تعالوا شوفوا افلام عراقيه دتنعرض بالسينمات عااااااااااااا تحشيش

عصفورة العراق · 02-16-2009, 01:43 AM

تقطع التذاكر من المشرفين فقط

سعر البطاقه للولد 3000 دولار

سعر البطاقه للبنات ربع دينار عراقي

يمنع دخول العشاق هاي سينما محترمه اذا يريد يخلي حبيبته بره ومن يخلص الفلم يستلمها [
لانه الوادم ماتكاطعت

العرض يبدء الساعه 5 الفجر والعرض يخلص من يخلص الفلم والعرض واحد واحنا اخوان
ومن يبدء الفلم محد يطلع لا تكول اريد حمام والحاله مستعجله راح نوزعلكم حفاظات للحاله الثقيله]
وقواطي للحاله البسيطه السائله

ولكم الان الافلام

الفلم الاول
علاوي

[الرابط يضهر بعد الرد]

اسم الفلم علاوي من بطوله خليل الرفاعي يحكي الفلم نضال السيد علاوي رئيس حزب الوفاق وشلون جان يلعب علاوي خوش يلعب علاوي ويسرد الفلم شلون علاوي جان يخطط لقلب نظام ن ويلعب بيه خلقه وشلون جان نضاله السري وشلون اتسلل للقصر الجمهوري وسد المجاري بالقصر الى ان طفحت المجاري الفلم مو اكشن مابيه ولا طلقه ولا انفجار حتى راشدي مابيه لانه ياسبع يكدر يضرب طلقه يعني الفلم مخصص الى الاطفال خطيه يتونسون عليه وعلى علاوي وشلون يلعب علاوي شلون يكمز علاوي

الفلم الثاني
ديج ودجاجه وكتكوت

[الرابط يضهر بعد الرد]

والفلم امبين من البوستر مالته كلها مطنكره ومحد يحجي وي الاخر على شنو راح تشوفوه بالفلم والفلم كله شتايم وسب واحد يفشر على الاخر هذا يكله انتي صوجج وهيه اتكول انته صوجك ....
ومن يبدي الفلم الى ان يخلص الجماعه معبسين عبالك كاعدين بالفاتحه يمنع اصطحاب الاطفال ..

الفلم الثالث

تانيتك وما اجيت يالغالي

[الرابط يضهر بعد الرد]

اسم الفلم تانيتك اي انتظرتك مو تياتانك هذا فلم من بطوله امل طه والفنان القصير سعد خليفه
فلم رومانسي يحكي قصة حب صارت في زورق بالاهوار جنوب العراق فلم كله حب وغزل وعواطف يمنع دخول المتزوجين لانه اخاف من مشاهد الفلم الساخنه تروح تتطور الحاله بيناتهم وهم كاعدين بالسينما الدخول فقد للمتزوجين مافوق سن 80 سنه لانهم وصلوا سن الاكسباير يعني حتى البوسه زحمه عليه ومن يشوف مشاهد الفلم الساخنه مايسوي حماقات بس يذكر هو وزوجته اي هاي سنه 1915 سويناها اي هاي مثل البوسه مال 1920

الفلم الرابع

ردح العماره هيج وهيج

[الرابط يضهر بعد الرد]

فلم استعراضي لمحبين الدك والركص من بطوله حضيري ابو عزيز وصديقه الملايه وناصر حكيم وضيف الشرف كاظم الساهر يحكي الفلم قصه شاب من المشخاب يدخل مسابقه مال ردح بالعماره
ويتعرف على فتاة من الديوانيه وتصير قصه حب بيناتهم بالناصريه ويتزوجون بالسماوه زواج عقد سيد
والفلم من بدايته الى نهايته بس ردح حتى من يزوجون هم ردح بس هذا الردح مال الزواج مابيه هيج وهيج لانه مانكدر نحجي يطردونا من المنتدى والفلم فقط للمتشددين والمتطرفين يمنع دخول احزاب العراق لانهم خوش يردحون ردح بالعراق مايحتاجون يشفون الفلم

الفلم الخامس

الزرقاوي
[الرابط يضهر بعد الرد]

فلم قصه حقيقه من بطوله ابو مصعب واخراج ابن لادن يحكي الفلم قصه اسطوريه اسمه الزرقاوي
يسرح ويمرح ومحد يكدرله حتى سوبرمان ماكدرله وسوبر ماركت هم ماكدرله لعب لعب الاخظيري بالشط الفلم يعرض بجميع انحاء العالم فقط بالعراق مايعرض لانه بالعراق الفلم شايفيه وعايشيه
ومشاركين بيه كومبارس يمنع دخول البشر الدخول فقط للمواشي لانه فلم رعب للمواشي لانه الفلم ذبح من بدايته الى نهايته

الفلم السادس
صراع من اجل الحكم
[الرابط يضهر بعد الرد]

فلم سياسي من بطوله رئيس الوزراء & ونائب الرئيس هع ووزير الدفاع الفلم طويل جدا وممل وصار بلا ملح الفلم من بدايته الى نهايته وحده الك وحده الي وزاره الك ورزاره الي الفلم من نوع الكوميدي جيب بطن واضحك وشر البليه مايضحك والدخول فقد للعراقين حتى يتونسون ويشفون صراع الجنات

الفلم السابع

الحرس الوطني

[الرابط يضهر بعد الرد]

فلم خيال علمي يحكي قصه واحد من الحرس الوطني وشلون يقاتل الاعداء والذبان وشلون ياخذ رشوه من الخلان وشلون يفتش بيوت الجيران وشلون يتباهى بسلاح من تمر من يمه وحده عيونها عيون غزلان وشلون يرجف من يوكف بسيطره يم الامريكان ويمنع دخول افراد جيوش العالم خاف يحسد ويغار من حرس اخر زمان حرس وطني والي مايعجبه يظرب راسه بالحيطان

الفلم الثامن

انطفت الكهرباء
[الرابط يضهر بعد الرد]

فلم رعب جدا رعب يحكي من تنطفي الكهرباء بالعراق شنو يصير بالناس بالعراق ومن صوره البوستر تعرف شنو يصير من تنطفي الكهرباء بالناس الفلم بيه الفاظ بذيئه هواي كلش هواي لانه من تنطفي الكهرباء العراقي يكوم يفشر فشار من هذا الاوكي على الحكومه وعلى زوجته وعلى اطفاله وعلى الفانوس وبالاخير من يخلص يكوم يفشر على روحه الفلم بالاسود والابيض لانه ضلمه ماتبين الالوان
مطفيه الكهرباء وبالنسبه للعراقين الذي يريدون يشفون الفلم يسافرون اما الى الاردن او الى سوريا الكهرباء هناك اوكي

الموضوع لغرض التحشيش فقط.............