حوار بين الشباب والبنات؟؟؟؟؟؟؟

شو انتي هاتي سؤال عشان بعديها محضر سؤال حلو
بس انتي قولي اول

عم حضرلكم سؤال

عن شغلة حزت بقلبي كتير

بهذا المنتدى ومن عضو ما كنت متوقعه

يعمل هيك أبدا

وأول مرة بتصير معي هيك شغلة

بس شو بدنا نعمل

لازم يكون قلبنا كبير

وأكيد ما رح إذكرلكم أسماء

لأنه عيب إحكي مين؟؟؟

وبس تكتمل صورة السؤال رح نزله

يمكن اليوم المساء أو بكرة الفجررررررر

مرحبا يا حلوين كيفكم كلكم

سؤالي اليوم عن شغلة عم تصير معي

هون بالمنتدى ولسها لهلق ما خلصت فصولها

ونبتدي الحكاية......................................

يعني متل ما بتعرفوا الواحد هووون بالمنتدى

إلا ما يعجبه شيء حده من الجنس الأخرررر

وقد يزيد هذا الإعجاب ويتفاوت بين عضو وأخر

ومن عضو لأخرررر

وقد يتطورر ليصبح حب داخل المنتدى

وبصراحة شغلة حلوة الواحد يكون في إلو حبيب هووون

وبلا طول سيرة................

أنا عجبتني عضوة هووون معنا بالمنتدى

وهي على طول بتأكدلي إني عجبتها

وتطور هذا الإعجاب إلى حب داخل المنتدى

يعني متل كل واحد منكم ما بحب حده معين وبيعجب فيه

وفجأة وبدون سابق إنذار تفاجئت بأحد الأعضاء

إنه معجب بالبنت اللي بحبها

وما أخذت وعطيت بالموضوع أنا

لأني متأكد من حبها وإعجابها

وهذا التأكد حسب قولها هي

وحسب ملاحظتي الشخصية

إلا إذا كانت ممثلة بارعة وعم تمثل علي

وفي الإسبوع هذا الذي إنتهى اليوم

هذا العضو جنني وهلكني بسبب حبي لهذه العضوة

ونبتدي مشوار هذا الإسبوع من الأول

أرسل إلي هذا العضو

إنه معجب بإسلوبي وحابب يتعرف علي أكتر

ولتحقيق هذا الشيء بده إيميلي

وهوون أنا تفاجئت بهذا الإعجاب الغريب

ورفضت أعطيه إيميلي وطلبت منه يتواصل معي عن طريق الرسائل الخاصة

والله والزلمة ما كذب خبرررر

وأول سؤال سألني إياه :: إنت بتحب فلانة

وأنا هوون صفنت بهذا السؤال

وجاوبته إيه بحبها ووصفت له حبها شو عامل فيني

وسألته خيو إنت ليش عم تسأل::

فجاوبني بأنه يحبها هو أيضا

فقلت له هي المخلوقة بتنحب


والكل بيحبها

والسؤال هذا لازم تطرحه عليها وتعرف

هي مين بتحب

فجاوبني : إنت إسألها

فقلت له : أنا متأكد من حبها إلي وما في داعي إسألها

فجاوبني :أنه طبعا ما في داعي إسألها

لأنها قالت له أنها بتحبني متل أي شخص بالمنتدى

فقلت له:: هذا الشيء بيكفيني وبيرضيني وشكرته

وهوووووون الفأر بلش يلعب بعبي

فرحت باعتلها رسالة خاصة عم إستفسر حول الموضوع

فقالت لي: أنه هذا العضو جننها كمان

وهي قالت له هذا الشيء لحتى يحل عنها

وتسألت بأخر رسالتها هذا العضو بينحب ما هيك كاظم

ورديت عليها وقلت لها :

أنا بحبك وما بحب حده يشاركني بحبي

وأنا بترك الخيار إلك بدك هو أو أنا

ما في مشكلة ومارح إزعل أبدا

لأنه اللي بحب لازم يضحي كرمال اللي بحبهم

فجاوبتني :: إنها بتحبني إلي وبس

وهيك إطمنت بعض الشيء

ولكن يوم أمس رد هذا العضو وبعتلي رسالة

وإحذروا شو عم يطلب فيها

قال بده : ما قول لهذه البنت بمشاركاتي

أي كلمة حب يعني لأازم ما قول لها ياعمري ..يا حياتي...إلخ

بقا شو رأيكم


وبتمنى تكونوا فهمتوا القصة

ملاحظة::حبيبتي لهلق بتقول إنها بتحبني أكتر واحد بالدنيا

وأنا بصراحة بحبها أكتر ما هي بتحبني

وسؤالي::

1_ هل هذه البنت تحبني أم أنها تلعب على الحبلين؟؟؟؟؟

2_ هل من حق هذا العضو أن يحب وحده في حدا غيره و قبله بيحبها؟؟؟؟؟؟

3_ هل من حق هذا العضو أن يتدخل في مشاعري؟؟؟؟؟؟

4_ هل من حق هذا العضو أن يطلب مني عدم ذكر كلام حب لها في مشاركاتي؟؟؟؟؟؟

4_شو بتنصحوني أعمل سواء مع حبيبتي و مع هذا العضو؟؟؟؟؟؟


أرجوالإجابة على هذه الأسئلة بكل صراحة وصدق وموضوعية

والله لا يحرمني منكم ومن مشورتكم