الحب قبل او بعد ؟؟؟؟؟

الله يفرجها

مرحبا للجميع
انا ليسا جديد على الموقع بس و الله في مواضيع كتير مميزة و تستحق المناقشة و في اعضاء بشاركوا بارائهم هذا بميز الموضوع اكتر و اكتر .

بس انا هون بدي اطرح موضوع عن الحب قبل الزواج او الحب بعد الزواج
يعني انا بدي رايكم في الموضوع
انا راي انه الحب بعد ازواج هو الافضل و الاقوى وفي امثلة كثيرة على نجاح هذا النوع من الحب .
على العموم مستني رايكم
و تقبلوني صديق

cutesuzy

السلام عليكم ورحمة الله وبركاته
أهلا وسهلا فيك بلمنتدى
وبرأيي الحب قبل الزواج لأنو أنا ما فيني إتزوج شخص أنا ما بعرفو ولا بعرف طبعو
وحتى بلخطبة ما ببين الشخصية الحقيقية للخاطبين لأنو كل واحد فيهم ببين أحسن صورة عندو بالشكل وبالأخلاق والطباع وهيك بفكرو بعض ملائكة بس بعد الزواج ببين كل شي وبتبين الطباع السيئة أو العادات المختلفة عن بعض وبالتالي بصير في مشاكل
أما بالنسبة للحب طبعا أنا بتكلم عن الحب الحقييقي اللي بهدف الزواج مو عن التسلية
فبكون كل طرف فاهم عادات وسلوكات وطباع الطرف الآخر وكمان في مشاعر موجودة وحتى إزا فشل الزواج عن طريق الحب بكون لأنو في عوامل أخرى بتدخل على الزواج متل عائلات الزوجين والغيرة على بعض والشك وهادا الكلام طبعا موجود بأي زواج مو شرط الزواج عن حب
بس معظم الناس بتظلم الزواج عن حب وبتحكي إنو فاشل طيب برضو في زواج تقليدي وبيفشل متلو متل الحب ؟ للأسباب اللي ذكرتها أو حتى غيرها فأنا مو فاهمة ليه الناس بتعمم وبتحكي الزواج عن حب فاشل طيب في كتيير ناس تزوجو عن حب ونجحو وكتااااااار وعايشين ومبسوطين بحياتهم

على كل حال هادا رأيي المتواضع وتقبل مروري

جودي الامور

اهلا بكي بين اصد قائك مما لا شك فيه انو اغلب البنات والشباب اليوم بحبو يعيشوا قصة حب تؤدي لزواج وهو برايي شي حلو وجميل بشرط ان نعرف من نختار ونحكم عقلنا قبل قلبنا واما رفض الاهل فهو لا يعدى ان يكون شي تحكمه العادات والتقاليد وبرايي ان الحب قبل الزواج يحتاج لتضحية في حال رفض الاهل من الطرفين وليس بالضرورة ان يرفض الاهل طبعا بس هو الغالب اما الرواج التقليدي هو حلو بس كانو الشب والبنت مربطين بمن حولهم وما بياخدوا رراحتهم ورايي متل سوزي عالعموم بس بالنهاية كل واحد يختار الي يناسبه ويريحه

قلب الماس

الموضوع برئي ما موضوع حب قبل او بعد الزواج
في شي اسمه فترة خطوبة من هون بتعرفو على بعض وبفهمو بعض اكتر وما شرط يكون
الكتاب مكتوب لانه كل شي بيكون تحت مراقبة الاهل اللي لازم ما ننسى تقاليدهم اللي تحكمنا
ومن فترة الخطوبه بقررو بعد هيك اذا صار في استمراريه مع بعض اولا

المتوهم1980

مشكور على الموضوع راي انو الحب قبل الزواج حتى يتمكنوا من الاستمرار بعد الزواج
وعندي ملاحظه على قلب الماس انها متشدده على الشباب ما بعرف ليش انا حكيت بدون زعل قلب الماس

جودي الامور

الاخت قلب الماس مساكي خير انتي قلتي عادات وتقاليد بالله عليكي هل التقاليد من الاسلام بشي وشكراا

cutesuzy

حبيبتي قلب الماس هلأ ما في ناس بتقبل بفترة خطوبة طويلة يعني مو أكتر من شهر بعدين كتب كتاب وطبعا شهر مو كفاية لتتعرف البنت على شخص وتقرر إنو يتزوجو لأنو الزواج مو لعبة ولما بصير كتب كتاب وبتكتشف البنت إنو مو مناسب لإلها طبعا ما حتتركو لأنو بصير إسمو طلاق ونحنا بنعرف إنو المطلقة عنا بمجتمعنا وعاداتنا السخيفة عار
تانيا حتى لو كان في خطبة بدون كتب كتاب والخاطبين اكتشفو إنهم مو مناسبين لبعض وفسخو خطبتهم المجتمع وعاداتو ما بيرحم البنت وبصيرو يحكو الله أعلم شو عاملة حتى تركها خطيبا مع إنو الغلط ممكن يكون منو أو حتى ما في غلط بس مجرد عدم توافق فكري بينهم
فمشان هيك أنا بفضل أرتبط بشخص بعرفو وبحبو على شخص ممكن ما أتفق معو بفترة الخطبة والناس تصير تحكي عني كلام طالع نازل
على كل حال كل واحد حر برأيو

الله يفرجها

مشكرين اخواني و اخواتي على تشريفكم للموضوع
مع احترامي الشديد لحميع الاراء الي زينت هذا الموضوع بس انا قلبا و قالبا مع راي قلب الماس ان فترة الخطوبة على ما اعتقد تكون كافية و تكون تحت مراقبة الاهل من الجهتين و على كل حال الاصل كل طرف يختار شريك الحياة على اساس الدين و الاخلاق و الثقافة و هيك بتقل فرصة الخلاف لانه بكون مرجع حل اي مشكلة الدين و هيك الكل راح يكون راضي و على راسي جميع الاراء الحلوة

قلب الماس

والله ياخيو ما حكاية متشدده بس هادا الصح ولا ليش عملو فترة خطوبه ؟
مشان يفهمو بعض اكتر وهلشي راجعلم اذا همي بدهم يقصرو الفترة او يطولوها شو المشكله؟
وانا متاكدة وانتو متاكدين متلي انه الواحد فيكم لو عرف
اخته بتحب ليدبحها ويقوم الدنيا وما يقعدها ..
ومافي زعل ياخيو كل واحد اله وجهة نظرو

قلب الماس

سوزي .. جودي...
عادي هاي وجهة نظركم تختلف مع وجهة نظري والحمدو لله مش لحالي الاخ الله يفرجها من رأي هههههههه
بس بتمنى من الاخ الله يفرجها لو غير اسمو حاسسته صعب ههههههه