هل تستحق المسلسلات التركية كل هذا الجدل ???

جميعنا لاحظ في الفترة الاخيرة تسابق الفضائيات العربية على عرض المسلسلات التركية على شاشاتها , و كاد لا يخلو بيت عربي من متابعة احداث هذه المسلسلات و مناقشة تفاصيل حلقاتها و الغريب في الموضوع ان هذه المسلسلات استحوذت على المشاهدين من مختلف الفئات العمرية حيث تجد الاب و الام و الاولاد و الجد و الجده الكل مثابرين على متابعة حلقات هذه المسلسلات . و تندهش من فرحتهم اذا مر بمشهد فرح في المسلسل او حزنهم بحالة اذا حدث أي مكروه لاحد ابطال هذا المسلسل حتى اصبحت احلام و امال ابطال هذه المسلسلات مدار حديث الشارع فترى الختيار (العجوز ) يقول بصوت حزين مش حرام هاي البنت نور يصير فيها هيك طبعا نور مش بنته او حفيدته نور هي بطلة المسلسل و يرد طفل صغير و يقول و الله يا جدي انه مهند بحبها لنور و حاول يراضيها اكثر من مرة بس هي راسها يابس الله يسامحها .
و ياتي اخر و يقول و يسترسل بوصف جمال لميس و دلعها و جمال عيونها...

وحدث معي موقف طريف بسب احد المسلسلات.....امي كانت تجلس في غرفة قريبة في البيت حيث سمعتها تقول الله يحميك يا عمار و يخليك لامك
و كرراتها اكثر من مرة صراحة اول ما خطر في بالي عمار ابن الجيران و صرت افكر طيب شو عمل عمار لامي عشان تدعيلو بهذا الشكل
ناديت على امي من غرفتي و سالتها ياامي شو قصته عمار بس ما ردت فروحت عليها على الغرفة و قلتلها شو عمل عمار شو جاب سيرتو هسا في الليل .. طبعا ما جاوبتني و يلا عبرتني و اشارت الى التلفزيون اذا بشاب و سيم نازل بطوشة (يعني و اقع بمشكلة ) و عم بضرب الي بيجي قدامه .. عرفت بعد سؤال اخي الصغير ان هذا الشاب اسمه عمار الكوسوفي

السؤال الذي يطرح نفسه ما سبب تعلق الناس بهذه المسلسلات ؟؟؟؟

هل هي اسباب اجتماعية , يعني عندما تتعلق فتاة متزوجة بمهند هل هذا يعني ان تفتقد للرومنسية في حياتها مع زوجها ؟؟؟

و عندما يتعلق الشباب بلميس هذا يعني انه لايوجد فتاة عربية بمثل جمالها ؟؟؟

الموضوع اصبح بين ايديكم و رجائي الحار مناقشة هذا الموضوع لوضع النقاط على الحروف

يسلمووو أخي علموضوع
برأيي المسلسلات التركية ما فيها شي لو الواحد تابعها بس مو لدرجة الهوس يعني ما رح موت لو ضاعت علي حلقة
أنا بكره المقارنات بين أبطال المسلسلات التركية والشاب العربي لأنو هادا كلو تمثيل وفي مسلسلات سورية ومصرية وكان فيها البطل رومنسي عين الله عليييه بس ما شفنا هالهوس فيها
برأيي كل هادا الحكي نابع من جمال الممثلين يعني لو إنو مهند مو حلو ما حد تابع هلمسلسل وهكذا ولو إنو لميس مو حلوة ما حدا تابع مسلسلا
مع إني شايفة إنو في كتيير ممثلات عربيات أحلى من الست لميس
بس أنا برأيي هاي مجرد هيك ظاهرة وقتية يعني فترة وبتختفي
ومو شرط إزا تابعت مهند يكون ما عندي رومانسية
بس أنا أحكيلك إنو بشكل عام الحياة بمجتمعنا العربي صعبة ماديا واجتماعيا ولما الناس شافت شي غريب تعلقو فيه حتى يهربو من واقع الحياة ومشكلاتها عنا يعني كل هالتعلق مجرد هرروووووووووب من واقعنا المرير

مشكورة كيوت سوزي على المرور اللطيف و شرفتي الموضوع

براييي السبب هو بنظر الشباب اننا نرى شي جديد غير ما عنا وايضا جماله وتالتا ملل الناس من الافلام العربية ورغبتها بمشاهدة شي عصري وخاصة الجيل الحالي وبراييي مسلسل مهند متل كاسندرا مجرد وقت وحتنساه العالم وشكراا

عادي يا أخي الكريم اذا بتتذكر ايام مسلسل كاسندرا الشايب قبل الطفل والكبير والصغير واللي مئمط بالسرير متل ما بحكو كان يشووفو وطلعت بعديه مسلسلات مكسيكيه كتيرة وراحت ايامها
يعني اللي بدي احكيه انه كل شي جديد بكون مرغوب وعجيب وغريب عند الناس لوقتو وبروح
هلاء المسلسلات التركيه اللي نزلت بعد نور ولميس ما حدا بحكي فيها كتير خلص
ليش؟؟ لانه اول ما نزلت هي مسلسلين نور ولميس وهلاء صار الوضع عادي
وسدقني وحقيقه مسلسل نور بالذات فعلا عمل مشاكل كتيرة في البيوت
وصارت طلاقات بسببها لهيك الرجال حاقدين على مهند ههههههههه
لانه المسلسل اذا لاحظت مركز على الرومانسيه اللي يمكن اكتر النساء بتفتقدها
وهاي حقيقه للأسف ومن هون اجت المشاكل .. والله يفرجها

مشكورة يا قلب الماس يلي كلامك كله احساس على هذا الرد الجميل ........و الله يفرجها

السلام عليكم

عم الله يفرجها

يمكن انا ما بحئلي احكي رأيي لاني ما تبعت ولا مسلسل تركي يعني ما عندي فكرة كاملة عنهم
بس برأيي صارت هالعجئة كلها على المسلسلات لانها شي جديد على مجتمعنا
وكمان في شخصيات بنتمنى انها تكون في الواقع بما انها مش موجودة
الناس شافتها بالمسلسلات التركية
فلهيك اتعئلت بالمسلسلات


بس شي غريب لئيت الناس بتهاجم مهند يعني ليه ما بتهاجم نوووووووووور (ممكن لانه الشاب حلو )


وعلى كلا الله يفرجهاااااااااااااااااااااااااااا

تقبل مروري

مشكور على الموضوع....

بصراحة المسلسلات التركية انا بحضرها..بس من باب التسلية وما الها كل هاي الاهمية عندي...

يعني بحضرها بس من باب التسلية....واحيانا صحيح ممكن افتح جدال مع اي مشانها..بس برضو بحدود وما بنفعل كتير متل هلناس,,,,,,,

وبعدين صراحة ماما دايما بتحكيلي....انها حرام..وبتاثر علينا بس انا ما كنت اقتنع...

بس بعد ماشفت اكتر من مسلسل...شفت انها كلها حولين نفس المحور نفس الافكار ونفس المبادء زي كانهم بدهم يقنعونا بهادا الشي....وهو فعلا هيك....بحاولو ينشرو افكارهم ومبادئهم عنا هون بالوطن العربي....

تقبل مروري....ومشكور عالموضوع الرائع...