أعذب انفاسك من قصاصاتي

يا حبيبي لهفتك ضميتها
في عيوني وانت وسط الروح زاد

وأعذب أنفاسك أنا كنيتها
داخل ضلوعي وجالت في الفؤاد

والمحبة لك أبد ما اخفيتها
يالعزيز اللي لقا قلبك مراد

وروحي اللي من هواك أسقيتها
وحبك اللي وسط قلبي اليوم ساد


وعيني اللي من غلاك اعطيتها
شيء خلا شوف كل الناس باد


والهموم بجيتك أنهيتها
والمشاعر لا لمحتك في ازدياد


والتعاسة ما تعدى بيتها
في حضورك تلبس اثياب الحداد


ماتت الاشواق وانت أحييتها
من فضل رب الخلايق والعباد

لك مكانة ذاع فيني صيتها
والخفوق أعطاك في الحب اعتماد

دعوتك جتني وأنا لبيتها
ما تاخر عنك يا كل الوداد

لك سيولة حب ما عديتها
أكثر من اللي تسطر بالمداد

أنت أرباحي اللي أحصيتها
كثر ربح أهل المصافي والبلاد


لو تطيح اسهك ما خليتها
بانتظر من قلبك الوافي ارتداد