السورية للطيران وما تجده على متنها من ميزات....

zhhora · 01-11-2009, 09:19 AM

هذا الكابتن أبوصياح يرحب بكافة الركاب جلوساً ووقوفاً على متن الخطوط الجوية السورية

* نقدم عميق أسفنا عن تأخير الإقلاع أربع أيام عن الموعد المقرر

* مرة أخرى أتقدم منكم بعميق الأسف إن شعرتم بالبرد على متن طائرتنا وذلك بسبب عطل

طارئ في نظام التدفئة من حوالي الشهر لا أكثر.. دبروا راسكم رجاءً

*هذه الرحلة رقم717 إلى مطار دمشق الأثري عفواً الدولي..حيث أن الهبوط هناك غير

مؤكد بعد ولكن لا داعي للقلق فبإذن الله سنهبط بكم في مكان ما في سوريا.

*الخطوط الجويةالسورية سجلها نظيف من أي حادث ، لذا نظام الأمان لدينا عالي جداً حيث

أن حتى الإرهابيين يخافون الركوب على متن طائراتنا

*يسرني أن أبشركم بأنه وخلال العام الماضي أكثر من 30 بالمئة من الركاب قد وصلوا

بأمان إلى وجهاتهم .

*في حال أزعجكم صوت محركاتنا فنحن على أتم الإستعداد لإطفاء
أي منها نزولاً عند راحة

ركابنا الأعزاء

*كما نأسف لعدم تشغيل البث المباشر لمسار الرحلة وذلك لعدم تمكن الموظف من تسجيله

قبل الإقلاع

*وحرصاً منا على ترفيهكم سوف نقوم بالتحليق بمحاذاة طائرة الخطوط الإماراتية
حيث

سيكون بإمكانك ركاب الجهة اليسرى متابعة مايعرض على شاشات الإماراتية من أفلام وبرامج..

*نود ان نذكركم بأن التدخين ممنوع على متن طائراتنا وأي دخان ترونه في صالون الطائرة

ماهو إلا بعض الإنبعاثات من محركات الطائرة فيرجى عدم الإكتراث..

*حرصاً منا على صحتكمتم إلغاء كافة أنواع اللحوم والمياه الغازية من وجباتنا
*سنقدم لكم مناقيش زعتر بلا زيت

*المشروبات علىمتن طائراتنا مفتوحة لجميع الركاب وعلى الفئتين الأولى والسياحية وهي

عبارةعن مياه فيجة عذبة وليست باردة كي يتمكن أطفالكم من شربها

*كما سنقوم بالتحليق بشكل منخفض من الأرض وذلك كي يستمتع السادة الركاب بالمناظر

الخلابة التي نمر من فوقها

*يرجى ربطالأحزمة بشكل جيد حرصاً على سلامتكم ، ونطلب من السادة الذين لا يجدون

أحزمة على مقاعدهم بأن يربطوا أحزمتهم الخاصة من عروة البنطال إلى ذراع المقعد اليسرى..

*إن لم تجدوا رقم المقعد المدون على البطاقة يرجى مراجعة المضيفة التي سوف تشرحلكم

وبكل سرور كيفية الجلوس على حقيبتكم الدبلوماسية في الأمكنة المخصصة في الممرات..

* أخيراً نشكر لكم السفر على متن طائراتنا وكلنا أمل بأنكم سوف تطيروا معنا مرةأخرى..

هلأ أنا طرت بالسورية وصاروا معي كلن بس تبعوت الترفيه اللي على متن الإماراتية ما صارت معي .... مو مشان شي ,, بس كنت ئاعدة بالجهة اليمين يعني الشاشات ما بتبيّن من أرضي ... ههههههههه (((سلاااااااااااام)) ولا تنسوا بدي أحلى ردود كرمال ماتزعل السورية منكن

رينيه2007 · 01-11-2009, 09:58 AM

والله أحلى رد لعيونك أنا جربت الاماراتية بس السورية ما جربتها بس ليكي مو هي سورية أنا بحبها لو ما بتطير بس لانها سورية ههههههههه

ميشال4321 · 01-11-2009, 01:50 PM

يمكن تكون غلطان ليش كتير حاقد على الطيران السوري يمكن ما عم تسمع عن الطيارين والخدمات في الطيران السوري يمكن تكون جربت بس مو شرط انها قما قلت سمعتها جيدة ونفتخر بطيران السوري وان كتير مزعوج اطلع بغيرها المرى الثانية

zhhora · 01-11-2009, 06:03 PM

هلأ مشكورين كتير على الردود والموضوع كلو أنكلة بأنكلة ... والشام انشالله بتؤبر ئلبي شو بحبا كيف ما كانت تكون بكفي إني منها لحتى حبها ..... والموضوع متل مائلت يا ميشال أنكلة ومو مستاهل زعل و انزعاج .... وشكرا مرة تانية عالمرور

الكوسوفي · 01-11-2009, 07:31 PM

انا سافرت بالسورية عاليبيا وعينك ماتشوف الاالنور يلي حاملة بئجة ويلي مطلع كريكات وبذكر الراكب يلي كان قاعد قدامي كان طالع براسو تعلبة

zhhora · 01-12-2009, 02:11 AM

هههههههههههههههههههههههههه
شكلا إمك يا كوسوفي كانت داعية عليك يوميتا .... بس الله سترا معك الظاهر ورحت ورجعت بالسلامة ...... خلص المرة الجاية منضيف لهدول الميزات اللي عند أبو صياح كشف تفصيلي بالعاهات الموجودين ... (عفوا : الركاب اللي موجودين ) .... تسلملي على هالمرور اللي بيرد الروح

باسل99888855 · 06-27-2009, 02:12 AM

لعمى نسي يذكر انو الشناتي بيضيع وما بعوضوك الا بخيارية شو بدنا نحكي لنحكي بعد

ملاك بس هلاك · 06-27-2009, 09:49 AM

لك يسلملي الشام وريحة الشام وياسمين الشام واهل الشام لك اي والطيران بسوريا والشام ..

لك كيف ماكانت بتضل بتجنن ..

ومع اني من سوريا بس يا الله هو الموضوع متل ماقلتو افلة وانكلة ..

يسلموووووووو

أنا الدمشقي · 06-27-2009, 12:54 PM

لك تئبري قلبي انتي والشام هههههه لا تئسي عالشام كتير لانها احلى بلد بالعالم

باسل99888855 · 07-04-2009, 12:03 AM

ياعمي ما تزعل تسلملي الشام وبنات الشام بس منحكي على الطيران مو على الشام انا مضيع الحقائب من اكتر من ثلاث سنوات وراجعت 100 مرة اخر شي الموظف قال لي منطالعلك ياها وين بتصرف هي مع العلم ان الحقائب الثلاث فيها اكتر من 1500 دولار اغراض بس الله يعوض ومن يومها حرمت