اوف لاينات عراقية ...اشعار شعبية عراقية

تعود العراقيين على مسنجر الياهو بشكل كبير حتى اصبح المسنجر الاول في العراق و يتم تبادل بعض الرسائل التي تصل عن طريق الياهو و ارسالها الى الاصدقاء في المسنجر لتصل بعد ان يدخل ... و تسمى اوف لاينات ... هذا القسم مخصص لعرض الاوف لاينات العراقية

وهي من الاشعار الشعبية العراقية

اليكم منها

تقبلوها بود
مهند
ما نسيتك انت روحي العاشت بحبك اسيره انت كلبي الرادك وعاف العشيره انت لو تبعد اجيلك حتى لو صرت بجزيره اني لاجلك انتفض واطلع مسيره راح اهتف اني احبك اني اريدك راح ارفع لافته كلش جبيره بيها ارسم كلب مصيوب بسهم وبيها ارسم عين تبجي وجسد مطروح بسريره وبيها الف حاء باء والكاف الاخيره حروف معناها احبك واليحبك لو يجن لو للموت تاليها مصيره

اني مو عفتك بعد المن اجيت
صرت اغمض عيني لمن تلاكيني
ضحكتني هواي من يمك بقيت
راح ادور عالذي يبجيني
اني عن حبك اريد اقرة السلام
واطوي حبك قبل لايطويني
لان خلصت العمر حالة صيام
ولن فطورك دمعة عيني
احنة لازم نفترق مسك الختام
بس عليك اللة تردلي سنييني


منيين ماتندار اشوفنك خيال
وبيا درب امشية الكاك الدرب
كون تنلم وبكبر كلبي تصير
حتى اشيلن كلبي واحطنك كلب

حرامي انته وبكت كلبي عكس كل الحراميه الحرامي ايبوك نص الليل وانته تبوك ظهريه وانه مستانس وراضي ولا اسولف على البيه ولاجن كلبي التفرهد اكول ابسكته شعليه تكلي الناس مو كلبك اكل للناس موليه تكلي الناس مو باكك اكول انطيته بيديه حبيبي وباك دلالي شعليهه الخلك بيه؟

صدك تقبل حبيبي لغيري هسة تصير؟؟ وصدك مليت مني وبعد متحبني؟؟ وصدك هانت عليك اسنينه الحلوات وما هانت عليك شلون تتركني؟؟ من يمته المذاهب نحسبلها حساب؟؟ ومن يمته الطوائف جانت تهمني؟؟ أنه لمن عشكتك ما سألت الناس ولا جنت ادري اصلك شيعي لوسني شجاك تغيرت وبكلبك انته شصار؟؟ جنت تموت بية وجنت تعبدني وجنت اتنفسك وانته الهوه بدنياي وجنت لو تبتعد لحظات .. تخنكني معقولة الورد ينكر جميل الماي؟؟ وانته بهالسهولة تنازلت عني؟؟

ميفيد بعض البشر لو جان عمرك تعض
لــوراد منك عــوض هيهـات منه تعض
بـــــــالزين مايقتنع اله يشوفك تعض
والزين الــــواكع اله حتمن اهو زايره
ينطيك طرف الحبل وبيده طرف زايره
هذي طبعه البعض يــــم العظم زايره
افـــرض يعضك جلب يصير مثله تعض

صحــــــراء صار القلب ماينسكن من خلة
وهل جرة بيه وحصل مو من عدو من خلة
خلالي جمــر ولهب بيه وضحــك من خلة
ولا جنــة ذاك الذي كل الفـــكر شاغـــــلة
ولو جرح صاب القلب فز ونهض شــاغ الة
عطلان جــــان القلب هــــو الذي شغـلة
وسفة صبحت عشرتي مي ويطب منخلة

عليمن تحسب ايامة وتعدلة
الميت بالبجي شظن تعدلة
العوج عودة صعب ضلة تعدلة
يضل اعوج لمن تلفاه المنية ههجرك ياولف صاير بلاحد
مثل سيف الي يگص ركبه بلاحد
گلتلي انتظري انا ارجع بلأحد
اجأ الأحد ويمتى تعود اليه

ضحكت فقالوا : ألا تحتشم
بكيت فقالوا: ألا تبتســـم

بسمت فقالوا : يرائي بـها
عبست فقالوا: بدا ما كتم

صمت فقالوا: كليل اللسان
نطقت فقالوا : كثير الكلم

فأيقنت أني مهمـــــا أرد
رضى الناس لابــد أن أذم

ياأبن الناس تسويها صدك و بلحظة تنساني وتظيعني مثل ما ضاع عنواني سهل عندك غيابي و ادري بيك اني مثل متبدل هدومك تترك الناس و تخليها بعذاب جروحك تعاني بس الناس يا ابن الناس ماهي هدوم تذب واحد قديم و تلبس الثاني

الشوك وياك صدفة قابلاني شيجي منك علية قابلاني تقشمرني ابضحكتك قابل اني غشيم وتعبر الضحكة علية (مشكلتي احب الصبح ومشكلتي احب فيروز واحلم الوح الشمس وانزع اثيب العوز مشكلتي احب الوطن واهواي احب ناسي واللة ما افتعل صادق بحساسي مشكتلي عندي حلم ظل عايش ابراسي احلم ابيوم الفقر مثل الانسان اصير اوبيد الشعب انذبح وبساحة التحرير اشلونيي

حبك سره بكل عضاي دوره
عزيز والك بالشريان دوره
وذا شكيت هاك اخذالكلب دوره
وذا لكيت غيرك اعتب عليه