|
09-27-2009, 04:22 AM
|
رقم المشاركة : 1 | |
|
بروتوكولات حكماء الزمن ده
لو عاوز توصل فى هذا الزمن المتلخلبط لازم فى الأول تتفنط لازم تختار فتكون يا نعامة ..... يا حوت ..... يا حمار ..... ( 1 ) لو عاوز رأيى لو لسة جديد فى اللعبة أحسن لك تبتدى بحمار جاهل متخلف مندار و تدور فى الساقية مع الدايرين و لا دارى بعيشة و لا بأخبار بعدين ... لازم تنسى إنك شاعر انسى انك حتى بتقرا الشعر لازم تنسى انك قادر تقرا طلاسم هذا العصر بعدين يا جميل ... اتمسكن و اعمل غلبان تتمكن و تهز مشاعر و إن قالوا عليك إنك حيوان ما تقول غير ..... حاضر حاضر خد لقمة حقيرة من الفضلات حاضر خد ورقة توت غطى العورات حاضر على شوك هاتنام و تقوم و تبات ( .................... ) سوفاج خرسيس حيوان فرى باد ........... .............. ............ برافو انت اللى هاتوصل ما انا شايفك واقف ف الأخر مستهبل عامل مش فاهم بتهز دماغك وتقول حاضر ! ( 2 ) إنما لو عاوز توصل فعلا خش معايا ف " نمبر تو " يعنى الخطوة التانية ما هو و انت " لا مؤاخذة " حمار تلمح يا ما بطرف عنيك ف جرس و فضايح و حاجات أوعاك ترفسها برجليك أو تفتح بقك و تقول هات اعمل أخرس و أطرش و أعمى وادفن راسك جوة الرملة زى نعامة طويلة و هبلة كل ما حد يقولك طظ قول مش فاهم كل ما حد يقولك بص اعمل نايم لحد ما تلقى خواجة يشر سماجة بضحكة طريفة سخيفة يقولك " سوف يا خبيبى برافو أليك إنت وصلت مأنا خلاص بس فادلك واخد خطوة " ( 3 ) عمرك شفت الحوت الحوت دا كبيير و كأنه عمارة سريع ف المية و لا طيارة بس عشان يبقى ياكل كل الأصغر منه تقوم السمكة الأصغر منه عشان كرامتها تاكل السمكة الأصغر منها و السمكة الأصغر منها تاكل السمكة الأصغر منها و السمكة الأصغر منها تاكل السمكة الأصغر م.......... يوووه دوارة لكن و انت ف نص الرحلة بتحاول تسلك و تفوت حاسب ييجى فوقك حوت يفتح بقه عليك و .. تموت إنما بقانون الخوف و الغدر هاتنجى بنفسك ما هو دة منطق كل حيتان العصر يا تبقى ..... يا تهلك ..... ( نقطة ف ركن الدايرة ) و أوعاك م الموضوع تستغرب و أياك تحتار ما هو لو عاوز توصل فى هذا الزمن المتلخلبط لازم فى الأول تتفنط لازم تختار فتكون يا نعامة ........ يا حوت........ يا حمار.................  |
|
|
|
09-27-2009, 11:57 AM
|
رقم المشاركة : 2 | |
|
|
تسلم اخي العزيز وبارك الله فيك |
|
|
|
|
09-27-2009, 07:27 PM
|
رقم المشاركة : 3 | |
|
|
يسلموووووو كلمااااااااات رااااااائعة |
|
|
|
|
09-28-2009, 05:15 AM
|
رقم المشاركة : 4 | |
|
|
شكرا على مرورك سوزى |
|
|
|
|
10-26-2009, 07:25 PM
|
رقم المشاركة : 5 | |
|
رائعه كتير فوكسى |
|
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
|
|
forum xml threads xml RSS
الساعة الآن 07:59 AM.
Search Engine Optimization by vBSEO 3.2.0