انتحار قلم راجل عجوز..صوره شعريه ....

محمودالنجدى · 06-03-2007, 12:17 PM

انتحار قلم راجل عجوز..صوره شعريه

في ركن هادي في قهوه مصر
راجل عجوز قاعد بيكتب بعد العصر
بيمني نفسه ...بقوس النصر
في طاوله قرب منه "
حبيب وحبيبته بتقول له ايه
امبارح جاني عريس من الامارات
في ايده مفتاح شقه
في اجمل العمارات
وزفتي وعرسي هتكون
في احلي القاعات
واركب كمان احلي السيارات
ارتاح بقي من فعصه الاوتوبيسات
همس الجدع من حسرته
قال لها والحب
قالت بقالنا سنين..وسنين بنحب
ما انصلح الحال ولا سكنا ..جب
دوبنا اوراق..باعها بتاع اللب
ما اتحققت احلام ولا قدرنا نشب
العمر بيعدي امتي راح اصبح ام
مش عايزه ابني يشيل الهم
صرخ الحبيب للعجوز اشهد ياعم
الموت مش اهون بطلقه او بسفه سم
سكت العجوز ماقدر ......ينطق
حتي القلم بص له وقال له "
بقالي سنين وايام وياك
باطيعك واكتب كلامك
لاحد قرا حروفك ولاحد طايق يشوفك
يا خساره الاوراق والكلام
اديك بتكتب والسلام
بكي العجوز واتخنق من الويل
قام يمشي علي كوبري قصر النيل
لقي الحبيب رمي نفسه انتحر في قلب النيل
نط القلم..وانكسر ....وراح انتحر...انتحر...