مـــــايك المنتدى

رح أحكيلكم عن نقطة تحول مهمة بحياتي وهيي سنة التوجيهي وكانت أحلى سنة عندي لأنو فيها تعرفت على حبيبي وكان تعرفنا عبعض بالصدفة
تعرفنا عبعض وحبيتو كتييير وهو كمان بحبني كتييير وهلأ صرلنا 4 سنين مع بعض طبعا هو بدرس وبشتغل بنفس الوقت ( يعني بشتغل فصل وبدرس فصل )
وانشالله رح نخطب بس تتحسن ظروفو المادية انشالله
أول ما عرفتو حسيت إنو كل الصفات اللي بتتمناها أي بنت موجودة فيه ( بصلي وبصوم وبخاف الله
وما بدخن وطيب كتيير وخلوق ومحترم ما عندو لفة ودورة وما بعرف بنات وحلو ومتحرر ) شو بدي أحسن من هيك ؟؟
عندي هاي الصفات أهم بكتيير من الفلوس والسيارات والمال
بفترة ال 4 سنين مرينا بمشاكل كتييرة وظروف كتييرة كان ممكن تفرق بيننا بس الحمدلله صمدنا وتحديناها وقررنا إنو نبقى مع بعض شو ما كان وشو ما صار

في كتيير إشياء بعملها وبستمتع فيها متل الطبخ وعمل الحلويات
في البداية كنت أكره الطبخ وأحسو معقد بس لما ماما علمتني الطبخ صرت أحسو سهل وممتع
بحب كمان أعمل حلويات بأنواعها شرقي وغربي وبعمل كعك ومعمول العيد وبكون مبسوطة وأنا أطبخ
وفي شغلة تانية بحبها وهيي المكياج ( يعني لما بكون فاضية بجرب المكياج على حالي صحيح في أوقات بخبص حالي بس مو مهم المهم أكون مبسوطة )
وعلى سيرة المكياج مرة زمان وأنا عمري 15 سنة كان أخي نايم وكنت بدي ياه يفيق وما رضي فخربطلو وجهو بلمكياج ولما صحي وشاف حالوووو كان بدو يضربني فحبست حالي بلغرفة لتاني يوم
ومرة كنت بدي أروح علمدرسة وكنت نعسانة كتيير فلبست وطلعت من البيت وبنص الطريق إجيت بدي شوف الحجاب علمراية واكتشفت إني ناسية ألبس الحجاب وعالسريع ركضت للبيت ولبست الحجاب ولما حكيت لصاحباتي فقعو ضحك

ههههههههههههههههههههه............الله عليكي ...........حلو كتيييييير كملي لشوف...

بحب قراءة الروايات كتيييييير وأكتر رواية قرأتها وأثرت فيي روواية اسمها ( دموع على سفوح المجد ) للكاتب عماد زكي رواية رااااائعة جدا
ورواية ( البحث عن امرأة مفقودة ) لعماد زكي
في كمان روايات تانية حلووة منها رواية ( عائد إلى حيفا / رجال تحت الشمس ) غسان كنفاني
قرأت روايات أجنبية ومعظمها للكاتب باولو كويلو ( الخيميائي / على نهر بييدرا هناك جلست فبكيت / إحدى عشرة دقيقة / فيرونيكا تقرر أن تموت / حاج كومبوستيلا / الشيطان والآنسة بريم )
في رواية بحبها كتييير وهيي ( جاين آير ) بس ما بعرف مين الكاتب

وبالنسبة للشعر بحب أشعار نزار قباني كتيير وشعر عبد الرحمن الأبنودي وشعر محمود درويش وشعر أحمد مطر


وهاي القصيدة لأحمد مطر :

أنا السَّبب!
أنا السببْ في كل ما جرى لكم يا أيها العربْ
سلبتُكم أنهارَكم والتينَ والزيتونَ والعنبْ
أنا الذي اغتصبتُ أرضَكم وعِرضَكم،
وكلَّ غالٍ عندكم أنا الذي طردتُكم
من هضْبة الجولان و الجليلِ والنقبْ،
والقدسُ في ضياعها، كنتُ أنا السببْ
نعم أنا.. أنا السببْ
أنا الذي لمَّا أتيتُ: المسجدُ الأقصى ذهبْ
أنا الذي أمرتُ جيشي، في الحروب كلها
بالانسحاب فانسحبْ
أنا الذي هزمتُكم
أنا الذي شردتُكم
و بعتكم في السوق مثل عيدان القصبْ
أنا الذي كنتُ أقول للذي
يفتح منكم فمَهُ Shut up
,,,,*
نعم أنا.. أنا السببْ.
في كل ما جرى لكم يا أيها العربْ
وكلُّ من قال لكم، غير الذي أقولهُ فقد كَذبْ
فمن لأرضكم سلبْ..؟ومن لمالكم نَهبْ..؟
ومن سوايَ مثلما اغتصبتكم قد اغتَصبْ؟
أقولها صريحةً
بكل ما أوتيتُ من وقاحةٍ وجرأةٍ
وقلةٍ في الذوق والأدبْ
أنا الذي أخذتُ منكم كل ما هبَّ ودبْ
ولا أخاف أحداً
ألستُ رغم أنفكم
أنا الزعيمُ المنتخَبْ!؟
لم ينتخبني أحدٌ لكنني
إذا طلبتُ منكم في ذات يوم،
طلباً هل يستطيعٌ واحدٌ منكم
أن يرفض لي الطلبْ؟
أشنقهُ
أقتلهُ
أجعلهُ يغوص في دمائه حتى الرُّكبْ
فلتقبلوني، هكذا كما أنا
أو فاشربوا
"بحر العرب"
ما دام لم يعجبْكم العجبْ
ولا الصيامُ في رجبْ
فلتغضبوا إذا استطعتم
بعدما قتلتُ في نفوسكم روحَ التحدي والغضبْ
وبعدما شجَّعتكم على الفسوق والمجون و الطربْ،
وبعدما أقنعتكم
أن المظاهراتِ فوضى ليس إلا وشَغَبْ
وبعدما علَّمتكم أن السكوتَ من ذهبْ
وبعدما حوَّلتُكم إلى جليدٍ وحديدٍ وخشبْ
وبعدما أرهقتُكم
وبعدما أتعبتُكم
حتى قضى عليكمُ الإرهاقُ والتعبْ
,,,,*
يا من غدوتم فييديَّ كالدُّمى وكاللُّعبْ
نعم أنا.. أنا السببْفي كل ما جرى لكم
فلتشتموني في الفضائياتِ إن أردتمو والخطبْ
وادعوا عليَّ في صلاتكم وردِّدوا
'تبت يداهُ مثلما تبت يدا أبي لهبْ'
قولوا بأني خائنٌ لكم
و كلبٌ و ابن كلبْ

ماذا يضيرني أنا؟!
ما دام كل واحدٍ في بيتهِ يريد أن يسقطني بصوتهِ وبالضجيج والصَّخَبْ؟!
أنا هنا، ما زلتُ أحمل الألقاب كلها
وأحملُ الرتبْ
أُطِلُّ، كالثعبان، من جحري عليكم فإذا
ما غاب رأسي لحظةً، ظلَّ الذَنَبْ!
فلتشعلوا النيران حولي واملأوها بالحطبْ
إذا أردتمو أن أولِّيَ الفرارَ والهرب

من اهتماماتي كمان الأفلام الأجنبية : بتابع كل شي جديد فيها وخاصة الأفلام التاريخية أو اللي بتحكي عن قصة صارت بلماضي
أكتر فيلم بحبو فيلم brave heart قلب شجاع ( ميل جيبسون )
وكمان فيلم troy اللي بحكي عن حرب طروادة
وكمان في فيلم حلووو كتييير واللي عجبني فييه أكتر شي الإبداع بهلفيلم والإنتاجية العالية فيه واللي هو فيلم lord of the rings
في ناس بتحكي إنو فيلم مقرف بس الواحد لما يفكر كيف عملو هلفيلم هون بيكمن إبداع العقل البشري

وبحب الأفلام الرومانسية اللي فيها قصة غريبة
زمان كنت أحب أفلام الرعب بس هلأ صارت مملة وكلها نفس القصة

من هواياتي كمان الكتابة بكتب خواطر وقصص من زمان وما بتعتمد على شي بس حسب الحالة النفسية اللي بمر فيها
وهاي إحدى الخواطر اللي كتبتها
أنت لست حبيبا
أنت لست عشيقا
لو كنت أقدر لنصبتك إلها للعشق
ولكنني أخاف الوصف بالكفر والإلحاد
ولكن ماذا أفعل ؟؟
فأنت أسطوري
وجدت في كل الأوطان والأزمان
أينما تظهر
يسطع لهيبك ليحرق معالم الحقد والكراهية على وجه البسيطة
ويفيض وهجك حبا وحنانا على سائر الخلائق
فمنك تعلم عنترة شعره
ومن جنون حبك أصبح قيس مجنونا
ومن بحار ولهك
سقيت أعظم قصص الحب في العالم
فمنك وجد الحب واستمر وسيبقى
فلا تلمني حين أقول :
أنك أعظم الأساطير

أكتر أشياء بكرهها : الخيانة والنفاق والظلم
أكتر ألوان بحبها : البنفسجي والأصفر والأحمر
أكتر أكلات بحبها : الملوخية والكبسة والمسخن ( أكلة فلسطينية )
أكتر حلو بحبو : كل الحلويات يمممممممممممم

ما بحب مغنييين محددين بس بحب أغاني معينة منها : حلف القمر لجورج وسوف وأغنية العيون السود لوردة وأغنية أنا بعشقك لميادة وأغاني كتييير
بحب أسمع أغاني وطنية وخاصة : ميس شلش وسميح شقير وأحمد قعبور ومارسيل خليفة وجوليا بطرس

بكره معظم العادات عنا وبتمنى إنها تتغير لأنو معظمها تافه وغير مرتبط بالدين وقائم على المظاهر والقشور متل عادات الزواج والأعراس عنا
بكره مبدأ التمييز بين الرجل والمرأة في الأعراف الاجتماعية وتحليل كل شيء للرجل وتحريم أي شيء للمرأة
بكره أساليب التربية عنا بلمجتمعات العربية لأنو ما في تربية صحيحة يا إما تدليل زيادة عن اللزوم أو كبت زيادة عن اللزوم ما في وسط إلا من رحم ربي
بس بنفس الوقت أنا متفائلة بلمجتمع وبآمن إنو لسا الدنيا بخير ولسا في طيبة وبذور خير عند الناس

أنا بطبيعتي حساسة كتير وببكي من أقل شي يعني لو شفت حدا بيبكي أمامي ببكي بدون ما حس
عنيدة كتييييييييير وبحب المغامرة واثقة بحالي كتييييير وما بفرق عندي رأي الناس فيي وبعمل اللي بدي ياه طالما مقتنعة إنو صح
طيبة وأوقات طيبتي بتخلي الناس تستغلني بس هلأ تعلمت أتحكم بطيبتي وما خليها سبب لضحك الناس علي
تعلمت كون قوية كتيييييييير مشان أعرف أعيش بهالدنيا
لأنو ما شاالله نحنا بمجتمعاتنا بنطبق شريعة الغاب ( إن لم تكن ذئبا أكلتك الذئاب )
وهادا الكلام بحكيه عن تجربة بالناس لأنو ياما وثقت بناس وطعنوني من ورا ضهري فمشان هيك تعلمت ما أوثق بحد قبل ما أتأكد منو