تأليف منير عبد النور
للإشتراك بليالي لبنان على الفيس بوك
لبنان
قديم 05-20-2010, 12:22 PM   رقم المشاركة : 1
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Thumbs up تأليف منير عبد النور

يـــــــــا حبــــــــي اللــــــي غـــــــــــــاب

يا حبي اللي غاب من عمري انا
حياتـــــــي عذاب انحرمت الهنا

من بعدك لمين الزهر بينحني
و بتشرق لمين شمسك يا دني

يا حبي يا غالي
يا ساكــن ببالي
سواد الليــــالي
حياتي انـــــــا

كلمات: منيـــر عبد النــــور
الحان و غناء: ملحم بركات
------------------------------------------------------------------------------------------------------------------
ولا مرة

ولا مرة كنّا سوا، ولامرة
ولا مرة جمعنا الهوى ، ولامرة
ولا مرة يا حبيبي
جمعنا يا حبيبي
جمعنا الهوى
آه يا حبيبي
لمّا عيوني
شافت عينيك
بالليل يا روحي
و غارت عليك
سهران اتمنى
بقرب اتهنى
اتمنى إيدي
تلامس إيديك
و انا غنيت
لعيونك غنيت
لقربك غنيت
غنيت غنيت و الله غنيت
سهّرني ليلي
و انا ليلي طال
حبك حبيبي حبيبي
وهم و خيال
ساكن بقلبي
عايش بقربي
لكن هوانا
صعب المنال

كلمات : منير عبد النور
الحان و غناء : ملحم بركات
---------------------------------------------------------------------------------------------------------------------
بتشكيلي عا مين

بتشكيلي عا مين
و بشكيلك عا مين
قلتلك يا قلبي
خلينا ساكتين
جرحونا و نسيونا
سبقونا و شكيونا
و نحنا المظلومين
قلتلك يا قلبي
خلينا ساكتين

يا قلبي الغرام
مالو امان
ياما احلام
ضيعها الزمان
وليالي الحنين
عايشها حزين
تذكرني يا قلبي
تذكر يا مسكين

كلمات : منير عبد النور
الحان : ملحم بركات
غناء: باسكال صقر
-----------------------------------------------------------------------------------------------------------------------------
موعدنا ارضك

موعدنا ارضك يا بلدنا
مهما تغرّبنا و بعدنا
مهما الايام
تقسى الايام
على حبك نحنا تواعدنا
الله..الله .. يا بلدنا

يا وطني نحنا احبابك
نحنا احبابك
ما مندبل بالذهب ترابك
نحنا احبابك
علّمنا العالم بكتابك
و حروفك بالنور كتبنا
مهما الايام
تقسى الايام
على حبك نحنا تواعدنا
الله..الله .. يا بلدنا

كلمات: منيـــر عبد النــــور
الحان و غناء: ملحم بركات
------------------------------------------------------------------------------------------------------------------------
يـــــــا ريت بترضي


يا ريت بترضي يا ريت حبيبة قلبي تكونــــي
بعمرلك بعيونــــــي بيت حيطانو ريف جفوني

من البدر العالي عا جبال
بحيّكلك من نورو شال
بطال النجمة الما بتنطال
بعلقها بصدرك قوني

بمشي حدك ليل نهار
إيدي عا خصرك زنّار
ولّي بدو يغار يغار
بيلوموني
يلوموني

كلمات منيـــــر عبد النــور
الحان و غناء ربيع الخولي
-----------------------------------------------------------------------------------------------------
مواويل
غناء: ملحم بركات
كلمات: منير عبد النور

وجهك يا حلو
وجهك يا حلو كل الحلى لو
و عليي غير حُبّك ما حلالو
حبيبي لو طلب روحي حلالو
ما عمري يوم ردتلو طلب

حبيبي رجاع
حبيبي رجاع ناديتك تعالَ
و عليي غير حبّك ما تعالى
انا صليت تا الله تعالى
يجمع شملنا و ننسى العذاب

كانت بالهوى
كانت بالهوى ميلا عا ميلي
وعادت حيّدت عا غير ميلي
تاري امها طلعت عميلي
ما كنتش للحما ضارب حساب

شفت الورد
شفت الورد عا خدودا و عا فاها
غمزتا.. تشكت عليي عفاها
لمن شافها القاضي عفاها
و باسا الف بوسي عا الحساب



من مواضيع العضو :
  رد مع اقتباس
قديم 05-20-2010, 12:32 PM   رقم المشاركة : 4
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Talking العيد تاليف منير عبد النور- الحان و غناء ربيع الخولي

طل العيد

أحلى ليالي العمر، ليلة عيدها
عليها الوف سنين الله يعيدها
و الرب ياخد من حياتي كم سنة
حتى لعمرك يا حياتي يزيدها

طل العيد بعينيكِ
و الاحباب حواليكِ
زينة و فرحة و زغاريد
بيتمنولِك عيد جديد
يا ريت بينعاد العيد
ميات سنين عليكِ

ياما بالعيد تمنيت
اهديكِ قلبي يا ريت
ضيعتو و رجعت لقَيت
قلبي ملك بإيديكِ

كلما طل عليكِ العيد
حواليكِ الفرحة بتزيد
و مهما عنّك كنت بعيد
قلبي بيحملني ليكِ

كلمات منيـــــر عبد النــور
الحان و غناء ربيع الخولي



من مواضيع العضو :
  رد مع اقتباس
قديم 05-20-2010, 12:36 PM   رقم المشاركة : 5
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Lightbulb

عاش مين شافك

يا مسافر و آخد هنا قلبي معك
لو رحت وين ما تروح ليي مرجعك
تبقى ذكرني كل ما هب الهوى
لو وشوشي اسمي ذكرتو بسمعك


من هواك القلب دايب
عن عيوني ليش غايب
عاش مين شافك يا اسمر
عاش مين شاف الحبايب

غايب و تارك حبابك
تشتكي لوعةغيابك
دابت عيوني عا بابك
من هواك القلب دايب
عاش مين شافك يا اسمر
عاش مين شاف الحبايب

يوم يا اول غرامي
ما هجر طيفك منامي
يا هوى وصّل سلامي
و شوق قلبي للحبايب
عاش مين شافك يا اسمر
عاش مين شاف الحبايب


كلمات: منير عبد النور
الحان و غناء: عصام رجي



من مواضيع العضو :
  رد مع اقتباس
قديم 05-20-2010, 12:39 PM   رقم المشاركة : 6
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Cool صابر عصام رجي و منير عبد النور

انا صابر

مهما يطول الزمن عا البعد انا صابر
لولا دفعت الثمن روحي انا صابر
مهما حبيبي غاب لا بد يوم يعود
عوّدتني يا زمن اصبر و انا صابر

أنا صابر... أنا صابر
أنا صابر... أنا صابر
على هجرك على ظلمك
على بعدك انا صابر

انا فيك مشغول
و انت على طول
تنسى العاشقين
و الليل يطول

انا قلبي عليل
و الحب طويل
حرّمني النوم
و الليل طويل

إحنا العاشقين
و بقالنا سنين
حنلاقي إزّاي
زيّنا صابرين

انا ليّا مين
غيرك يا ضنين
بتصدق ليه
لوم اللاّيمين

كلمات: منير عبد النور
الحان و غناء: عصام رجي



من مواضيع العضو :
  رد مع اقتباس
قديم 05-20-2010, 12:42 PM   رقم المشاركة : 7
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Thumbs down جورج وسوف... أحلى ايام العمر

احلى ايام العمر العمر سهر
وكلام الحب قلوبنا
قلوبنا غمر
من كاسك يا حب اسقينا
هني حبايبنا وهنينا

يا قمر يا منور ليالينا
مثلك يا قمرنا ما حبيبي قمر
اه قمر

---

يا حبيبي عيونك سحرونا
لو مهما الناس يلومونا
ما احنا حبينا الحبونا
و
الله تانحب عطانا نظر

يا قمر يا منور ليالينا
مثلك يا قمر ما حبيبي قمر
اه قمر

---

خليتني اسهر ليالي
اتمنى من الرب العالي
يهنيني بحبك يا غالي
و
الله تانحب عطانا نظر
يا قمر يا منور ليالينا
مثلك يا قمر ما حبيبي قمر
اه قمر

احلى ايام العمر
العمر سهر
وكلام الحب قلوبنا
قلوبناغمر
من كاسك يا حب اسقينا
هني حبايبنا وهنينا
يا قمر يا منور ليالينا
مثلك يا قمر ما حبيبي قمر
اه قمر

كلمات: منير عبد النور
الحان : نور الملاح
غناء: جورج وسوف



من مواضيع العضو :
  رد مع اقتباس
قديم 05-20-2010, 12:54 PM   رقم المشاركة : 8
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Smile سيرة حياة منير عبد النور

االشاعر منير عبد النور...

شاعر الاحساس الصادق و الشفافية المطلقة. يكتب بنبضه لا بقلمه، و علامته انه اختار لغة الصوت لا لغة الورق لإيصال فضائه الشعري الى ما بعد حدود السماء.
ولد منير عبد النور في 14 آب عام 1939 في كفرشيما بلدة الادب و الفن. بعد ان نال إجازة في المحاسبة عمل في وزارة البريد و المواصلات. بدأ منذ الطفولة بكتابة الشعر اللبناني التقليدي بمختلف الالوان و الاوزان و الاشكال الشعرية، لينتقل الى كتابة شعر الاغنية دون التخلي عن تمسكه بلهجته اللبنانية التي كان يفتخر بها افتخاره بهويته و انتمائه الى الجذور. تعاون مع الكثير من مبدعي الوطن امثال الموسيقار ملحم بركات الذي لحن وغنا من كلماته اشهر الاغاني و على سبيل المثال لا الحصر: ( يا حبي اللي غاب، بعيدك يل إنتِ العيد، ولا مرة كنا سوا...) و غنا و لحن من كلماته ايضاً الفنان عصام رجي (عاش مين شافك يا اسمر، يالولو اللون الازرق، انا صابر، آه يا بلدنا...) و غنا من كلماته ايضاً ربيع الخولي ( يا ريت بترضي يا ريت،طل العيد بعينيكِ، نوّر علينا يا قمر...)و غنت له نجوى كرم: يا اضحى التضحية، مشي معي، و اغنية يا حبايب الحان نور الملاح الذي تعاون معه باعمال كثيرة كأغنية جورج وسوف ( أحلى ايام العمر) و غنا له غسان صليبا اغنية من الحان ملحم بركات بعنوان" القمر لو غاب"...
اشتهر الشاعر منير عبد النور بولعه بالصيد حيث كتب معظم ابداعاته، و كان لوفاة زوجته "غابي" التي انجب منها اربعة اولاد، أثراً نفسياً سيئاً على حياته، فلم يعوّض عن غيابها اي احد، و تناولت كثير من قصائده قضية العذاب بعد غياب الحبيب و شوق اللقاء به في المقلب الثاني للحياة و كان له ما اراد، رحل الشاعر في 11 شباط عام 2002 تاركاً ورائه اروع الاغاني التي ما زالت تتردد عبر اثير جميع وسائل الاعلام المرئية منها و المسموعة في لبنان و الوطن العربي...

نتاجه الفكري:
هنا بعض الاغاني التي ألفها منير عبد النور
غناء و الحان عصام رجي: يا لولو اللون الازرق، ضوي يا قمر، عاش مين شافك،انا صابر..
غناء و الحان ملحم بركات: يا حبي اللي غاب، بعيدك يل إنت العيد، موعدنا ارضك يا بلدنا، ولا مرة...
غناء و الحان ربيع الخولي: يا ريت بترضي يا ريت، نوّر علينا يا قمر، بعدا بقلبي عيونِك بعدا، طل العيد بعينيكِ..
غناء فريال كريم الحان ملحم بركات:دير بالك لحماتك دير..
غناء غسان صليبا الحان ملحم بركات:شو هم القمر لو غاب..
غناء باسكال صقر الحان ملحم بركات:بتشكيلي عا مين..
غناء نجوى كرم الحان نور الملاح:يا حبايب..
البوم كامل للاطفال من غناء الشحرورة صباح و الحان سمير قبطي.

و الكثير الكثير كتب في كتابه "كرمال عينيك"ِ



من مواضيع العضو :
  رد مع اقتباس
قديم 05-20-2010, 01:00 PM   رقم المشاركة : 9
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Thumbs down كرما عينيكِ

كرمال عينيكِ كتب الحب
كرمال عينيكِ كتب المجد
كرمال عينيكِ كتب الصلا عا دروب السما
لأنَّ عينيكِ القمر و العيد
و بكل ابياتو بيت القصيد
عينيكِ بتبقى هويّة و عنوان و الدّفا و النّور لشاعر من لبنان
منير عبد النور

كتاب كرمال عينيكِ للشاعر منير عبد النور بيتضمّن باقة من قصايد الغزل و القصايد الوطنيّة و الوجدانيّة العميقة و السهلة، المنحوتة بليونة و سلاسة و المفعمة بالحب و بقطر الندى و مطرّزة بالعنفوان. و بيتضمّن ايضاً مجموعة من الاغنيات اللي لبست أجمل الالحان و تغنّت بأصوات مبدعين من لبنان. كرمال عينيكِ هوّي نور على بستان من زهور زرعو الشاعر منير عبد النور تتقطفو عيون العشاق و أحلام الابطال و أصوات نجوم كانت و بعدا و رح تبقى بالبال.
كتاب كرمال عينيكِ للشاعر الراحل منير عبد النور شاعر "يا حبي اللي غاب" و "موعدنا أرضك يا بلدنا" و " بعيدِك يل إنتِ العيد" و "ولا مرة كنّا سوا" و "عاش مين شافك يا أسمر" و "يا ريت بترضي يا ريت" .... هوّي هويّة للشعر اللبناني و كنز و تراث للاجيال الجايي



من مواضيع العضو :
آخر تعديل بواسطة زينة يوسف حداد بتاريخ 05-20-2010 الساعة 01:12 PM .
  رد مع اقتباس
قديم 05-20-2010, 01:04 PM   رقم المشاركة : 10
زينة يوسف حداد
عـضو جـديد

زينة يوسف حداد
 
الصورة الرمزية زينة يوسف حداد






زينة يوسف حداد غير متواجد حالياً

زينة يوسف حداد will become famous soon enough


Thumbs down نجوى كرم

يا اضحى التضحية لبنان عيدو
اعتمدها من قديمو و من جديدو
بعد ما العلم بالعالم نشرنـــــــا
اكتوينا بنار عالمنــــــا و حديدو

إخوي بالشرق الله خلقنا
و قال الدين عنّو لا تحيـــــدو
محمد كسّر بسيفو صنمنا
انصلب يسوع تيخلص عبيدو

كانو الناس يتغنّو بجبلنا
صارو النار عا نــــارو يزيدو
يا رب الكايني خلّص وطنا
متل ما ملاكك بعتـــو لحتـــى
النبي ابراهيم خلصلو وحيدو


كلمات: منير عبد النور
غناء : نجوى كرم


من مواضيع العضو :
آخر تعديل بواسطة زينة يوسف حداد بتاريخ 05-20-2010 الساعة 01:17 PM .
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

RSS2 XML
الساعة الآن 12:53 PM.


Powered by vBulletin V3.7.2. Copyright ©2000 - 2014

Search Engine Optimization by vBSEO 3.6.0 RC 2