مالنا قول بعد قولك ابتسم ماجد وقال بحنيه :-كلامك يمشي على الكل يمه وانا اولهم مسكت امه يده وهي تهز راسها ..:-الي تشوفه سوه انا تعبت من اختك فارس بتعجب :-غريبه ردت فعلها بندر مايتعوض ماجد بملل :-من يفهم اختك لنا سنتين وحنا بمشادات وهواش في هالموضوع حتى بندر شكل عنده خبر عن شعور اختنا واعتراضها عليه مشاري طلعت عيونه :-ول هذي مصيبه ماجد :-لا مصيبه ولاشي دلع بنات ويروح بعد الزواج العيال:-هههههههههههه ... وقف ماجد قالت امه :-وين يمه هذا فطور ماجد :-الحمد لله شبعت وراي موعد مهم امه :-بحفظ الله طلع ماجد فتح باب البيت الكبير الا ويحس باحد ورا التفت رفع حاجب :-خير قالت البتول وهي منزله عينها بالارض :-سامحني يا ماجد على الكلام الي قلته ماجد للحين متضايق من كلامها بس مايبين :-صار خير دمعت عيونها :- لا ماصار خير انا اسفه مايحق لي اقول هالكلام .. انت بمكانه ابوي انت الي ربيتني قال ببرود والم :-زين انك تذكرتي هالكلام مسحت دموعها :-متذكرته بس لاعصبت ما اقدر افكر في الي اقوله ماجد :-بهالشكل ماراح تعيشين مع الناس .. حمر وجهها من كلامه وتهزيئه لها .. فتح الباب وطلع لسيارته لحقته البتول وقالت له وهي تضلل عيونها عن الشمس :-ماجد انت جاد في تقريب موعد العرس سنه عن موعده الاصلي ناظرها بقوه (يمه منه لا ناظرني كذا يكسر عيني وعين أي واحد يتجرا يراده في كلامه ) قال وهو يلبس نظارته الشمسيه :-تعرفيني زين لا قلت كلمه ما اتراجع عنها وان سمعت أي اعتراض ماراح تلومين الا نفسك وركب سيارته وجحدها ... وقفت بالشمس تناظر في سيارة اخوها الي ماشيه باتجاه البوابه الكهربائيه الكبيره ... دخلت البيت بتموت من القهر ... قابلت اخوانها وعرفت انها لو استعانت فيهم مافيه امل لانهم مايعصون كلمه لاخوهم الكبير وشورهم دايم من شوره .. طلعت غرفتها يحرقها القهر وقله الحيله حرق مثل اشتعال النار بالهشيم .. شتسوي ياربي تدق على بندر وتهزئه لا لا مستحيل مهما كانت مجنونه كل شي ولا سمعتها وسمعه اخوانها >>بيت بو متعب << اخذت جود الجوال ودقت على ريووف بنت عمها ريووف :-اهلين جوجو جود :-اهلين ريووف اخبارك ريووف :-انا بخير الحمد لله .. عايشين سكتت جود شوي حست بشي مو طبيعي من برود ريووف .. قالت بهدوء :-ريوف فيك شي ارتبكت ريوف شوي وقالت بابتسامه حزينه :-مافيه شي جديد .. مسكت جود اعصابها وقالت :-لا تقولين عمة رجلك مرة ثانيه رجعت ريوف شعرها الاشقر ورى اذنها وقالت وهي تثني رجلينها تحتها :-الله يسامحها عصبت جود :-الله لا يسامحها ياشيخه .. قالت بطيبة قلب :-تعودنا انهبلت جود :-لو مكانك شرشحت هالعانس الي ماوراها شغله الا رمي الكلام يمين ويسار .. قالت بصوت رقيق كله محبه وشلون مايكون صوتها رقيق وهي بتنطق اسمه :-من اجل عين تكرم مدينه وعشان خالد يهون كل شي .. تنهدت جود بصوت عالي :-بدينا في كلام الحب ريووف :-هههههههه ياشين الغيره عصبت جود :-انا اغار ههههاي لا يمكن حياتي ريوف :-اعصابك طيب لا يصير فيك شي جود وهي تناظر في الساعه :-ريووفوه ووجع لازم انام بدري ورانا مسراح بدري ريووف :-ياي وناسه جود بحماس :-تعالي معنا بلا سخافه ريووف بتردد :-والله مدري عن فضوة خالد تنحنحت جود وقالت بلهجه فيها خبث :-علينا انتي لا بغيتي الدرب مشيتيه ريووف :-هههههههههههههههههه وجع استحي قالت ببراءه :- وجعين ماقلت شي انتي الي تفكيرك غلط ريووف بصوت فيه ضحكه :-انا جود :- لاجدتي يالله سيو بروح انام وبليز حاولي تجين والله من زمان عن المكاشيت ريووف مو تايهه عن طبع جود ولا عن حماسها الزايد للطلعه قالت بجد :-عارفه انك تحبين الشي الي يغث ماجد عشان كذا بتتشققين وناسه طار النوم من عيون جود وقالت بعصبيه :-من قال له ريووف :-غشيمه عنك انا ارتبكت جود وقالت :-بصراحه ايه على ايش شايف نفسه ابوي الي المفروض هو كبير العيله والي المفروض رايه يمشي على الجميع ما يسوي شي الا يشوره قالت ريووف بعقلانيه :-شي طبيعي هذا بدال ماتفخرين بولد عمك تعصبين ارتفع ضغطها :-افخر بايش يا حظي باستبداديته (لحقت على عمرها) تكفين ريوف لا تزعلين عشاني اتكلم عن اخوك كذا ريووف :-ههههههههه مازعلت ولاشي انتي بنت عمي ومجبوره اتحملك غير اني اعرف ماعندك سالفه كنها ارتاحت شوي :-شكرا دايم تحرجيني بذوقك ريووف :-هههههههههههههههههههه ولكمو الا ويقاطعها صوت خالد زوج ريوف :-مسا الخير قلبي قالت بحنيه :-هلا حبيبي ... ولع وجه جود وصرخت باستهبال:-وجع ريوفوه يالي ماتستحين نعنبو ابليسك توني ما خشيت دنيا عيب هالكلام ريووف وش الي مخلي جود غير الناس عندها .. غير روحها الحلوه الطاهره لا تعرف الحقد ولا النفاق ولا الاشياء الشينه ممكن تدعي انها ماتحب ماجد لسبب ما ريووف شاكه فيه ... معقول بعد كل الي صار بينهم فيه شعور باقي ما مات ؟؟ مافيه غير هالسبب لسبب بسيط ان جود ماتعرف تكره طفله في جسد امراه ... ملامح كلاسيكيه وجه دائري عيون ناعسه بشره بيضا وشعر اسود مقصوص طبقات يوصل لنص الظهر .. الي يشوفها مايعطبها 23 سنه يعطيها 18 ،19 سنه ...لجمالها وبراءة مظهرها قالت ريووف وهي تضحك :-اقطع يدي ان كنتي صاحيه يالله انا بسكر جود بخبث :-ايه الحين احترق كرتي ريووف وهي تضحك بصوت عالي :-جودوه جود تستهبل :-يمه خلاص بسكر سيووووووووو ريووف :-ههههههههههه سيو سكرت جود التلفون وجلست تتقلب ساعه في الفراش .. عيا يجيها النوم سبحان الله قبل شوي كانت راح تنام وهي تكلم ريوف والحين طار النوم من عيونها هواجيس وافكار تضايقها تجي وتروح ... ماجد ماجد ماجد الناس ذولا ماعندهم غيره .. مالهم الا سيرته .. وش شايفين فيه بالله يوم متشققين عليه هالكثر .. بصراحه ماتشوف فيه زود عن اخوانها اخ من اخوانها ... والله انهم قاهرينها خصوصا بندر الي ماوافق على روحتهن البر الا بعد مشورة ماجد ضربت المخده بيدها بقوه من القهر ليش ياخذ رايه شي يقهر ... ماتدري كم جلست على هالحاله الا وهي نايمه ... يتبع التوقيع badawia * *  |
|
|
|
01-01-2009, 01:18 PM
|
رقم المشاركة : 2 | |
|
|
|
|
|
|
|
01-01-2009, 01:43 PM
|
رقم المشاركة : 3 | |
|
|
تحية لكي على هذة القصة |
|
|
|
|
01-02-2009, 04:53 PM
|
رقم المشاركة : 4 | |
|
|
السلام عليكم اخت بدوية
مشكورة كتير ع القصة ونتمنى المزيد من المشاركة |
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
|
|
forum xml threads xml RSS
الساعة الآن 03:06 AM.
Search Engine Optimization by vBSEO 3.2.0