المراة اليوم

صاحب العيون المثيرة · 02-06-2009, 09:01 PM

في الحقيقة موضوعي اليوم من خلال مشاهداتي

واحتكاكي بالمراة وهمومها ومشاكلها ووضعها بالمجتمع العربي
قد يكون كلامي ليس منطبقا على كل النساء .لكنه على الاغلب
يلامس حالة ووضع المراة بمجتمعنا العربي اي اغلبية النساء
بصراحة رغم وصولنا الى القرن 21 ونعيش عصر العولمة
ما زلت المراة (اقصد الشابة والمتزوجة والعجوز)ليس لها كلمة لاحول لها ولا قوة ادا اردت ان تفعل اي شيء تتلوى يمينا وشمالا خوفا من شيء اسمه(مشنقة المجتمع لها)تحس نفسها متخبطة ضائعة بسبب توجهات غير مبررة يعيشها المجتمع
اكبر دليل على كلامي ان البنت في كتير من الحالات غير قادرة على التضحية متلا لعلاقة حب وممكن تعنس ليش بسبب مفاهيم خاطئة تظل مكبلة تقول لنفسها ياويلي ليش هيك حظي ان شاء الله موت فيكون انيسها الدموع والبكاء المراة اليوم لا تملك من قرارات المجتمع شيء لانها مستعبدة لانها ولو ضحت او خدمت او اتخدت رايا او سايرت عقلها فالحالة واحدة سعادة مؤقتة لكن الجرح يتسع نزيفه ان المراة مازالت تدفع الثمن غاليا لاخطاء المجتمع ونظرات الناس لكنير من الامور على منطلق معين وهدا ما يؤدي ان المراة لاتقدم ولاتؤخرالمراة ضحية مجتمع لا يرحم حاجاتها لمادا؟لا اعرف بدي ردود

تاجرة السعادة · 02-06-2009, 09:22 PM

مسا الخير
متل ماقلت اخي ليس على جميع النساء
واذا المرأة خافت من مشنقة المجتمع
بتكون هي راح تعمل شي غلط لهيك خايفة
وبالنسبة للبنت يلي بتخاف من الحب بسبب المجتمع
هي ما بتخاف انه المجتمع يقوللها لاء
هي بتخاف انه تكون علاقة فاشلة تعاقب عليها من المجتمع
بس هلأ كتير بتلاقي النساء لهم كلمة
حتى في العمل بتلاقي المرأة ترئس على الرجل (وهادا دليل انه المرأة تحكم ) واحنا بمجتمع مدني
المرأة بتتخالط مع الرجل بجميع المجالات
وبتوقع اكتر النساء يلي مظلومين من المجتمع
بكونوا من الريف وما يشبها
والله يهدي الحال اخي الكريم
موفق يارب
وانا هادا رأيي

صاحب العيون المثيرة · 02-06-2009, 09:38 PM

مشكورة اختي بس شو يمنع ادا وحدة ما اجا نصيبها ما تفتح طريقها لحالا خاصة ادا كانت متعرفة على شب ورات ان سعادتها بالوزاج منه هاد متل على تقييد المراة يعني ادا صار عمرا 30 متلا يعني تستنى الزواج تقليدي مسان اهلها يو افقو

تاجرة السعادة · 02-06-2009, 09:45 PM

اقتباس:

المشاركة الأصلية كتبت بواسطة صاحب العيون المثيرة

مشكورة اختي بس شو يمنع ادا وحدة ما اجا نصيبها ما تفتح طريقها لحالا خاصة ادا كانت متعرفة على شب ورات ان سعادتها بالوزاج منه هاد متل على تقييد المراة يعني ادا صار عمرا 30 متلا يعني تستنى الزواج تقليدي مسان اهلها يو افقو

الشغلة نصيب من الله
وانا قلتلك رأيي بموضوع تاني
يلي هو
ما في احلى وافضل من انه الشاب والبنت يكون في بناتهم اعجاب بسيط
والشاب يخطبها ومن ثم يتزوجوا اذا كانوا متريحين لبعض
وانا بلاقي المرأة التي تخرج عن تقاليد عائلتها
امرأة غير صالحة يعني مش امنيحة
ومهما كانت هالتقاليد لازم تحترمها وتعمل فيها
موفق اخي الكريم

فراشة النور · 02-10-2009, 03:51 PM

مشكووور على وقوفك معنا انا اول مرة بحس انو في حد فعلاً فاهمنا....
بس كمان الوحدة هي يلي بتحدد شخصيتها بالمجتمع....وكيف تكون..

والإسلام عزز المرأة بس الناس بسبب تخلفهم وجهلهم غيرو كل هاي المفاهيم....

مشكور وتقبل مروري....

صاحب العيون المثيرة · 02-10-2009, 04:02 PM

مشكورة كتير يا فراشة انا كلامي نابع من ملامسة وتجارب مو يعني من الهوا
وانا دائما بقدر المراة بس مو على حسلب حبيبها او زوجها لابد من عملية تبادل مشترك بالاحاسيس بكل شي منورة

ابنة الورد · 02-12-2009, 02:39 PM

يسلمووووووو يا ابو العيون
هوه حكيك في منه وحكي الصبايا مزبوط كمان خاصه رأي تاجره الشغله نصيب
وانا بشوف انه الشب يبادر احسن لأنه البنت بضل حساسه فازا شافت رفض منه بتنجرح اكتر
وهاد خوفها وبعدين الشب ما بيستسيغها كتير انه البنت تصارحه بمشاعرها كتير صارت مع رفئات لالي بالجامعه كان الرد عليهم واحد دائما انا بحب البنت لتئيله يعني على كل الجهات البنت موقفها حساس لهيك تصون كرامتها افضل وربنا من أبل ما تخلء هيه محددلها نصيبها ومين الشخص يلي هيه من ضلعه يلي ما اجا نصيبها ما عليها الا تصبر وتتوكل على رب العباد وتتأرب منه بالصلا
هاد رأيي بكل توااااااااااضع

Dan · 02-26-2009, 04:06 PM

بصراحة انا من رايي المفروض ان الدول تبدا مشاريع للتوعية بغباء تلك الاعتقادات و السبب في انتشار هذه الاوهام في المجتمعات العربية هو جهل و تخلف المجتمع لابعد الحدود
و المفروض البنت ما تهتم لهذه الاقاويل
مو المهم تتجوز
شو يعني اذا ضلت عانسة؟؟
اسمها انسان و راح تظل انسان

قلب الماس · 02-26-2009, 06:38 PM

موضوع كتير شيق ,, وبعتبره خطير بالنسبة للمرأءة
انا قريت رأي الاعضاء هون ولقيت انه في منه
وفي نقطه مهمه انا حطيت تحتها شخطتيتين هي لو عللا كلامك يا صاحب العيون انها لو فتحت باب للشخص اللي بتحبه .... طيب فرضا ماصار نصيب الها معه ؟ شو موقفها بعد هيك بالمجتمع وبين اهلها وناسها؟ يعني اذا اجا متلا الرفض من اهله او لأي ظروف اسمها شو بيكون بالاخير انها عرفت واحد وحبت واحنا في مجتمع شرقي لا يقبل ابدا انها البنت بتكون بتعرف واحد او اتنين
لانه الرجل الشرقي عنا بطبيعته مابقبل هالشي واطباع الشرقين صعبه
فبتبقى البنت هون متقيدة بلعادة الشرقيه وتعاليم اسرتها المشتدده لما يجي نصيبها ..
ولا تنسى البنت متل المرايه لو بصمة اصبع صغيرة بتأثر عليها
تحياتي

yacine_algeria · 02-26-2009, 09:03 PM

موضوع مميز
مشكور على فتح هذا الموضوع

لا أحد ينكر أن المرأة مخنوقة في المجتمع لكن هذا لا يجسد أن كل النساء مخنوقين هناك بعض النساء تحرروا من القيود و فرضوا أنفسهم على المجتمع وضعوا اسم المراة في مناصب في أيام كانت بالنسبة للمرأة مستحيلة تصل اليها
و اليوم نحنا نشوف انه المرأة تحررت من قيود المجتمع نحن نرى المراة في كل المجلات و الحمد الله الا انه لزال توجد بعض العراقيل التي تعرقل المراة المظلومة من الاستمرار في المجتمع و هذا واقع يطرح اليوم على دائرة قضايا المجتمع و مهما غيرنا القوانين و القيود التي تعرقل المراة من حقوقها في المجتمع الا انه يبقى المجتمع نفسه لا يرحم و هذا الأمر صعب نغيره
و في الأخير تبقى المراة جزءا أساسيا من المجتمع

يسلموا على الموضوع