ما عاد يهمني

ما عاد يهمني

الخيـر اللي يجي مـن صوبك مـا أباه

مـا يـشـدني مـثلك لـو عـجـبني حـلاه

قـلبك يـومه ظلمني مـا لـزمني هـواه

شخصك عشقـته ومــا نفعني غـــلاه

خـل قـلبـك مـــعـاك لان قلـبي نسـاه

ماني مــــلزوم اكـمل اللعبه معـــــاه

هـذا اختياري وما عاد يهمني رضاه

دور انسان غــيري واتـرجي عـطاه

لا تستميل القــلب ولا تليــن هـــواه

حبــك نسيته وصرت اعـيش ذكراه
خـلك مـثل مـا انـت وخلني في حالي

وعــزتي يــا بـنـت هي راس مـــالي

لا انـا احتاج لك ولا انـت علي والـي

وبعـدك زال همي واحـس ارتاح بالي

وامـشي رافع راسي بكل فـخر عـالي

واللي يــــفكر يـذلني ادوســه بــنعالي

وان قال : احـبك بقول : وانا مـــــالي

انا ودعـت المـشاعر صرت في حالي

لا تـدعي للنـاس بـأنـك كنت غـــــالي

فـــرق الله بـيـن آمـالك وآمــــالـــــــي