قصة حبي

مرحبا
أنا عذاري من الأردن عمري 14 سنة أنا حابة أحكيلكم قصة حبي مع حبيبي ،، أنا عمري ما حبيت ودايما كنت احكي عن الحب إنوا مو حلو وهو سبب للمشاكل وفي يوم من الأيام كنت شابكة على موقع بحكي مع صاحبيتي المقربة مني كتيـــــــر وقالتلي ابن خالي مسجل فيه اتعرفي عليه قلتلها اووك رح أتعرف عليه وحكيت معه على أساس أصدقاء مش أكتر وبعد 3 أيام سألني أنتي بتحبيني أنا وقتيها ما عرفت شو أجاوبه لأني كنت حاسة حالي بحبه بس مو متأكدة من مشاعري اتجاهو المهم سالت صاحبيتي شو أقلوا حكتلي احكيلوا انك بتحبيه زي اخوكي بس أنا ما حكيتلوا هيك أنا قلتلوا أه إني بحبو ما قدرت اقلوا إني بحبو زي اخوي عشان بوكرة ما اندم وأكون بحبه وأعيش في حالة حزن المهم هو كمان قلي بحبك ومن وقتيها ونحنا بنحكي مع بعض وبنحب بعض قعدنا شهرين نحكي مع بعض من غير ما نشوف بعض بس كنت مدايئة كتيييييير من هاد الوضع فقلت لخطيبة عمي واتفقنا نشوف بعض في عمان وشوفته قعدنا مع بعض ساعة كانت أحلى ساعة بحياتي وإنشاء الله رح أشوفه كمان بأخر شهر 3 والله أعلم متى رح أشوفه مرة تانية ؟؟؟ وعلى كلا هو كتييير حلو وأمور واهم شي منيح كتير وخصوصا معي وبس يحكي معي بكون مبسوطة كتير ما بعرف كيف الوقت بصير يمر بسرعة بحس بشعور كتير حلو ما بينوصف وبضل يحكي معي كلام حلو كتير ،، ونحنا ما بنحكي على التلفون إلا نادرا وما بنطول كتييير بس أنا نفسي يقلي كلمة بحبـــــــــــــك على التلفون هية الشغلة صعبة شوي بس أنا كتير حابة إنوا يحكيلي إياها أكيد رح يزيد حبي لألوا بس انشاء الله يقلي اياها عن قريب يا رب ،،أنا كتييييير بحبو وبموت فيه أنا ما بقدر أعيش من دونه هو كل شي بالنسبة لآلي هو حبيبي وعمري وحياتي وكل شي فيني أنا بتمنى انوا نكون لبعض في المستقبل وإنوا انضل نحكي مع بعض على طووووووووووول ويزيد حبنا لبعض يوم بعد يوم يا رب .
مع تحياتي عذاري .

الله يجمعكم مع بعض ويتزوجك بس بدك نصيحتي فاتحي اهلك بالموضوع من الان انو في شب كدا كدا مشان ما تندمي بعدين لانو اكيد رايهم مهم وساعتها دموعك لا سمحا الله ما تفارقك وشكراااا

شو احكيليك ياعذاري.. بعدك صغيرة على هالحكي وياريت ماتزعلي مني بجد لو حكيتلك انو انتو الاتنين لسه مراهقين واي حب هادا هلاء بهالسن الصغير؟
حبيبتي اللي فيه انتي هاد هلاء تهيأت ووهم انتي بتهيألك انك بتحبيه انتي لسه مش مدركة او واعيه عن ش بتحكي او بتعملي .. ونصيحه ديري بالك على حالك وما تقابليه وفاتحي اهلك او امك ولا تعملي اي خطوة الاتفكري كتير

اولا تحياتي لك عذاري . ثانيا انا من رأي اختنا العزيزة قلب الماس .. انت كلش صغيرة على الحب .. بعمر 14 سنة .. هذا عمر كلش كلش صغير على الحب .. انا من رأيي تنتبهين الدراستك .. هذا الي راح يوصلك الى النجاح .. بكل شي .. تحياتي لك almajara

السلام عليكم = كيفك عذارى اول شئ الله يوفقك وتوخذي الي بتتمنيه= ثانيا لا تردي على حدا ما دام انتي بتحبيه وهو بحبك عادي خلي الحب يقوى بروحك وروحه واجهوا كل اشي صعب بتحداكو بالحياه واتفقو انكو لبعض وبس شو ما صار لا تقبلو الا ببعض بس كل اشي بالعقل والصبر بييجي وادرسو كويس وانجحوا وبتمنى انكو تثبتو للعالم كله انه الحب اذا كان مخلص ببقى للابد = ثالثا انا قصتي متلك كنت زغير وكانو يحكولي انته بتحب وحكيتلهم لا = بس انا بحب ولليوم بحب ودرست وصبرت وسافرت على الامارات اشتغل والحمد لله اتوفقت = وهلا خطبت الي بحبها بس فيه عندي خطا اني ما حكيت لحدا من اول وتفاجئت بعدم الموافقه من الطرفين = بس انا والبنت بدنا بعض وبنحب بعض ووعدتها لو بظل طول عمري بدون زواج ما بتزوج غيرها ابدا ابدا لانها بتحبني كتير ونا لازم اوفي بوعدي = الله يوفقك يا رب

مرحبا عذاري انتي حكيتي عمرك 14 لسا صغيرة على شي اسمو الحب و هاد بكون مو حب بنسبة لألي حب مراهقة مو اكتر و لسا صغيرة للتتعلقي بوااااحد عيشي حياتي و عيشي طفولتك و اكيد لما تكبري راح تتندمييي لانو انا عشت هاي التجربة و بتكون احاسيسك اوهام مو اكترررررررر