عوفيني دربي صعب

همس العيون · 06-22-2007, 11:38 AM

تعبان من الوكت ..
وتعبان من روحي ..
والصخر يبجي ويون
لويحمل اجروحي
تعبان قلبي خلص ..
وماضل بعد بالعمر..بس ونتي ..ونوحي.
عوفيني دربي صعب ..
خايف يجيسج تعب .. عوفيني وروحي..
هية؟ شتريد اعوفك تظن؟؟
واكدر على غيابك ..؟
موروحي شجرة صبر..
وانزرعت ابابك..
وانظر كضاني القهر ..
وصبرت كوه القلب..
يتحمل اصوابك..
مية الف موتة متت..
لاتعتباعله القلب..
دمرني اعـتابك..
هو/ خليني وحدي احترك..
وخل ناري بيَ تشب..
وبضيمي اريد ابتلي..
ولوحدي امشي الدرب..
مالج ذنب بالجره..
يم وكتي كل الذنب..
هو الاخذ فرحتي..
وبناره جوه القلب..
نادم انا اعله الوكت..
ونادم على اللي صار..
اشوازاني وانة ابنفط واتكبرت للنار..
هية / اشلون اعوف المضى وياهو الينسيني..
ولا انة ارضى البعد ولا رحي تنطيني..
حسبالي توفي صدك وبحبك توافيني..
اشمدريني بعد الوفه ابهجرك تجازيني...

مع تحيات ابو رهام العراقي

عاشق العيون السوداء · 06-22-2007, 01:40 PM

سلمت اناملك على ما جاد به قلمك المتالق
متميزة هي حروفك
مألمة هي احاسيسك
ولكن مبدع هو قلمك
اغفر لقلمي العاجز على ايفاء حقك
تقبل مني خالص احترامي وتقديري لقلمك الراقي
ولك مني اطيب وارق الامنيات
ودمت بخير وود