ترجمة بعض التعابير الأردنية

abeer saleh

ترجمة بعض التعابير الأردنية:

(بدك الصحيح والا ابن عمه). مقدمة لكذبة من الحجم العائلي

(شو بدك بطول السيرة) . جملة محشورة داخل قصة يزيد عدد كلماتها عن 100000000كلمة

(وماشفنالك إلا ..) ... يعني موسيقى تصويرية قوتها 7.9 على مقياس ريختر لقصة سخيفة

(وما كذبت خبر ).عبارة لنفش العضلات وبداية لكذبة ورسم بطولات ما حصلت إلا بالخيال

(انت لسا ما بتعرفني) .تقال عندما يشعر المتكلم انه تبهدل وانمسحت بكرامته الارض

(الله يستر عليها) . تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

(إشتهيناك تكون معنا) . تقال لحرق أعصاب المستمع واذلال شعوره

( لا تواخذني بهالكلمة) .مصطلح يهيؤك نفسيا لسماع مسبّة ولكن بطريقة مؤدبة

(أنا والله مو فارئة معي) .تدل على اهتمام المتكلم حتى الموت بالموضوع

(سيدي ما علينا). نهاية الحديث البايخ الذي كان يتكلم فيه على غيره بما لا يخصه

(عيّن خير). بعبارة أخرى ....انسى الموضوع

(لا يروح فكرك لبعيد) . يعني طنّش عن كل البلاوي اللي خبرتك عليها

nowayman

بتعرفي قبل ما اقرا الموضوع الك بذمتي طحشة شكر ....لانه على الاقل بوقت الصبح خليتيني اسمع خبر عن وطني الحبيب.
وبعد ما قرات الموضوع فلكي مني رفع القبعه
مشكووووره جدا ويسلملي ه الانامل
طحشة: كميه ضخمة

abeer saleh

الحمدلله إلي عجبك
والله لايحرم حدا من وطنه
وتسلم عمرورك الرايق

Ibrahim Sabry

بدك الصحيح ولا ابن عمه فعلا موضوع جميل جدا يا عبير واستفدت منه كتير بس انا والله مو فائه معى
ملحوظه ما معنى كلمة يؤبشنى ويقبرنى حردان ؟ يلا والله يستر علينا

nowayman

مرحبا اخوي :
هاي مصطلحات شاميه ...مو اردنيه
يؤبشني : بمعنى ريت الوجع فيي ومش فيك
يؤبرني : انشاء الله ما اشوفك وانت ميت ...انشاء الله اموت قبلك
حردان : طالعه من بيت جوزها عبيت اهلها زعلانه
مشكوور

abeer saleh

يسلمو عمجهوداتك عزبت حالك
وتحليلك للكلمات صحيح
وحردان بتنحكى مو بس للزعلانة من جوزها لأي حدا زعلان

Ibrahim Sabry

خلاص تؤبوشنى وتقبرنى يا غالى وان شالله ما حد يبقى حردان خالص

cutesuzy

يسلمووووووو عبير موضوع حلوووووو

ملاك النعومه

ههههههههههههههههه
مو كلها اردنيه

تل الربيع

سلمت يمناكي
موضوع وكلمات روعه
دمتي بتميز
تحيه كبيره

خالد