فـــاتـنــة عـصـري

فــــاتـنــــة عـصــــــري



وشلو ابلقاك .. وموعد رحلتي بكره
وشلون ابنساك وانتي ساكنة صدري

اثر المثل ماكذب ... ( الحب من نظره )
ومن يوم شفتك شغلتي قلبي وفكره

واهتز عرش الخفوق وفز من كبره
ويقول: يامرحبا بك يابعد عمري

وشلون ما أكتب قصيده وانتي الفكره
لو ماكتبتك شعر وش فايدة شعري

الا ابكتبك شعر ينتثر عطره
وباوصفك لين شطري يشتكي شطري

الطول .. والعنق .. والنظرات .. والغره
والجادل الفارسي والمبسم العذري

المبسم اللي جماله فارق سحره
والنظره اللي تهزك وانت ماتدري

والموت كله يشاف بهفهفة خصره
ومعذور لو صارت ابيات الشعر نثري

من عقب شفت الجدايل تعتنق نحره
وتلعثم لسان قلبي من قبل ثغري

تمشي تمايل وكن دروبها عثره
ان هملجت مغرية .. وان وقفت تغري

انا الذي سلمك يالفاتنه عمره
سبحان من كملك يافاتنة عصري

من يوم رحتي وانا في داخلي حسره
وازريت اهدي جموح الشوق واهذري

واجي بنفس المكان وموعد السهره
في كل ليله بعدك اجيه من بدري

يتجول بخاطري من قبل لا أشره
سؤال ارميه من حزني وسط بحري

ياهل ترى يوم صبحي ما ابتسم فجره
با القاك بعد الفراق ويبتسم فجري

كتيييييييييييييييييييييييييير حلوة يسلموووو

الله يسلمك اختي عصفوره وهذا من ذوقك الحلو

وشكرا على المرور

مشكووووووووووووووووور

أطربت قلبي بكلماتك العذبة
كعذوبة النسيم العليــــل و
بأسلوبك الرائع والمميز
كتبت فابدعت وسحــــرت
الاعضاء بشعرك الرائع
والمميز فقد نشرت عطرا
فواحا في أرجاء المنتدى
الله لا يحرمنا منك ولا من
مواضيعك الرائعـــــــــــة
دمت بود ودام لنا بوح
قلمك وعقلك وفكرك الرائع
والمميز تحياااااااتي....