لآ يغِرّكْ كِثيرْ آلصّمتْ وِ سْكآتي .. خل آلمشآعرْ تقولْ آه ,وِ إسْآلها

عبدالله001 · 09-07-2009, 03:06 AM

{..لآ يغِرّكْ كِثيرْ آلصّمتْ وِ سْكآتي .. خل آلمشآعرْ تقولْ آه ,وِ إسْآلها .. }

متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’
لصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’
الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’
لا .. لايغرك كثير الصمت .. وسكاتي ,,
خل المشاعر تقول ( الآه ) وإسألهـا ’’
يسكني الحب .. واضح من عباراتـي ,,
وش عاد لجلك حروفي لـو أذللها ’’
عذبني الشوق واسرفـت بخيالاتـي ,,
روح ٍ تحبك دخيلك ليه .. تهملها ’’
ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’
الحزن كنه سفيـري فـي علاقاتـي ,,
والهم خيّم على حالـي .. وطولهـا ’’
اغديت دربي وتاهت فيـك خطواتـي ,,
كل المواعيد مدري ليـش تاجلهـا ’’
سنين احاول وضاعت كـل حيلاتـي ,,
متدري اني ( حيـاة الـذّل ) مقبلهـا ’’
لجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’
لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’
تعال شفني وحـس بحـال لوعاتـي ,,
كن الدقايق بدونـك عـام مطولهـا ’’
متى التباشر بقدوم ( الغـلا ) تاتـي ,,
فرحة زماني بشوفـك مـا تخيلهـا ’’
خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’
ابيك تنسى وتسمـح كـل ( زلاتـي) ,,
بعض البشر صعب مانقـدر نزعلهـا ’’
والحين جيتك ابمسح كـل غلطاتـي ,,
دنيا ي دونـك وربـي ماتحملهـا ’’
.......................
بفلمي
عبدالله المطيري
من السعوديه

manar_a · 09-08-2009, 01:27 PM

مشكور عبد الله عالكلمات الجميله
يعطيك العافيه
تحياتي وودي

تيماءتيم · 09-08-2009, 02:36 PM

الله على هذه الكلمات الجميلة
شكرا عبدالله

etoile · 09-09-2009, 12:36 AM

عبدالله

جميلة جدّاااا

مشاعر شفّافة...

عبدالله001 · 09-13-2009, 12:12 AM

مشكووووووووووووووووووورين على المرور

القلب الفاضي · 09-13-2009, 09:51 AM

الله عليك يا عبدالله

مبدع

دندونا · 09-14-2009, 07:37 PM

˚ஐ˚◦๑ ~! الــوفا !~ ๑◦˚ஐ˚◦
(( الله الشــاهد ))
الوفا في غير قلبك ما لقيت ،،
وإن فديتك بروحي بعدي ما وفيت ..
وعن غلاك اللي في قلبي إن وصفته ما انتهيت ،،
ودي أشيل همك بقلبي لجل بسمة عينك ..
يا أغلى غالي في حياتي ،،
يا أعز وأطيب من لقيت ..