فلسطيني...حروف اسمي


العودة   منتديات ليالي لبنان > أقسام المنتدى العامة > حوار ونقاش > فلسطين الحبيبة

فلسطيني...حروف اسمي

إضافة رد
 
LinkBack أدوات الموضوع انواع عرض الموضوع
قديم 10-17-2006, 10:20 PM   رقم المشاركة : 1
Nando
مـشرفة القـسم الادبي
 
الصورة الرمزية Nando





Nando غير متواجد حالياً

Nando will become famous soon enoughNando will become famous soon enough


افتراضي فلسطيني...حروف اسمي

فلسطيني
حروف اسمي بتصرخ آه
فين عروبتنا؟
بيخنقها الأنين و الآه
وتتقطع علي سكوتنا
و تتوارى أمانينا
وتصرخ أرضنا منا ..
وتتمني تشوف موتنا
لأن الذل صار قوتنا
ومأوانا وعزوتنا


فلسطيني
حروف اسمي نهار واضح
وقلب القلب ما يسامح
لو اتخاذل !!
لو اتنازل !!
لو ضاقت بُه أحواله
ما يتكاسل
ما يتنازل
علي أشلاءه ح يواصل
طريق النور
بقلب جسور
ما هوش هاين
ولا خاين
ولا جايز تقول كاين
فلسطيني
حروف اسمي
بلا تبديد ولا تحديد
ولا اقرار ولا ذمة
لجلن تصحي يا أمة !!
و أنا محتاج لثوارك
يموتوا و ياخدوا من تارك
كفاية نيام
كفاية النوم مع الأوهام
حروف اسمي
بتصرخ اصحي يا أمة
فلسطيني ،،
حروف اسمي بالعدد سبعة
بتنزف كلها دمي
وتخطف من النهار شمعة
يا نهر فرات ،،
طوفانك أتي من دمعة !!!
حروف اسمي
يا أرض النور ،،
بتتألم نيران والعة
وبركاني يفور
الألم يغدر ما يهزمني
ولا علي حلمي راح يقدر
يا أرض النور
دة أنا فلسطيني !!!
الفاء ،،
فداكي دنيتي وناسي
يا أرض النور
يا مرسى المصطفى
قومي ..،!!!
وداوي جنوني من راسي
فديتك بالحبيب والصحب
فديتك بالأمان الصعب !!!!
يا أرض النور ،،
يا نهر الحب ،،
امتي بس نتواحد ؟؟!!
اللام،،
يشهد ربي ما خنتك
بجرة من قلم غادر
تراب الأرض يتصادر
باعوني وباعوا أحلامي
وضاعت مني أيامي
ورغم المنفي أنا صنتك
ما بين الضلع و حشايا
ولملمتك جروح حيرة
تزيد الآهة جوايا
ولا نسيتك!!
ولا رميتك !!!
ف قلب وريدي خبيتك
يا أرض النور
انا منك فلسطيني
السين ،،
سنين مرة ،،
من يوم تمانية واربعين
ما أعرف لها طعم السنين!!
ما أدري اذا كنت ف شبابي
ولا عديت الأربعين
سنين مرة وسرقوني
سرقوا الضي ف عيوني
ولا موني !!!!!!
وساوموني علي بكرة
وباعوا واشتروا فيا
و أنا وحدي بقلب حزين
وحلم ضنين
سنين مرة !!!!
بانادي عليك يا فلسطين !!
الطاء ،،
طريق مشيناه وح نكمل
في قلب الآهة ما نتململ
طلينا قلوبنا بالصبار
وقلنا لابد نتحمل
طابور خامس
طريق سادس
أمانينا ما ح نسلم
يا أرض الخير
يا جرح أسير
في قلب القلب متعلم
الياء ،،
يمامة ف الفضا ناحت
علي أقصى أسير الخوف
وريحة ذُلنا فاحت
وحرقت قلبنا والجوف
يهون الجرح يا وطني
يهون الدم يا وطني
لو صار حلمنا مخطوف
النون ،،،
نشيد بكرة لأطفالي
أنا عربي ،،
اسير حبك يا أوطاني
ندي صبحك يصحيني
تراب ارضك يغطيني
وشمسك تحي ايامي
انا عربي
فلسطيني
اسير حبك يا أوطاني
الياء ،،
يا رب العون أنا طالب
بدمي الحر أكون غالب
أرجعها لحضني
غالية مشتاقة ،،
ولا سيبهاش لمين ناهب !!
يا رب العون أنا الغالب
فلسطيني
حروف اسمي بتنطقها
بتحلمها
بتعشقها
يا ارض النور …!!



افضل مساحة للإعلان..راسلنا الان زواج






من مواضيع العضو :
  رد مع اقتباس
قديم 10-17-2006, 11:11 PM   رقم المشاركة : 3
حمزه عرب 48
::عضو نشيط::
 
الصورة الرمزية حمزه عرب 48





حمزه عرب 48 غير متواجد حالياً

حمزه عرب 48 will become famous soon enough


افتراضي

يشهد ربي ما خنتك
بجرة من قلم غادر
تراب الأرض يتصادر
باعوني وباعوا أحلامي
وضاعت مني أيامي
ورغم المنفي أنا صنتك
ما بين الضلع و حشايا
ولملمتك جروح حيرة
تزيد الآهة جوايا
ولا نسيتك!!
ولا رميتك !!!
ف قلب وريدي خبيتك
يا أرض النور
انا منك فلسطيني

صدقتي ناندو وما اروع كلامك
وما اروع فلسطين
وما اروع من يصون فلسطين
وما اروع من يحب فلسطين
وما اروع من يخلص لفلسطين
ليت الجميع يحب فلسطين كما تحبيها
ليت الجميع يصونها ويعشقها كما تعشقيها
انا احسدك كتير على معنوياتك ايتها الفلسطينيه القويه




من مواضيع العضو :
الصور المرفقة
 
  رد مع اقتباس
قديم 10-20-2006, 12:00 AM   رقم المشاركة : 10
Ndoush_B
{::عضو نشيط::}
 
الصورة الرمزية Ndoush_B





Ndoush_B غير متواجد حالياً

Ndoush_B will become famous soon enough


افتراضي

كفاية نيام
كفاية النوم مع الأوهام
حروف اسمي
بتصرخ اصحي يا أمة
فلسطيني ،،
حروف اسمي بالعدد سبعة
بتنزف كلها دمي
وتخطف من النهار شمعة
يا نهر فرات ،،
طوفانك أتي من دمعة !!!
thx nando




من مواضيع العضو :
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة




forum xml threads xml RSS
الساعة الآن 05:53 AM.


Powered by vBulletin V3.7.2. Copyright ©2000 - 2008

Search Engine Optimization by vBSEO 3.2.0