قصيدة بين عيد الحب ومقتل رفيق الحريري

اخواني اعضاء المنتدي
اسعد الله اوقاتكم بكل خير
من شدة اعجابي بهذة القصيدة حبيت انقلها لكم لعلكم تستمتعون بها






لعلّ عيد الحـبّ ماهـوب معيـود ما أعرفه ولا يعترف به عشيـري
جانا من الرومان بشروط وقيـود وقمنا ندرهم به بظهـر البعيـري

عوايد الكفّار مـا تجلـب الفـود اللي بها منكر ينـادي .. نكيـري

والله ما أشبّ شموع وأوزّع ورود تقنع حبيبي كلمة ٍ مـن ضميـري

دوبك على مغليك يا باشة الخـود الحال متقلب ووضعـه خطيـري

يا اللي تهزّ الغصن لا تكسر العود ماعاد نلقـى جابريـن الكسيـري

خلّه عسى يهتزّ لا هبّـت النـود وتوّقع أوراقـه وطيـره يطيـري

هذا خبر عاجل بالأرصاد مرصـود وهذاك فعل ٍ ما يسـرّ النظيـري

دايم عربنا بين حاسـد ومحسـود والشرّ بين أقطارهـا مستطيـري

وأهل الوجيه البيض راياتها سـود والوجه الأظلم ما يحبّ السفيـري

شبنا نخون عهود ونوّقع عهـود ونرفع شعارات إرتباط المصيـري

ونقول دام السيف محني ومجـرود أكيد لا جـات اللـوازم شطيـري

يعيش كل الجيش ضبّـاط وجنـود ويموت ما يطلق سراح الأسيـري

نسنس هوى بيروت مع ريح بارود الله عليه أكبـر ونعـم الكبيـري

تفجير والتفجير بإثبـات وشهـود جريمة ٍ نكـرا وجـرم ٍ كبيـري

التصفيه بحسابهـا قادهـا قـود اللي يجاذبهـا بسلـك الحريـري

حسب إعتقادي وأغلب الظن معقود والبحث جاري والفلـك يستديـري

بين الأسد بشّار .. وأميـل لحـوّد تقاسموا مقتل رفيـق الحريـري

ومن kobra بدنا الطار من لحود لبشار $$$$$






ارجووووووووووووووووووووو ان تعجبــــــــــــــــــــكم

تسلم الايادي وبارك الله فيك