هيدي مجموعة من البرامج اللي كنّا نتابعها قبل ما يوصل لعنّا اختراع ( الدش ) ....[/align]
-أرضنا الخضراء: ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده
-الأيدي الماهرة: و من إعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!
-مع العمال: وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الأرض باللادقية....
-نحن الطلبة: كلو رقص و دبك و أنشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب أيام الدراسة و ما بعد التخرج؟؟؟هيدي شغلات ثانوية..وعلى مهرجانات خطابية!!أنا بفضل يتسمى ( مع الدبيكة و رقيصة العربي(!
-أطفال هواة: يااااي (ماما فاتنة محمد) ليش سنانك سود حبيبي؟؟!! دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس أبوه جارو للمخرج جابوه ينط بخلقتنا!! وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-الطلائع: برنامجي المفضل! بس موت و أعرف مين كان يشوفو من الأولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا إنه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة !!
ولا برنامج من الالف الي الياء اللي لساتو لحد الان عم يطلع (صار من الثوابت التاريخية للوطن) والمذيع كانو جاية غصب عنو
واهم شي خالتك ام عمار وما يطلبه الجمهوووووووووووووور
والاغنية على الشريط تلاتة
(وطبعا الغنية على كيف المخرج)
10-22-2009, 09:29 PM
حياة السورين قبل اختراع الدجتل
العرض العادي
