عيوب تحت المجهر

الكوسوفي · 02-03-2009, 07:00 PM

تركَ رجلٌ زوجتهُ وأولادهُ مِن أجلِ وطنه قاصداً أرض معركة تدور رحاها علىَ أطراف البلاد,

وبعد إنتهاء الحرب وأثناء طريق العودة

أُخبَرَ الرجل أن زوجتهُ مرضت بالجدري في غيابهِ فتشوّه وجهها كثيراً جرّاء ذلك

تلقى الرجل الخبرَ بصمتٍ وحزنٍ عميقينِ شديدينِ

وفي اليوم التالي شاهدهُ رفاقهُ مغمض العينين فرثوا لحالهِ

وعلموا حينها أنهُ لم يعد يبصر

رافقوه إلى منزلهِ, وأكمل بعد ذلكَ حياتهُ مع زوجتهُ وأولادهُ بشكلٍ طبيعي.. وبعد ما يقاربَ

خمسةَ عشرَ سنةٍ توفيت زوجتهُ..

وحينها تفاجأ كلّ من حولهُ بأنهُ عادَ مبصراً بشكلٍ طبيعي..

وأدركوا أنهُ أغمضَ عينيهِ طيلة تلكَ الفترة كي لا يجرح مشاعر زوجتِه عند رؤيتُه لها

,,,,,,,,,,,,*

تلكَ الإغماضة لم تكن من أجل الوقوفِ على صورةٍ جميلةٍ للزوجة..

وبالتالي تثبيتها في الذاكرةِ والاتكاء عليها كلما لزمَ الأمر,

لكنها من أجل المحافظةِ على سلامة العلاقة الزوجية

حتى لو كَلّفَ ذلك أن نعمي عيوننا لفترةٍ طويلة خاصة بعدَ نقصان عنصر الجمال المادي ذاكَ

المَعبر المفترض إلى الجمال الروحي

,,,,,,,,,,,,*

ربما تكونُ تلكَ القصة مِنَ النوادر أو حتىَ مِنْ محض الخَيال لكنْ

من منا أغمضَ عينهُ قليلاً عنْ عيوبَ الآخرين وأخطائهم كي لا يجرح مشاعرهمْ ؟

و من منا وضع عيوب الاخرين تحت المجهر كي يخفي عيوب نفسه؟

برأيك لما هناك فرق بين هذا وذاك....

اترك لك الحرية بتعبير عن رأيك ولك أن تذكر موقف صادفته او سمعته او حتى خضت غماره ..
دعوة مفتوحة لنقاش فلا تترددوا بأن يدلي كلاً منكم بدلوه

قلب الماس · 02-03-2009, 07:36 PM

والله قصة غريبه يعني هي ان كانت حقيقيه طبعا مابعرف شو بدي احكي بس متل ما حكيت انت وكأنها من محض الخيال لأن اذا خقيقي هالشي صار بكون نادر جدا امثال هالرجل
والله هالايام مرته عم بتكون ملكة جمال ومافيها عيوب ومافي شي ناقصه وبطالع برة وبتجوز عليها وبكون مش عاجبه العجب ومش مستعد يضحي ابدا
سبحان الله
شكرا لك

تاجرة السعادة · 02-03-2009, 08:06 PM

اشكرك جدا اخي الكريم
بالنسبة للقصة شبه مستحيلة لانه مافي حدى هيك
وبالنسبة للناس التي توضع عيوب الاخرين تحت المجهر لتخفي عيوبها
صحيح هالعادة مرفوضة لكن احيانا كتيرة
الانسان بيستخدمها لحماية نفسه او حماية الغير
بمعنى احيانا بتكون اضطراريا
مثلا
الاب لايجب عليه ان يظهر عيوبه امام ابنائه
وحتى ما يبين عيوبه احيانا بكون مضطر ليخفيها بطريقة سلبية
كأظهار مثلا عيوب الجار او اي شخص لكي يبين لابنائه انه الافضل
وهذا رأيي وما بعرف اذا فيه من الصواب ام لا
موفق اخي الكريم

ابنة الورد · 02-05-2009, 01:47 AM

اخي كوسفي ظول ما في بألب الانسان رحمه ومحبه لشريكه بيعمل اكتر من هيك
انا صادفت أصص كتيييير مع صديقاتي حصلت همه مرتبطات شفت انه في تضحيه كبيره بكتيييييير امور
وبصراحه انا في شخص انا اعتبت عليه كتير لانه كزب عليه انا بسامح عكل شي الا الكزب وبصراحه اول مره ما بحط لشخص غالي على ألبي اعزار واخدت مؤف منه بس موضوعك جد فهمني شغلات ما كنت فاهميتها لازم نتفادى غلطات بعض احيانا لانه بالاول والاخر نحنا بشر

محبة اياد · 02-05-2009, 03:04 AM

شكرا اخي كسوفي على نقل هالقصه ممكن تكون.
مافي شي بالدنيا غريب
تعليقي اختصره بكلمات عالم سال انه لم يغتاب احد قال انشغلت بعيوبي عن عيوب الناس
كنت اتمنى كل انسان هكذا ولكن من الصعب.
تحياتي تقبل مروري

zhhora · 02-05-2009, 05:33 AM

الموضوع كتير حلوو
بس ما بعرف إزا أنا بنفسي ؤح إئدر أعمل متل هالزلمة ولا لأ
أنا عن حالي ما بشوف غير (......) بعيوني ولو شو ما صرلو ((بعيد الشر عن ئلبو,,,,))
ما بشيلو من ئلبي وراسي حتى ولو اتشوه
بس أنا بنت .... النقاش من عند الشباب
يا ترى إنت وغيرك رح تئدرو تتحملو بشاعة شريكتكن بعد ما كانت حلوة ؟؟؟؟
مشكور كوسوفي

فراشة النور · 02-05-2009, 04:42 PM

انا برأي انو الأشخاص الأولى الي حكيت عنهم..بكونوا همه من جوا حلوين وقلبهم ابيض وبكونوا يحبوا ويعزوا بصدق....

اما الاشخاص التانية...أنا بعتقد انو عندهم نقص بشخصيتهم وفراغ ما بعبوا الا بهاي الطريقة وللأسف...

وبدي اعلق عكلام تاجرة السعادة::إلي بقلبو ايمان كبير بالله..وقلبوا ابيض ممكن يطلع منو هيك شي.وما بتوقع يكون هادا الشي مستحيل...
اما ادا كانت من ناحية حماية الغير وبهدف امنيح وما بضر بكل الاطراف...فما بتوقع يكون موقفوا سلبي...((تقبلي كلامي حبيبتي تاجرة السعادة))....

الكوسوفي · 02-06-2009, 01:45 PM

قلب الماس
تاجرة السعادة
ابنة الورد
محبة اياد
زهورا
فراشة
شرف كبير مروركن على صفحتي ورفعتوا راسي تحياتي لكم