الطريف والمحرج!!!!

تحياتي للجميع ودي أخلي الموضوع اليوم علي لوتسمحون لي , وأرجوا منكم المشاركه وعن التطنز
ايش رأيكم لو كل واحد يفكر في موقف طريف حصل معاه وآخر محرج يشركنا فيه ؟
بأبتدي بنفسي مع الموقف الطريف , أخوكم لطفي يشتغل بالمطار ( أي خدمه ) في يوم من الايام جاني أحد الاصحاب وقاللي لطفي تكفى ابغاك تساعدني ولد خالتي مسافر لندن يدرس هناك ومعاه شوية عفش زايد كله كتب فرحت معاه على الكاونتر أوصي عليه الشباب , عرفني على قريبه بعد السلام فقلتله قريبك ايش يدرس في لندن ؟ قال طب بيطري . هنا اشتغل لساني الحلو وقلتله اش عليك بكره يتخرج ويصير علاجك مع هلك عنده ببلاش , قال لا والله صدقني انا احنا مانروح الا المستوصف اللي بفلوس
والموقف المحرج هو اني مره كنت معزوم على عرس وفيه عندنا فندق وصالة أفراح بنفس الاسم , أنا بصراحه ماتأكدت من مكان العرس لأني متوقعه في الفندق , المهم كشخت وعلى الفندق أأدي الواجب , بعد مادخلت مكان الحفل وهو صاله مستطيله في نهايتها يجلس المعرس وأهله وأهل العروس بالطبع والمعازيم في هالصاله على الكراسي يمين وشمال لازم تمر من بينهم , درعمت عليهم وقلت للحضور وأنا ماشي السلام عليكم وأكمل طريقي للمعرس وأنا بصراحه النظر عندي لكم عليه شوي المهم يوم أقرب للمعرس الا مهوب خويي ولا أعرف حد من اللي مرتزين جنبه ولا أقدر أرجع وانقلب لون وجهي أحمر على أصفر وأكمل طريقي للمعرس واللي جالسين معاه واطيح فيهم تبوس ومبروك مبروك والله يتمم بخير وأنا حالتي مايعلم فيها الا الله , وخلصت منهم وينك يالباب سامحوني على الاطاله وان بغيتوا زياده ترى فيه.

يسلمووو لطفي بصراحه هذه المواقف إللي صارت معك بصراحه محرجه مرررررررررررره ... يعني تطلع من
حفره وتطب في أختها ... والحين جا دروي ..
أنا ياحبيبي أخس منك في الأحراج يعني ورطه قويه وأحراج مرررررررررررررررره ... خذ الهرجه ...
أخوك في الله بغى يخطب ونوى على قولهم على تطليق حياة العزابه ... كلمت الوالد وقلت لها نبي نتزوج وأنبسطت وقالت محلاها من هرجه وقام أخوك في الله ودلهم على البيت إللي يبي يخطب بنت الحلال منه وراحت الوالده عندهم وعندي الوالده كبيره في السن طول الله عمرها ..آآآآمين... المهم وموصي على البنيه وحده في بالي وراحت على قولهم تشوفها وتتعرف على العائلة وقامت لخبطة في الأسم وماتذكرته وشافتلي أختها الكبيره وأنا على باللي حبيبة القلب وبعد مارجعت قلت وشلون شفتي القمر قالت ماشأالله تبارك الله الصلاة على النبي ... المهم وبعد ما مرت الهرجه ووافقوا على الموضوع أخوك في الله راح مع الخال وواحد من أخواني على قولهم نشوف النظره الشرعية ومدري ولا هذه أختها الكبيره ولا أنا كني على هاويه مدري وش أقول أبوها موجوود والبنت ولا وبعد يقول أبوها وش رايك تراها بنت متعلمه وفاهمه ... عاد أنا رديت في قلبي حسبنا الله ونعم الوكيل يايمه وش ذا اللي سويتيه ... وبعدين رجعنا البيت وهاتك هواش مع الوالده والخال ... بس الحمد لله رب العالمين أنحلت المشكله .. وصار النصيب وتمت الخطبه من حبيبة الروح ...
بس وش رايك مو موقف محرج يعني حفره قوييييييييييييييييييييييه ...
يسلمووو حبيب قلبي على هالموضوع الجميل وإللي يخلي الواحد يفضفض عن إللي مر فيه ..
أخوك المحب سكريمووو.

صحيح احراج ياسكريمووو والحمدلله اللي نجاك منه بس باقي الموقف الطريف ياحلو...تسلملي.

والله ما اذكر بصراااااااحه

بس موقف اذا تبي موقف يقث اقولك