عراقي انا

امبراطور الرومانسية · 06-20-2007, 01:47 AM

احلى شي اببغداد لمن يصير غروب فوق الجسر تمشي انته والمحبوب .. ودجله تحظنك حضن وتحس العمر مافات وشكد حلوه لمت هلك وياهم تتعشى بالأعظمية ... ولو تجي وتفتر بعد وتدخل على المنصور ...طيبة وحنان وعشق واحلى طيور ... والعيد عدنه حلو الله ياعيدي .يلله....خلي نقارن سوه !! وايدك تضل بيدي ايفل وبرجه..ومكه مول واهله واهل لندن وكل تكساس . يرحون فدوه ونذر لشارع ابو نؤاس بغداد...
هليلة تمنيتج تمريلي بغداد يا جرح القلب وينج درجعليلي
حنيت لترابــج انا

طلعت منك ياعراق وماعاد يلفيني بيت افكر وا كول ليش ياربي اني شسويت حياة كريمه لهذا الوطن كل الي تمنيت و هسه على بعدك حته الثواني عديت المن اشتكي المن ياربي بس الك شكيت و على كلمة الغربه اني شكد بجيت وللمة هلي وناسي ولشارعنه اني حنيت وحدي بهاي الغربه اني واشعاري ظليت اعيش بكابوس البعد عنك والى هسه ماصحيت اريد اصحه وارجعلك واكول بحضنك تدفيت شكد كلام حلو و قصايد شعر قريت بس مثل كلمة الله اكبرعلى علمك مالكيت

صورني بالكامره .. و ركز على جروحي تلكى العراق الحلو ساكن وسط روحي .. لا تشوفني ابتسم اني الرمح بيه مشتاك يا صاحبي لكل ام عراقيه .. صورني بالكامره صورني قبل لا موت .. واذا متت يا صاحبي شغل هالكامره على التابوت اني احب دجله الوفي و من الفرات اشرب و ارتاح يا صاحبي من شوفته .. فدوه اني اروحلة

بغداد تسأل وين راحو اهلي وناسي بغداد تبجي وتنوح ليش عافوني اني الي حضنتهم وبحضاني نامو وتربو هذي جزاتي ناس اتروح عني وناس تجرحني وتفجر تراثي فجروا ابو جعفر المنصور والجسريومية انجرح والجرح ميطيب اني بغداد الي جنت شمعة واليوم يسموني عاصمة الاموات ليش هيج عفتوني ورحتو عني تركتوني اعاني والله مشتاقتلكم اريد احضنكم وارجع الام الي متنام بس اذا اطفالها بحضنهة ينامون تسهر على راحتهم ليش احبابي تركتوني ورحتو عني والله ابجي والدمع مينشف من عيني اريد اشوفكم احضنكم كلكم ابنائي يا ابنائي انجمعو وصيروا ايد وحدة وشوفوا اشون نرجع مثل قبل نرجع السني شجرة والشيعي نفس الي تتنفسة النبتة تركتوني ورحتوا عني خليتوا الاغراب في بيتي واهل البيت راحو عني مو غيركم انتوا اللي اتطيبوني والله مشتاقة لكعداتكم باـكريعات مشتاقة اتسبحون بنهر دجلة مشتاقة لضحكتكم وونستكم والله يمل اشوفكم تفرحون وتضحكون فرحتي وياكم رجعوا احبابي

يا اغله من ألروح يا أعظمية .. يل تسكن بهل عين و بالجفن هيه .. انتِ درع بغداد و ألطارمية .. صليخ و فضل وياج و ألعامرية .. و بشارع حيفا تطير صكور و بألغزالية .. و ألدوره ظهر بغداد و أليسند الظهر هم اعظمية...

عــراقــيــة عراقية وتاخذني بسرعة الحميةعراقية والدم يغلي بية يتفجر مثل الشظية ويطلع من عروك ايدية عراقية بطيبة ,,,,* حلاويه
بعزة نفس بغدادية بشهامة وغيرة طبع اجنوبية عراقية وابلادي بغلاوة امي وابوية ولو مر اسمك ياعراقي ماادري شيصير بية يابغداد..يالروح والرية..يابغداد ياخية يا بنت الخير والعامرية..احسن بيج وتحسين بية وادري بروحج شلون منهم مجوية كسروا ايديج بس ظلت هامتج عالية وبهية وهسة انكسر خاطرهم عليج يالشامخة الابية لا..ابد والله مو انتي ..همه الي خطية كوم ياابن بلادي وعلمهم التضحية شنية عراقية ونذرت الروح للوطن هدية وبعيوني المدمية احرسك ياعراق الحرية عراقيه وعلمتني امي الغالية شلون ازرع الحنية واخلي نخيلي العالية فخر الية عراقية ..الكرم والجود يتوسم بية والصبر وشم محفور بية عراقية ولو كل مادار الزمن اتضل اخلاقي هيه هية عراقية كردية اشورية سنية وشيعية ومااعرف شنو معني الفرقة الوهمية العقيدة علي حب الله ومحمد وعلي مبنية ولو شال الدهر خناجرة و سيوفة علية اضل عراقية ومااحني الركبة الا لرب البشري

مشتاك انا لبـــغـــداد