احديثات الديره

نرد لمغازل الحلوات
وحديثات ديرتنه
نرد نكتب على الحيطان
جلمات الموده وطيب فرحتنه

نرد نرسم على الجفين
كلبين وعذاب سنين عشرتنه
نرد نكتب قصايد شوك
ونغني المحبتنه
نرد نتواعد بنص ليل
ونسولف بهيده ونخفي ضحجتنه
اجت تضوي ويرن خلخاله من بعيد
كلنه اهلن وسهلا بيه من جتنه
اجتنه مسيره الحليوه
وحلت وياهه كعدتنه
اجت كعدت بصفي
وكالت شلونك ينور العين
كلتله يحلوه وداعتج
مرتاح كلش زين
ضحكت والشعر
خيم على الخدين
مديت ايدي سكته ارفع
شعرهه وانثر الزلفين
لن ايدي الوكيحه
افلتت مدري وين
كالت ها يمنذر لعبت
الحكه ونويت الشين
اشوفك كمت تلعب
على الحبلين
كتله يحلوه العذر لله وليج
مو كلبي انفطر نصين
لو جاتل جتل جا هم
وفيت الدين
يحلوه اليشوفج
ينسه اصله منين
يحلوه النفس كلش دنيه
وتنسه شرع الدين
ارحمي بحال عاشك
هام صار له سنين
يحلوه العشك
موبس خزر بالعين
خليها المحبه
تصير خد وعين
شويه نصافح الجفين
شويه نشابك الجتفين
الثالث يحلوه الساتر الله منين
خلي نصير واحد ما نصير اثنين
كالت لا يمنذر مو عشك هذا
واشوف بنيتك سوده
ردت عشرة صدك وياك
مو رغبه وضحك موده
يمنذر طلبتك شينه
وعليك بزعل مردوده
ولو شبجك عليه ألتاف
وبايديك طحت ياحيف مصيوده
لاجن ريم الجفل مهيوب
يتعله على صايوده
اعله كيفج بهده اسمعيني
شكلت انه وعليه اصبحت باروده
كفرت بنعمتي وهجيت
وتكولين منكوده
يبت الناس حجي وياج
ماعده وجزه حدوده
يبت الناس خل نشوف
منهو الخالف وعوده
يبت الناس مو كلتي شحلات العمر
لو كظيته يمك دوم ممدوده
والك حسن الختام ايصير
تنثر هل شعر وتمشط اجعوده
يبت الناس مو كلتي الك مسموح
من فوك الخصر ولصدر( ونهوده)
بس لاتكرب الميدان
بيبانه تراهه بقفل مسدوده
هذا انه وهذيج انتي وهذوله الناس
كله بصفته موجوده
لابايك ولاسايك
ولا ريدن طلبتي منج إعنوده
اريدنهه برضاج ومن كلب ولسان
لو ماهيه مريوده
عكب ما حنت لحجي
اجتني الحلوه مهدوده
تسامرنه وتشابكنه
لمن طر الفجر والشمس شاهوده

مشكوووووور أخي يسلموا ايديك
والله لا يحرمنا من جديد
لا عدمناك يا الغالي