المعاناه

انا ما جيتك يا بحر لشوفتك شفقان
انا جيت ابنسى اليأس وهموم تباريني
على شانك انا جالس اسامر موجك الغضبان
واسولف له عن اوجاعي وعناي وغربه سنيني
علامك يا بحرغاضب علامك تصرخ بكتمان
انا جيتك ابشكيلك وابي منك تواسيني
انا جيتك ابوصفلك عذاب اتعب الوجدان
عذاب رافق سنيني وعيا لا يخليني
انا مثلك بحر لكن وسط نفسي انا غرقان
تعبت ابحر مع نفسي واسألها انا ويني؟
انا مليت من نفسي وتعبت ابحث عن السلوان
ولا ظنيت به شي عن احزاني يسليني
انا محتار في فكري مع نفسي أنا حيران
انا الاقدار افهمها وهي تجهل مضاميني
احس ان الحزن عالم بحور وصخر ووديان
وتخيل يا بحر حجمه اذا كله سكن فيني
تصدق ان حزن هالكون تجمع في كيان انسان
وتصدق ما بقى بالكون حزن ما سكن فيني
تدري ان الحزن لو غاب وراح لاخر الاوطان
يغيب ويرتحل لحظات ويجيني