صياد ورحت أصطاد صادونى...
سارح على الله أهل الغدر خطفونى...
أربع شهور فى وسط البحر والميه...
وروحى فى أيدين سفاحين مستنين فديه...
وحكومه ودانها من طين لاحاسه ولاسأله...
وأهلى غلابه ياريت كان فيه ويفدونى...
ومهما تضيق بالعبد رحمة ربنا واسعه...
ويارب أنت عالم خارجين على رزق العيال نسعى...
وربنا المستعان والقوه من عنده...
المصرى لما يفيض به يخرج من القمقم...
تقولش مارد لايهمه نار ولادم...
ووقت الشده أخوات وولاد عم...
34صياد صبحوا راجل واحد...
نضعف لو متفرقين نقوى لو نكون واحد...
هجمنا على القراصنه مابين قتيل وجريح...
واللى طلناه أسرناه مفضلش ولا واحد...
وسالمه ياسلامه رجعت مراكبنا...
حارسانا رعاية الله مفيش حاجه تصيبنا...
يادعوة أم صابره أو زوجه غلبانه...
أو دمعة طفل يتيم ومين غير ربنا بيرحم