وييييييييييييييييييييييييييييييين هذيك الايام وين

فلسطيني فلسطيني · 07-18-2009, 04:51 AM

وين الي كانت بساحه الدار تلعب وتستناني
تركض عالتله تودع نسيم معطر بريحه المواويل والاغاني
وين ساره ومنديلها الاصفر
وين جره المي بحد الباب الحنون وقعده بفيات العنب والزيتون
مع كاسه شاي بمرميه
واحلا طله عكروم البريه
وين الي راحو
وتركو قلبي معزب بجراحو
وين الشجر والعليه
وين الارض واللهجه الريفيه
وين فلسطين وين الحنون والنوار
وين التين والصنوبر والسرو وين الختيار الحزين
وين ستي وحكايات زمان
عن ماضي القريه والقمح والبستان
وين الي حبيبها بتستنا
ولساتو ما اجا وهي بتتمنا
يطل من صوت العصافير
يلاقيها عالبير ويزرع عتمها بوسه حليانه
تدفق شذا وعبير

عاشقة الصمت · 07-19-2009, 12:46 AM

قلمك غايه في الروعة واحساسك كتير حلو ننتظر جديدك دمت بكل الخير
اخيتك عاشقة الصمت

فلسطيني فلسطيني · 07-22-2009, 05:37 PM

شكرا الك يا عاشقه الصمت

دموع حبيبتي · 07-22-2009, 06:31 PM

انحني احتراماً وتقديراً لحروفك الفريدة وأشكرك

إلى يوم يبعثون على هذا الكرم الأدبي والحسي

التي لايجيده إلا قله أنت اولهم ..

السعاده لي ولكل من سيمر على هذا الطرح الفني

كل احتراماتي وودي..

دمت وسلمت

دموع حبيبتي

فلسطيني فلسطيني · 07-27-2009, 09:04 PM

تحياتي الك دموع حبيبتي كلامك الاروع والله

لميس الجزائرية · 07-27-2009, 09:12 PM

مشكووووووووور خيو الفلسطيني
جميلة جدا خاطرتك
تسلم