بعدي وهجراني

مسك · 12-07-2006, 11:14 AM

اثريك ناوي على بعدي وهجراني
من غير مايفصح لسانك بقولتها

اللي خفيته بوسط العين لي باني
العين اصدق من لسانك بـنظرتها

داخل عيونك كلام وترجم لساني
اثريك ماتعرف العين وفصاحتها

صحيح انا ماسمعت القول باذاني
واظن ماتكذب عيونك بنيتها

جرب وحاول اذا ودك تناساني
شف دنيتك بعد حبي شلون عيشتها

نشوف باكر منو اللي يفقد الثاني
مكانتي باجر تحس بخسارتها

والله لخليك في نومك تحراني
ان كان عينك غفت في حلو نومتها

باجر بـتحتاجني ماعاد تلقاني
والعشره اللي معك ماني بحاجتها

باجر تجيني تعض ايديك ندماني
اصبر وانا اذكرك لاجات حزتها

بالوجه الابيض اروح العيب عداني
بعزتي ماشي ونفسي بحشمتها

ولا انت خلك مع التفكير وحداني
اذكر ليال الوصل واذكر حلاوتها

خليت حبك ورا ظهري وخلاني
محبتك شوف وين وروح ساقتها