عاش النظام العربى الرسمى عاش

شوفتم علشان راح غزة اتنش
سنتين ومحكمة عسكرية
يا جماعة ياريت تعرفوا النظام
بتاعنا تبع مين انا اجدد طلبى
هو احنا نطولوا يعملونا زى ما بيعاملوا اسرائيل
وياريت العيال الصبح
فى طبور المدرسة دا اذا كان لسة فية طبور
بدل ما يحيوا العلم المصرى
يحيوا علم وامن اسرائيل
وبدل ما بيحيوا مبارك
ويحيوا نتنياهو وليفنى وباراك
ويعيش الشعب الا سرائيلى مرفوع الراس
نحن فداكى يا اسرائيل يا بنت العم والخال
من اجلك نحرق كوفية فلسطين ونحرق الشال
يا سيدتى وسيدة النظام يركع العرب
ويبوسوا
الايادى ويبوسوا النعال
انت الصديقة وانت العزيرة
مرفوعة الرأس والمقام
انظرى يا حيبيتى الى الامام
فجيوش العرب تحارب معكى
وتحت قد ميك يسجد النظام
فأنتى باقية والعرب الى زوال
لا تتلفتى خلفك ومعك هؤلاء الرجال
لا تنظرى الى من يقاوم
فهم ان رحوا ولا جم شوية عيال
عاش النظام العربى الرسمى عاش
وعاشت اسرائيل ومات العرب وعاش النظام
قال عايزين يفتحوا المعابر
بقى دة اسمة كلام
انتم ملكوش غير الخطب من على المنابر والسلام
واية يعنى لما اسرائيل تموت كل يوم عشرة ولا عشرين
هو احنا نطولوا نموتوا على ايادى الاسرائيلين
دا احنا حتى نبقوا محظوظين
واية يعنى لما نودا الغاز لحد تل ابيب
ماالحكومة بتقول كتر خيرهم دا هم اللى جايبين الانابيب
والله كلام معقول وسيبكم من المعارضين
هما مش عارفين المصلحة فين
اية يعنى لما ياخدوة ببلاش لحد يوم القيامة
هو احنا نطول نخدموهم بعنينا ما لازم نثبتوا حسن النية
اهو نقولوا ان احنا عملنا اللى علينا
واسرائيل دى ياناس خيرها علينا
واذا مشلتهاش الارض نشيلوها فى عينينا
نحاربوا بعض علشانها ونرجعوا نبوسوا ايدها
علشان ترضى علينا
واية يعنى لما تقعد وسطنا
واية يعنى لما تحرق ارضنا وقلبنا
واية يعنى لما تشرد ولادناوتقتل شبابنا
واية يعنى لما تسجن الوف
واية يعنى لما تمرمغ انوف
كلة كلام مألوف
بس اللى مش مألوف انك تقاوم
لازم تساوم وتعيش خروف
واية يعنى لما تهد البيوت
واية يعنى لما يقتلنا السكوت
كدا كدا مكتوب علينا الموت
مكتوب علينا الموت