الي كبير بيفهم

GOUFE · 09-17-2009, 04:27 PM

بسم الله الرحمن الرحيم
السلام عليكم ورحمة الله وبركاته ،،،
ورجعنا لكم بعد هل الغيبه الطوووووووويله ( اسبوع ، شهر ، سنه ،... الله اعلم) مشيت وكان السبب شوية مشاكل ورجعت بشوية مشاكل ( مثل ما رحت مثل ما رجعت ) احبكم انا والله احبكم

. انا راح اتكلم اليوم في موضوع قديم شوي ويمكن قديم كثير بس والله انه مهم ويهم جمييييييييييع الناس ، المهم حابب اتكلم واخذ رأيكم في موضوع ( الانفتاح والعولمه) موضوع قعدنا سنين وسنين نطالب فيه في كل البلدان العربيه ( بما اننا عرب) ولما حاولو انهم يطبقونه نجح في بعض الدول ، وبعض الدول حاربته بشتى الوسائل بسبب انه يعارض عداتنا و تقاليدنا ومن هل الكلام ، وفي بعض الدول حاولت انه تطبقه ولكن النتيجه فشل ذريييييع موب من الحكومه ولكن من سكان الدوله الي هم الشعب نفسه .
يا ناس يا عالم انا ودي اعرف وش معنى الانفتاح عندنا كادول عربيه انه البنت تلبس شورت وحزام ابيض وتخرج بالشارع ولا انه البنت تسوق سياره الساعه 4 الفجر ولا انه الولد يكون له حريه شخصيه يختار هو جنسه بنفسه ولا ايش بالزبط ، ليش احنا كاشعوب عربيه تحب نركز تفكيرنا على الجانب السيئ من الفكره ونترك الجانب الاجابي ليش وش الهدف يعني الواحد ينقهر وقت ما يشوف برنامج يتكلم عن شخص كرس كل حياته في انه كل يوم ينام مع بنت شكل بنت مختلفه وش هل الكلام خلااااااص خلصت كل المواضيع ما بقى الا انه نجيب شوية سفهاء يتكلموا ، والامر من هذا كله انه البرنامج طلع على قناه عائليه يعني من صغيرنا لين كبيرنا ممكن يتفرج على البرنامج ولا هي مشفره بعد يعني خلااااص ، ووقت الحساب وقت ما تحاول بس انك تتكلم ولا تناقض ولا تعصب يقولو حريه انفتاح ليش انتو كذا ليش انتو ما تبغو تتعلموا ، اللحين صار الانفتاح والتعليم بالجهر بالمعصيه (هههه) والله هذي هي اخرتها ، يا ناس يا الي تنادون بالانفتاح والعولمه لو تبون من جد تنفذونها سافروا للدول الي من جد مطبقتها واتعلموا ولا تنسوا عقول الناس موب لعبه في يد كل مسؤول حب ينشهر يشتري له قناه ويقدم برنامج يدعوا للرذيله وقول انا جبت دكتور عشان يناقش هل الحاله (ههه والله مدري الدكتور هذا راح يعالج مين ولا مين ) . ياناس لو حنا قلنا طيب وما فيها شي اعرفوا انه فيه شعوب ثانيه قاعده لنا وتتابع برامجنا اول بأول وبيعملوا دراسات على الحضارات الي عندنا ، فات عيب انه احنا نخرب على نفسنا لو حنا ما همنا خلنا نفكر في الي اصغر مننا ، ولو حنا اللحين قاعدين نتباهى بالانفتاح المزيف الي عندنا في زمن راح يعايرونا فيه باقي الخلق. وما ابي اطول اكثر من كذا واتمنى انه موضوعي ما ينحذف لانه الي قلته موب عيب ولا حرام ولو انه قاسي شوي بس الي اقسى الي كان معروض على القناه الي الكل يعرفها . والي حابب يحط رايه يتفضل ،

.

cutesuzy · 09-17-2009, 05:56 PM

يسلمووووو على الموووضوووع المهم
والله خيووو صدقت بكل كلمة قلتا
للأسف نحنا لما بنطبق الانفتاح عم نتخلى عن ديننا وقيمنا ومبادءنا
وعم نركز على المظاهر ونننسى جوهر الانفتاح والعولمة
بس للأسف نحنا أمة فقدت هويتها
فصارت تبحث عن هويتها في قمامة الأمم الأخرى
الانفتاح بطبيعتو ليس سيء لكن ما نطبقه هو السيء
لماذا لا نستخدم الانفتاح والعولمة في تطوير بلادنا والنهوض بها علميا وثقافيا واجتماعيا ؟؟؟؟؟