مـــــايك المنتدى

3yoon almaha · 07-07-2009, 06:24 PM

3yoon almaha · 07-07-2009, 06:39 PM

المرحلة الثانوية ..

هي كانت أحلى مرحلة عندي ..على أد ما كانت صعبة على أد ما كانت حلوة بنفس الوقت .. كان معي مجموعة بنات كتير أمامير وكنا شلة وحدة وبقينا سوا من الأول ثانوي للتوجيهي .. كانت المواد كتير صعبة وكنا يادوب عم نفهم .. وكانت معلمة الفيزياء ما بتفهم .. يعني لما كانت تشرح نحنا نكون آعدين متل الأطرش بالزفة .. بتزكر وقت الامتحان كانوا كل بنات الصف يترجوني لحتى أغششهم وأنا صراحة ما كنت أقصر .. كنا بدل ما نقعد على شكل خمس سطور متوازية نقلص الصف لسطرين .. طبعا الله لا يورجيكو حالتنا .. نكون آعدين ومو قادرين نتنفس لإنو بطننا لازق بالطاولة وضهرنا لازق بالكرسي وما في مجال للحركة .. ههههههههههههه
كمان مادة الرياضيات كنت أعمل أعمال خيرية .. يعني والله قلبي ما كان يطاوعني ..
بتزكر مرة غششت بنتين في الامتحان .. بس هم ما شاء الله عليهم قاموا بالواجب ونشروا الأجوبة لباقي بنات الصف .. وكانت النتيجة إنو كل الصف أجوبتهم متلي تماما وكلنا علامات كاملة .. طبعا المعلمة كشفتنا وبهدلتنا وعادت الامتحان بس هالمرة خلتني أقعد أول وحدة وجمبها كمان هههههههههههههههههههههههه ..

كنا أنا وشلة البنات اللي معي عاملين فرقة غنائية بالمدرسة هههههههههه .. كنا كل ما يكون عنا حصة فراغ نصير نطبل ونغني ونرقص .. وكان أي حدا عندو مناسبة بالمدرسة يطلبنا لحتى نحيي الحفلة ونحنا طبعا كنا نلبي الدعوة .. أنا كنت دايما المغنية ( بس طبعا كان معي كورال ههههههههههههههههههههه ) ..

بصف أول ثانوي كانت آعدة جمبي رفيقتي وأنا كتير بحبها .. هي كانت بتحب كاظم الساهر وأنا ما كنت أطيقه .. كانت كل يوم تحكيلي عنو وعن آخر أخباره وتجيب صوره .. بالحصص هي ما كانت تنتبه للشرح وكانت تاخد مسطرتي الحديد وتحفر اسم كاظم على الطاولة وضلت على هالشغلة كل يوم .. وعلى آخر السنة اكتملت الجملة ولونتها بالأحمر كمان .. والجملة هي ( كل عام وأنت حبيبي كاظم الساهر ) .. أنا بصراحة على أد ما صرعتني فيه وكانت تحكيلي عنو وتسمعني أغانيه صرت أحبه كتير وأسمعلو كمان ..

سآلىآ القاسم · 07-08-2009, 08:57 AM

يا عيني يا عيون
كثير سعيده بتواجدي على المتصفح هون
انت رائعه بصدق
يسلموا هالانامل
ويسلموا مهند على نشاطك وموضوعك الراقي

3yoon almaha · 07-08-2009, 12:50 PM

مما قرأت وأعجبني ..

أسطورة هندية ..
أخذ الله خفة الورقة .. ونظرة الظبي .. وإشراقة الشمس ..
ورطوبة الندى .. وتقلّب الرياح .. و وداعة الأرنب .. وصلابة الجوهر ..
وقوة النهر .. وحلاوة العسل .. وحرارة النار .. وبرودة الثلج ..
ثم جمعها معاً فكانت ~ المرأة ~ ..

كيف تعرفت على المنتدى ..
تعرفت على المنتدى عن طريق وحدة من صبايا المنتدى .. كتير حبّيتو وحبّيت الأعضاء اللي فيه ..
عنجد كتير بنبسط لمّا أدخل عليه وأتواصل مع الأعضاء .. بحسّو بيت تاني لإلي ..
علاقتي مع صبايا المنتدى كتير حلوة وأنا كتير بحبهم وبعزهم .. كتير مبسوطة بمعرفتي فيهم ..
الله يخلّيلي إياهم .. وهي أحلى بوسة للصبايا ..

شباب المنتدى ما شاء الله عليهم .. أدب وأخلاق و زوء .. الله يحميهم .. بهديهم باقة هالورود ..

3yoon almaha · 07-08-2009, 01:00 PM

مواقف طريفة بحياتي ..
مرة كنت أنا ورفقاتي بالمول عم نتسوق .. وبعد ما خلصنا رحنا على أحد المطاعم اللي بالمول لحتى نتغدى .. المهم بعد الغدا أنا قلت إنّي بدي أروح عالحمام فحكتلي رفيقتي خديني معك .. رحنا سوا وهي كانت عم تمشي أدّامي .. دخلنا الحمام وبلشنا نصلح الميك أب .. فجأة فتح الجارسون الباب وحكالنا: ده حمام الرجالة .. وما بتتخيلو شو صار فيني .. ركدت أنا ورفيقتي لحمام النساء .. وبهدلت رفيقتي لإنو هي اللي ما انتبهت للعلامة اللي على الباب وخلّتنا ندخل حمام الرجال .. بس ضلينا نضحك على حالنا وما قدرنا نوقف ضحك .. طبعا حمدت الله كتير لإنو ما كان في حدا بحمام الرجال .. بس عنجد هي كانت فضيحة عمري وهالموقف ما بنساه بحياتي ..

مرة كان عندي موعد أسنان وكنت صغيرة بالصف الخامس .. كان عندي سن مسوّس وبلّشت الدكتورة تحفر مكان السوس .. وهي بتحفر جرحتني بالغلط وكتيييييييييييير وجعتني .. قمت أنا من الوجع عضّيت اصبعها لا إرادياً وهي يا حرام صارت تصرّخ .. بس أنا ما قبلت أفلّت اصبعها هههههههه .. بعدين إجا بابا وخلاني أترك اصبعها ههههههههه

قلب الماس · 07-08-2009, 04:47 PM

ههههههههههه لزيزة ياعيون
يعطيكي العافيه ياقلبي

3yoon almaha · 07-08-2009, 05:16 PM

من هواياتي التسوق والسفر والغناء .. يعني أنا كتير بحب أغني .. كمان بحب كتير أسافر .. وأكتر البلدان اللي نفسي أزورهم هم اسبانيا و اليونان و ايطاليا ..
أنا ما بحب حدا يزعل مني .. وكتير بتدايأ إزا كان في حدا زعلان بسببي .. ضميري كتير بأنّبني و ما برتاح لحتى أراضي هالشخص .. وما بشوف فيها شي أبدا لما أعتزر يعني لازم الإنسان يكون مسؤول عن تصرفاته .. متل ما أنا ما بحب حدا يزعلني كمان ما بحب زعّل حدا ..
بحب الصراحة كتير وكتير بهمني أسمعها حتى لو كانت قاسية .. يعني بفضّل إنو الناس تحكيلي الحقيقة بوجهي حتى لو ما عجبتني .. أحسن من إنو تجاملني بوجهي وتحكي عني من ورا ضهري ..
بكره كتير التجريح بالحكي .. عنجد هالشغلة كتير بكرهها .. يعني إنّي أنضرب أهون علي من إني أنجرح بكلمة وأسمع حكي قاسي ..

3yoon almaha · 07-08-2009, 05:38 PM

أنا أؤمن بالحب .. الحب الصادق العفيف الطاهر ..
الله لا يفرّق بين أي تنين بحبّو بعض .. هاي الأغنية إهداء مني لكل العشّاق ..
http://www.6rb.com/songs/41418.html

بحب أقرأ شعر .. وهي مقتطفات من شعر نزار قباني كتير بتعجبني ..

الحب مرسوم على وجه القمر ..
الحب مرسوم على كل أوراق الشجر ..
ولو أنّ امرأةً في بلادي أحبّت ..
لهاجمها النّاس بألف حجر ..

أتسمح أن تزيّن دفتري؟ ..
بعبارةٍ أو بيت شعرٍ واحد ..
بيتٍ أخبّئه بليلِ ظفائري ..
وأريحه كطفلٍ فوق وسائدي ..
قل ما تشاء فإنّ شِعْرك شاعري ..
أغلى وأروع من جميع قلائدي ..

3yoon almaha · 07-08-2009, 05:55 PM

إلى تلك الأرواح الرضيّة والقلوب النقيّة ..
صَفْوة الصّحْب أنتم ..
وإن ابتعدنا .. عَجِزت الأحرف عن صياغة ودّكم ..
وإن بُنيت سدود عتيّة بيني وبينكم .. سأبقى في الله أحبكم ..

~ انـتـهيـــت ~

قلب الماس · 07-08-2009, 05:58 PM

يعطيكي العافيه...
ولا يحرمنا منك