خلطات سريعه

قاعده العصر و ما عندج شي !!

تبين تطالعين tv و تاكلين شي لذييييذ !!

بالليل سهرانه على فلم و تبين شي يسلييييك !!عندي اشياء لذيذة تصلح حق العصاري وحق السهر بالليل ..,
وانشاء الله تعجبكم
اول شي راح احطلكم الناتشوز :

اغلبنا نحبه و صج حده يصلح انك تشوفين فلم و تاكلينه
و خصوصا بالسينما اينن

بس انا وصفاتي غير

لذيذه و عجيبه
والاهم من هذا انها راح تكون من صنع ايييدك

الطريقه الاولى:




المقادير :
-تورتيلا شبس اللي يصير مثل هذا




بمصطلح ثاني اهو نفسه الناتشوز الساده الي بدون نكهه

- ذره
-فلفل بارد مقطع مكعبات صغيره
-جبن الناتشوز السائل
- هلابينو

الطريقه :
تحمسين الفلفل بارد مع الذره بزيت شويه مه بودره ثوم شويه
و بعدين تظيفين الجبن و تخلطين المقادير عدل لين تصير حاره

تحطين الناتشوز بماعون غزير و تصبين فوقه الصلصه و تزينين ماعونج بالهالابينو

---

الطريقة الثانيه

الناتشوز اللي يصير بالنكهات مثل هذا



تقدمينه مع صلصه الرانش:
رانش + سور كريم + بقدونس مجفف

تخلطينهم مع بعض و تقدمين الصلصه مع الناتشوز

---

الطريقه الثالثه :

ناتشوز تشبس (الساده)
دياي مكعبات و مطبوخ
فلفل بارد مكعبات صغيره
طماط مكعبات صغيره
كريما
جبن شيدر
جبن موزريلا
هلابينو

الطريقه :
تحطين الناتشوز بماعون بايركس او اي ماعون تقدرين تدخلينه الفرن
و تخلينه على جنب
تسوين الصلصه
تحطين المقلا زبده و تحطين الدياي مع كعب ماجي و تحمسينه شوي لين ياخذ طعم الماجي و الزبده
تظيفين الفلفل بارد و الطماط
تحركينه شويه و تظيفين الكريما (تحطين شويه يعني لا يصير الخليط وايد سائل )
و اخر شي الجبن الموزريلا و الشيدر بس لين يذوب شويه

عقب تصبين الخلطه فوق الناتشوز و تحطين فوقه الهلابينو و تدخلينه الفرن


بنات جرببوووهم والله كل وحده احلى من الثانيه بس الاخيره هذي تهبل
اذا جربتوها مره راح تحبونها حيييييييييييييييل



و اخليكم مع صور تعطيكم افكار حق التقديم و الشكل و هم راح تشوقكم