صورة طبق الاصل للبنت النكدية

من غير صباح ولا مسا
اه ايوه ....... من غير صباح ولا مسا اهو نكد بنكد
اشمعنى انا المتنكد عليه بس انا والغلبان المسكين اللى جنبى
ما انكد عليكوا انتوا كمان
عايزيين تعرفوا ليه .. اقولكوا انا ليه
عشان الستات الحلوين القطاقيط واللى احنا يا شباب ياغلبان
نعكسهم الاول
، بعدين نتعرف
، بعدين نحبهم
، بعدين نتقدملهم
بعدين نتجوزهم *تلك هى المراحل بعد الزواج
واااااااااااااااااااااااااااااااااه على نتجوزهم قمة فى الاثارة والمتعه النكديه
فتكتشف عزيزى الشاب انك فى معمل لابتكار احسن اساليب النكد العالميه
ولا يقلق الشاب من حقوق براءة الاختراع فلكل زوجه شهادة معترف بها من جميع الازواج
مش مصدقنى طب تعالوا وشوفوا الخيبه اللى حصلت لصديقى سعيد ....هه ال سعيد ال
فى المنزل سعيد يمشى على اطراف اظافره وليس اصابعه حتى لا يوقظ سعاد ..هه ولكن هيات استيقظت سعاد
سعاد : اممممممم ايه الدوشه ديه
سعيد : دوشه ايه يا حببتى مفيش حاجه ده انا ..
بعصبيه ترد سعاد
سعاد : ايه خلاص انت حتكيلى قصة حياتك يللا اخلص
سعيد : حاضر يا نور عيونى .. بس هو القميص فين
وانقلب البيت حريقه
فاذا بسعاد تتحول من تحت غطائها وتظهر براكين الغضب
كيف يتجرأ هذا الزوج المغفل ان يسأل سؤال كهذا لزوجة مازالت تستيقظ من نومها
هل انخدعت فيه سعاد الى تلك الدرجه
وبعصبيه اشد ونار الغضب بوجها
سعاد : انت بتقول ااااااااااااااااااااايه قميص اااااااااااااايه على الصبح كده .. هو انا الخدااامه بتعتك ولا اللى مامى
اشترتهالك لااااااااااااء اصحا لنفسك وفوق ، ما تلبس اى زفت
سعيد : ليه كل ده يحرق القميص على عايز يلبسوا
ونزل الغلبان المسكين بتيشرت كروهات وبنطلون جينز معفن وراح بيه الشغل
واهوه قاعد متلقح جانبى
ويبكى على حظه العاسر الذى اوقعه فى هذا المزنق والمأزق ولا يدرى المسكين مالذى سوف يفعله
عند ذهابه للبيت
والبقاء لله
وسلام بقه عشان انا مش قادر امسك نفسى من العياط على الفقيد الجالس والمتلقح امامى
ملحوظه :- صديقى له وصيه قبل قتله هو الغاء كل القمصان الموجوده فى العالم
وقد قال تلك الوصيه وهو فى حالة هزيان وتخلف عقلى



عجبتني قمت بنقلها للتعرف على؟؟؟؟؟؟؟؟؟؟؟؟؟؟؟؟؟