ابوذيات لعيونكم !!!!!!!
للإشتراك بليالي لبنان على الفيس بوك
لبنان
قديم 07-24-2010, 04:29 PM   رقم المشاركة : 1

برشلوني الى الابد
 
الصورة الرمزية برشلوني الى الابد






برشلوني الى الابد غير متواجد حالياً

برشلوني الى الابد will become famous soon enough


افتراضي ابوذيات لعيونكم !!!!!!!

الــسلام عــليكم ورحــمة اللــه وبــركاتــه


هــذه بــعض الأبــوذيات الــعراقيــه جــمعتها لــكم ، واتمنى أن تــنال إعــجابــكم ...


,,,,*

حلو طعم الحزن لاجلك والاكدار...(المكدرات)
بس ال كربـــلا دمـعي ولك در...(صب دمـعي)
ِبگلبي ما بقى مـسكن ولك دار...(لك بيــت)
أسيْر اعليه صرت صبح ومسيّــة
,,,,*


هذه الابوذية للشاعر الكبير سعد محمدالحسن البهادلي
صبابة اللك وحدك نصبها
محاجيك عسل عالمر نصبها
الكلب كم سيطرة بروحي نصبها
غيرك مايمر لومو هوية
,,,,*


عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
,,,,*



جنت وباك واحد منتقسم
راضي بحصتي منك من تقسم
عرفت شلون تغدر من تقي السم
من حلك الافاعي وجبتة لية
,,,,*



اسف بغداد من عالي هويتي
حره شلون للغاصب هويتي
على اسوارج غرب شگو هويتي
شلت طينچ صفه بجيبي هويه

الشاعر رعد الفياض
,,,,*


عال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه

الشاعر رعد الفياض
,,,,*


احوك بثوب حسنك وانسجنه
بجهنم حبك ارضهووانسه جنه
انحبسنه بقفص عينك وانسجنه
وتحط رمشك كلبجات باديه
,,,,*


يروحي بطلي المعاشر وعودي
سباني ونحل عضامي وعودي
انا الما خنت مره وعودي
عجب ليش الحبيب ايخون بيه
,,,,*



طب الما شفة جرحي ... ومرهم
عفة كلبي الحمل مري .. ومرهم
انة حالف ما اصل ليهم .. ومرهم
تعاندني روحي وتزل علية
,,,,*
الطبع بيه الخيانه هم اخونه ؟
مهي حسره بدليلي هم اخ ونه
صديقي وهم حبيبي وهم اخونه
لگيته بزادي حط سموم حيـه
,,,,*




على خدي نزل دمعي ونشفه
دحط ايدك على كلبي وانا اشفه
اذا منك تجي شفه وانا شفه
نموت اثنينه بالحب سويه
,,,,*



ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
,,,,*



غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه...
,,,,*



مجنون وهواك النوب جني
وشياطين العشك ركاض جني
مو جني ركبني 100 جني
قفلت ولا رهم مفتاح اليه
,,,,*




وحگ حيدر شديدالعزم ولياس
زرعت ادروبكم بلورد ولياس
منكم ما گطعت الوفه ولياس
اعزاز وتصعب الفركه عليه
,,,,*



يناهي تكول احبنك ونحباك
عداوة وحقد تضمرلي ونحباك
المن ياكلب ونك ونحباك
وطلع حته التحبه بثوب حيه
,,,,*



انا الواضح والمبين ولا خاف
انا المرجفن جتافي ولا خاف
واني المنقص وزني والاخف
ختفيت وخفت خف وزني العلية
,,,,*



ايام العسر الله كفاك شرهن
واناايامي على العاگول شرهن
رهنت بيتي وجهالي بعد شرهن
ولكيتك ضدي متراهن عليه
,,,,*



أهموم هواية بينة ونتهمنة
يمن بيك أنتخينة ونتههمنة
أشو انوب أنذبحنة ونتهمنة
بذبحنة تعبت أجفوف المنية

للشاعر عباس الكناني
,,,,*



زادي للمعذب الروح سمن
جروحك بالگلب يهواي سمن
سمي من يحبك غيري سم من
اليحبوك كلهم فدوة لية
,,,,*



احبكم اكثر من الكون وانسـة
وعندي الموت اذا يرضيك ونسة
ما فارك ابد ذكـــراك وانسة
والك روحي اقدمهه هديــــة
,,,,*



طحت والكلت مدايده....جريده
وصرت من النخل جني.....جريده
حبيبي اذا ايحب يقره ....جريده
الجريده اتكوم تقراله القضية
,,,,*




احبك وشتهي رسمك وعيناك
جنت وسط العشق غافي وعيناك
عيون الناس تسحرني وعيناك
تراويني القهر والضيم هيه
,,,,*




وحك من خلص من الحوت يونس-(نبي الله يونس عليه السلام)
لعبهم بالملاعب دوم يونس -(يونـّس من الوناسه)
اذا ينفرد ويه الكول يونس -(يونس محمود)
تصيح ادخيل منه الكولجيه
,,,,*




يهل تمشي بحينه ورده ورده
واريد اشتم وجنتك ورده ورده
عمي تره عطشان قلبي ورده ورده
الحگلي بالوصل قبل المنيه
,,,,*




حبيبي الضگت حلوه .... منسه مره
ويگلولي اترك وانسه .... منسه مره
يكل همي اللفاني .... من سامره
سكنت البصره من غصبا عليه
,,,,*




عليك اتلفت حالي ومالي
وكتاب مالف بحبك ومالي
كالو حبيبك رحل لجيبوتي ومالي
كلت لو صاير فحم رجعوه الية
,,,,*




أصبحت شرياني يلغالي دمنتة
وحك حيدر علي حبك دمنتة
وماأنساك أنالحضة ودمنتة
عيوني ثنينهن ونتة الهوية
,,,,*



جنت يمي يخايب وين غطيت
وانه ياما بشتاك شكثر غطيت
انه بحرك غصت يالغالي غطيت
انه الغركان ما تلحك عليه
,,,,*




أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
,,,,*




اختلف شاب مع ابيه وكانا يعيشان سويا في بستان صغير 00رحل الشاب عن ابيه 00وبعد فترة من الزمن جاء موسم التمر 00فانتظر الشاب من ابيه التمر ولكن 000؟؟؟ مر به رجل من قرية ابيه فاوصاه الشاب ان يحمل هذا البيت الابوذية الى ابيه0000000000000

رابين
ولا جنه بهذيج الدار رابين
وتظل اعيونه اعلى الدرب رابين
لون ضحكه الي وي اسحاق رابين
جا وده التمر بسلال اليه

جاء الرجل حاملا الرساله الى الاب 00000 فقال له الاب اذا عدت اعطه هذا البيت ابو ذيه 000000000؟؟؟
بارك
نسيت الي بهذاك العسر باراك
وربك لليبر الابو باراك
لون ضحكه الي وي هود باراك
جا مر بالشهر مرتين بيه
,,,,*



يدنيه بهمي وبشكواي حسي
وعن وجهي غبار الضيم حسي
اريد اصرخ واصيح بعلو حسي
لمن انتي تحسين يادنياي بيه

,,,,*




يصاحب من تعاشر دوم يربه
سمعت بالذيب وية الشاة يربه
ولا تربط صحيحة حول يربه
خوفي على الصحيحة تنجرب هية
,,,,*




عيونه عيون خلن گلبي محتار
وعگلي من هواه وحبه محتار
بنص كانون احسن انه محتر
من نار الهوه الخلاهه بيه
,,,,*




سفينة نوح موطنة وقارب
جمع مابين اصحاب اواقارب
ترة محفوض موطنة اوقارب
العرش صبح اومسية
,,,,*




عند تفجير قبة الامام علي الهادي كتبت هذه الابوذيه
ودينـــه
ماهو منا الباع اصله وديـــنه
واني استنكر هذا العمل وادينه
القبه نبنيها بأرواحنه وديـنه
وتضل قبتك عاليه وضويه
,,,,*




تجل الناس ياصاحب تجلاك
تجي للناس ياصاحب تجي ليك
تجلي الناس ياصاحب تجليك
على نار وتحمص بيك هيه
,,,,*




الزمان اشكال لبن ادم يراوي
اخذمني قصص وكتب يراوي
انة الربيتهم طلعو يراوي
كبرو وتعلمو عضات بية
,,,,*




حبيبي لاتشد راسك سلامات
وصني خبر عن صحتك سلامات
الف مكتوب اوديلك سلامات
مشافة ولمرض يندار بية
,,,,*




اتعارك ياترف لاجلك و طك طك
اوللحساد حرمل احنه ن طك طك
وتراني افرح من تمرني وا طك طك
اصبعتين من تنشد عليه
,,,,*


على دهري چنت آمر وگوده
ولناره اصبحت هسه وگوده
چنت بيدي الزم الجاهل وگوده
وهسه ايگودني الجاهل بديه
,,,,*


جمعلة اچم فلس بيها تراها
أعمه الگلب بس عينه تراها
ثروه بدون طيب وحب تراها
مذله وفگر واجيب الأذيه
,,,,*



طحت ولاحيل بية انهض ولاگوم
ولاخوان وگفولي ولا گوم
ولاني صلح وي دنياي ولا گوم
اراضيهة وترد تزعل علية
,,,,*


من مواضيع العضو :
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

RSS2 XML
الساعة الآن 10:13 PM.


Powered by vBulletin V3.7.2. Copyright ©2000 - 2014

Search Engine Optimization by vBSEO 3.6.0 RC 2