ادلعها واولعها

بعد ماقابلتني عاتبوهــــــــــــــــا

على شوف الحبايب حاسبوهـــا

خذوها وأبعدوها غصب عنــــي

وعن وجهة طريقي جنّبوهــــــا

وشالوها عن عيوني غصيبـــــه

عواذل وأغصبوني وأغصبوهــا

خذوها من يديني شوف عينـــي

وعن عيني تعدّوا وأحجبوهـــــا

كلام وصدّقوا بالبنت كذبــــــــــه

وهم اللي من أول كذّبوهـــــــــــا

وهم وشدخلهم في مال بيّـــــــــن

لبوها والخلايق طالبوهــــــــــــا

وفيّه لاتخون ولاتعانــــــــــــــــــد

جسوره والمواعيد أرعبوهـــــــا

ملاكٍ كامله والكامل اللـــــــــــــه

ولكن العواذل عذربوهـــــــــــــــا

وهي كلما دعتني تشتكي لــــــي

عن اللي سالفتنا سرّبوهـــــــــــا

تخاف وتلتفت مع كل كلمــــــــــه

تظن أن العواذل راقبوهـــــــــــــا

تلفّت من عقب ماهي جريئـــــــــه

شجاعه ماتهاب وهيّبوهـــــــــــــا

وأهدّيها وأنا حاير وثايــــــــــــــر

مصيبه ياعذابٍ عذبوهــــــــــــــا

وهم كلما خذوها عن طريقـــــــي

تراهم صوب قلبي قرّبوهـــــــــــا

وأنا ماتعّبت قلبي خيانــــــــــــــه

خيانه رتّبوها وأحسبوهــــــــــــا

ولا يعجز خفوقي لايقابــــــــــــل

جفا من حاربوه وحاربوهــــــــــا

وأنا لي عزّة ٍ تفرض عليّــــــــــه

أخاطب بالجفا من خاطبوهـــــــــا

وأكسر لوحة الماضي وأزيلــــــــه

وأخرّبها مثل ماخرّبوهــــــــــــــــا

وأذوّقهم ندم ماصار فيهـــــــــــــا

وأشرّبهم من اللي شرّبوهــــــــــا

وأدلّعها وأولّعها بنفســـــــــــــــي

وأشرٌّقها بعد ماغرّبوهـــــــــــــــا

وأعوّضها عن اللي راح كلــــــــه

وعن ذيك الليالي كلّبوهـــــــــــــا

غلاها بالحشى لازال ثابــــــــــت

ولو حتى بغيري حبّبوهــــــــــــا

وغلاي بقلبها مرّ وتعـــــــــــــدى

غلاها لأمها ولا لأبوهــــــــــــــــا


|؛¤ّ,¸¸,ّ¤؛|(((( حــامــــــد زيــــــــــــــــــــد ))))|؛¤ّ,¸¸,ّ¤؛|

والله خلص الكلام بعد اللي قرأته ماعندي كلام اوصف بيه اعجابي اشكرك
ارجو ان تتقلب مروري