القاموس الشامي

القاموس الشامي .... حقوق الغسيل والنشر لأهل الشام‎

> >


شاضومة > تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته
> شرنه >إنظر الشرح في تفسير مصطلح شاضومه > >
> ملحو على ديلو>يعني لا يقيم وزناً للعشرة والخبز والملح
> يلي ببالي بالك > كناية عن أمر يتعذر ذكره...!

>معصمص > نحيل بارز العظام
>يا إيدكم! > تعبير عن الهرب بسرعة من شيء
> زمق > أي هرب ببراعة وحذق، وزمط شرحو
> سرّي مرّي > أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي
>حط بالخرج > أي لا تعبأ بما يقال

>على قفا مين يشيل > كناية عن كثرة الشيء وشيوعه

> > مأنّف > > يعني لا يعجبه العجب ولا الصيام برجب

> فش نيعو > يعني بدي انتقم منه شر انتقام وهي بالحلبي: يفشر حنكو
> أزّت نفسو > أي نفر من الشيء نفوراً كأنه رأى صرصوراً
> جفص > صفة للجلف غليظ الروح
> حنتر > أي 'تيّس' و'بوزم' في الوقت نفسه

> طلع من عيونو عامص > يعني دفع ثمناً غالياً وندم على ما نال

> كل طلقة براحة > أي يقوم بالشيء رويداً رويداً بين الفينة والأخرى

> يلي بدو يموت يوصّيك بولادو >ذم بصيغة المدح يعني أن المذكور غير أهل لحمل المسؤولية
> على كراريت حلقو > يعني مصاب بغثيان شديد وإقياء لا يستطيع كبحه لا بحلال ولا بحرام
> لا تكرّك عليه > يعني لا تلح عليه إصراراً
> قلبه عميقول حق بق (كما أن القاف تقرأ ء > يعني أنه يريد أمراً بشدّة لكنه يضمره إضماراً ولا يظهره إظهاراً
> لحم السير عالقبقاب وصاروا المبغضين صحاب > مبينه وما بدها شرح

>يلي بيجي منمدلّو فرشو ويلي ما بيجي منرتاح من وشو > مثل نسائي بحت يفيد عدم الترحيب بأشخاص معينين ما عم يجوا أصلاً
> شو هالتجرة > يعني الأفندي ما عجبته هالحكاية كلها وحاسس إنو تعبو راح أو أدراج الرياح
> وحياة خالقك ماني مفارقك > تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك
> العين الطرّاءة > عبارة عن التمسخر على المتكلم عنه وأن لا شيء فيه بينحسد عليه
> بيقطش وبيلحش > يعني المهذار كثير الهفوات ومن يهرف بما لا يعرف ولسانه يسبق عقله

>ولي على كسرتو > تعبير يفيد التحسّر على شخص ما, مع لومه على ما فعل (في تناقض، مهيك؟

> كِ ــــــنْ>بكسر الكاف وتسكين النون يعني اهدأ أحسنلك
> كروج > يعني درمل، وبتعبير أفصح افرنقع من هنا، وادحال مثلها

> فــز > كمان بكسر الفاء يعني قوم (أوقف وانت بتكلمني
> جماش > أي همجٌ رعاع مستجحشون
> مصطهج > يعني مسلطن، مكيّف، مبسوط
> أفعت معو > يعني حمل القشة التي قصمت ظهر البعير وبلغ السيل الذبى
> مو نفعان لا للخل ولا للخردل > يعني بلا فائدة تذكر،

> يتمألس > يعني يفتعل السخرية على الآخرين (يتمسخر
> لاطيلو > يعني كمن له منتظراً ومنها المتل القائل: 'قلّو لاطيلك قلّو صاحيلك' يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو
> ادفشو وشوف ما أجحشو > يعني بالإنكليزي: Fools rush in where angels fear to tread > >

>ما فيه الوتكة>يعني صاغ سليم خالي من العيوب وأحياناً يعني فاضي
> ما معو نكله > مفلّس وحالو عدم
> أول باشتان.....ثاني باشتان > طريقة في تعداد الأمور والأوامر والأسباب والمسببات (أولاً ، ثانياً > بظّت عيونو > يعني جحظت العينان حتى كادت المقلتان تخرجان من محجريهما (على طريقة الجاحظ) لما شاف شي عجبو

يسلموووو علموضوع الحلووو
واللههجة الشامية بتجننننننن
كتييير بحبااااااا

يا الله أديشك .. ظريف يا دمشقي ... وكنك شاطر تعرف معنات ... يحرق حريشك...

طبعا شكرا ع الموضوع ..

هههه شكرا للكل وشكرا لمروركن لسا في كلمات تانيه بس لتجهز بجبيها