الجزء الثانى من فشـر فى فشـر..

عاشق أسكندرية · 04-09-2007, 12:41 AM

زماااااااااااااااان لما كنت لسه كبير ومش عارف حاجة ماما قدمتلى فى حضانة علشان اعمل هناك دراسات عليا فى علم الذرة المهم كنت بروح الحضانة دى كل يوم واركب الديناصور الكاديلاك اللى بابا جايبهولى وامشى بقى بين الغابات والجبال والادغال والمستنقعات لحد ما اوصل الحضانة اللى فى كهف موجود فى مدينة نصر جمب اسكندرية كدة
المشوار كان بيبقى طويل بس الديناصور بتاعى كان فية سرعات كتير اووووووووووووى وكان بيوصلنى تقريبا فى خمسين سنة ضوئية المهم

قوم ايه
قوم انا بقى وانا على كوكب المريخ لقيت مخلوق غريب كدة شبة المهلبية بيقولى انت شكلك مش من هنا قلتله اة انا من هناك قالى بجد دا انا نفسى اروح ازور هناك دى اوووووووووووووى ممكن لو سمحت ابوس اديك توصيفهالى قلتله حاضر هيا خضرا وبفيونكة قالى اةةةةةةةةةةةة تبقى حزمة جرجير

قوم اية
ماما قالتلى روح هات جبنة تلاجة من عند عم مخيمر اللى فى اول البلد وانا ماشي قابلت بقرة عماله تجرى فى التراك بتاع النادى ولابسة ترنج الالعاب بتاعها قلتلها ازيك قالتلى هاى ازيك هاو ار يووووووووو؟ قلتلها ايم فين سانك يووو !!!! بس ايه الحلاوة دى انتى خسيتى اوى قالتلى اة منا باجى النادى كل يوم بعد الضهر بعد لما اخلص شغل قلتلها بجد انتى بتشتغلى قالتلى اة انا بلف فى الساقية كل يوم من تسعة لحد اتنين بعد الضهر

قوم ايه
المدرسة واحنا فى الفصل كنا متضايقين منها علشان هيا رخمة قلنا طيب نقعد نزهقها شوية لحد لما المدرسة قعدت تعيط قمت بقول بصوت واطى كدة امسحى دموعك يا امال .... اتاريها سمعتنى والمفاجاة انها كان اسمها امال بس انا مكنتش فاكرة وودتنى عند المديرة علشان تعملى انا واصحابى وعملولنا انذاااااار.