حوار بين الشباب والبنات؟؟؟؟؟؟؟

kazem007 · 05-08-2008, 04:58 AM

اقتباس:

المشاركة الأصلية كتبت بواسطة دموع الورد

هاااااااااااااااااااااااااااااي هااين
انا جيـــــــــــــــت أهلا وسهلا

اول شي سلامتك الف سلامي كظوم والحمدلله عسلامتك

الله يسلمك دموع وإن شاء الله ما تشوفي شر طول عمرك

نورت المنتدى

المنتدى منور بوجودك ووجود بقية الأعضاء والمشرفين

تاني شي
انا اخترعت سؤال

عن جد يلا بشان نعطيكي برأة إختراع

سؤالي عن الاهل يالطيف لطفك عن الأهل مرة وحدة

ليش الاهل دايما بعارضو مفهوم الحب

من خوفهم علينا لا نسوح ونضيع حالنا

وعندن الحب شي تافه مع انو ممكن يكونو هني اخدو بعض عن حب

لأنه زمانهم غير زماننا يعني كان الحب غير حب هذه الأيام

يعني حب عفيف شريف ومن بعيد لبعيد

ليش نحنا بكون محرم علينا نحب وخصوصا البنات يعني والله اذا اخي حب بقلولو عادي حبيبي روح حب

مين حرم عليكي الحب حبي الماما والبابا

خخخخخخخخخخخخخخخخخخخخخخخخخ

أكيد بمزح

بس الشب ما عنده شيء ينخاف عليه

مو متل البنت ( وفهمك كفاية )

نحنا بنكون جنينا عحالنا اذا فكرنا مجرد تفكير بهالشي

طبعا لأنكم تمثلون شرف العائلة وعرضها

يعني كيف نحنا بدنا نعيش بلا حب

متل ما عاشت نساء كثيرات

ولا تخافي الحب بكرة بيجيكي من أوسع الأبواب

وهو باب الزوجية

وباب الأمومة

ما بفكرو هيك

تفكيرهم كله لمصلحتكم وإسمعي مني

بس المهم انو نكون الولاد المطيعين يلي من الجامعه للبيت ومن البيت لجامعه

والله هذا أحسن شيء

بس ما يزودوها كمان ويعملوها سجن

يعني البنت لازم تطلع وتشوف وتروح وتجي بس ضمن حدود

ومع أهلها أو أصدقاء معروفين بسمعتهم الجيدة
ليش الحب عندن حرام...؟؟؟؟؟؟؟؟؟؟؟؟؟؟؟؟؟؟؟؟

أكيد مو حرام بس بقناعتهم

لحقانة عليه وبالحلال

بالحلال بالحلال

وهذا رأيي الشخصي

وأكيد هم أهلنا الأول والأخير سعادتنا

بتمنى كون فدتك دموع

kazem007 · 05-08-2008, 05:02 AM

اقتباس:

المشاركة الأصلية كتبت بواسطة NaDooM

كظوم اسف حبيبي بس والله ما نتبهت على الموضوع

ندوووم الغالي والعزيزوالحبيب

ما في داعي تعتذر

لأنه سؤالك عني بغيابي

أكيد بيكفي وبيوفي

وإن شاء الله ما تشوف شر بحياتك يارب

دموع الورد · 05-08-2008, 11:54 AM

[quote=NaDooM;927402]اول شي الاهل مفهومهم للحب انه شافها حبها راح خطبها
بعدين بالزمن هاد كتير في قصص وسير عن الحب ويمكن هاد اكتر شي
بخليهم يمنعو بنتهم من الحكي مع الشباب وهلأ الحب يلي بمعنى كلمة حب صعب
تلاقيه فيمكن بنظرهم انه مافي شي اسمه حب.. يمكن
مثلا انا لو عندي اخت واعرف انها بتحكي مع شب على الموبايل بس ممكن ازا فكرت اكون منيح معها وما اعزبها وبعد الشفقه عليها ممكن بس اطخها بس لك مهون المصيبه انو انت بترضاها عحالك انك تحب وتنحب
بس انو اختك تجي تحب ممنوع وغلط ؟؟؟؟؟؟؟؟؟؟؟

وكمان بنفس الوقت لما اكون انا او حد من اخواني الشباب بيحكي مع بنت عادي مو مشكله

دموع الورد · 05-08-2008, 12:07 PM

كظوم ما قدرت اعمل كوبي مش عارفه مالو الكومبيوتر متنح اليوم
فرح رد عليك لا تخاف

اولا انا بعرف انو الشب مو متل البنت بعرف كمان انو الشب ما عندو شي يخسرو بس البنت عندها
بس ليش بتاخدو هالفكره دايما
ليش دايما بيجي عراسكو انو اذا البنت حبت يعني راح شرفها ؟؟؟؟؟؟؟؟؟؟؟؟؟؟؟؟؟؟؟؟
ممكن تحب بقلبها بلا ما تعمل شي اكيد مو كل البنات بس الاغلب بكونو بخافو عحالن دايما

وبعدين انا مستحيييييييييل اقتنع اني اتزوج واحد ماكون بحبو
يعني بربك كيف بدي اعرف كيف هوي وكيف بيتصرف
لاتقلي بفتره الخطوبه
لانو البنت اد ما رح تعرف عن خطيبها مش رح تعرف كبر يلي رح تعرفو وهي معو وبتحبو وبحبها

هلأ انت بتأدر تعيش بلا حب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله لو بتالي ايه بدي ابصر شو اعمل فيك
لانو ما انا من النوع يلي ما بتخيل حياتي بلا ما حب وانحب

بحسو متل الهوا والمي
ومستحيييييييييييل لو شو ما رح يصيرلي افرط فيه

لانو هوي قطعه مني واذا استغنيت عنها بكون متت

سدأني انا ما عم ببالغ
بس انا بشوف دايما ومتأكدي وواثق انو ما حدا بيفهمني اد ما بيفهمني وبيعرفني حبيبي
والله يا كاظم اني بس لكون مدايقه او مزعوجه دغري بحس وبيتصل ليطمن علي

بالمقابل هالشي ما موجود عند اهلي
يعني لو شافوني مفلوقه بكي ما حدا بيلكشني بحجره
ولا حدا بيسأل عني

الي انا كيف فيني افرط بشخص بحس فيني وبيحترمني وبحبني اكتر من اي شي بالعالم ومافي بحياتو غيري وانا ما في شي شاغلني بحياتي غيرو ............

NaDooM · 05-09-2008, 04:04 AM

اقتباس:

المشاركة الأصلية كتبت بواسطة دموع الورد

اولا انا بعرف انو الشب مو متل البنت بعرف كمان انو الشب ما عندو شي يخسرو بس البنت عندها
بس ليش بتاخدو هالفكره دايما ((لأنه هي الموضه الماشيه هي الايام ))
ليش دايما بيجي عراسكو انو اذا البنت حبت يعني راح شرفها ؟؟؟؟؟؟؟؟؟؟؟؟؟؟؟؟؟؟؟؟
مو شرط يكون راح ممكن يكون على الطريق بده يروح....وممكن لأويكون حب شريف عفيف طاهر بريئ.
ممكن تحب بقلبها بلا ما تعمل شي اكيد مو كل البنات بس الاغلب بكونو بخافو عحالن دايما
صح بكونو بخافو على حالهم بس لما توصلي لدرجه تحبي شخص((حبيبك)) ما تقدري تقوليله لأ
يعني تحبيه لدرجة مو طبيعيه وتخافي على زعله ممكن يكون هوه بلف وبدور وانتي بتحبيه من قلبك
وبوقتها ما رح تحكيله لأ شو ما يطلب ....ويمكن تحكيلي رح وافق على كل شي الا لما يكون في شي بيتعلق بشرفي رح احكيله لأ ....بس لا تنسي انه في شباب عليهم لسان يخرب بيته ما احلاه يعني بخلو البنت تعيش بأحلام واوهام وتصدقهم غصبن عنها ...ولا تقولي لأ انا بفهم وبحكي لأ لما بدي وما بينضحك علي ..لأنه كتير بنات نوعدو بالزواج من شباب وبعد ما الشب يعمل يلي بده ياه بيتهرب منهم على طريقته وما بعتقد انه هدول البنات اغبياء بس هدول بكونو عاشو بالاوهام يلي اي بنت ممكن تعيشها مع حبيبها(((هوه صح ممكن يكون في شباب طيبين وما بدهم هالقصص بس انتي شو يلي بعرفك مين الطيب ومين الميت هههه ومين يلي مو طيب ))))

وبعدين انا مستحيييييييييل اقتنع اني اتزوج واحد ماكون بحبو
يعني بربك كيف بدي اعرف كيف هوي وكيف بيتصرف
لاتقلي بفتره الخطوبه ليه؟؟
لانو البنت اد ما رح تعرف عن خطيبها مش رح تعرف كبر يلي رح تعرفو وهي معو وبتحبو وبحبها
ليش شو فرقت الخطبه عن الحب غير هالخاتم يلي بأيدك؟؟ بالعكس بتحكي مع خطيبك قدام اهلك بدون لا خوف ولا ولا ولا ((((وبكفي انه لما يخطبك بتكون نيته صافيه وبده ياكي تكوني مرته ...مو متل الحبيب يلي بضل مشكوك فيه انه رح يتزوجك بالاخر ولا لأ))))

هلأ انت بتأدر تعيش بلا حب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله لو بتالي ايه بدي ابصر شو اعمل فيك
لانو ما انا من النوع يلي ما بتخيل حياتي بلا ما حب وانحب

بحسو متل الهوا والمي
ومستحيييييييييييل لو شو ما رح يصيرلي افرط فيه

لانو هوي قطعه مني واذا استغنيت عنها بكون متت لأ ما بتموتي ممكن تنجني من الزعل والقهر والحزن وياخدوكي على مستشفى مجانين بس ما بتموتي ((الا ازا بدك تنتحري ))ههههه
(بعيد الشر عنك)
سدأني انا ما عم ببالغ
بس انا بشوف دايما ومتأكدي وواثق انو ما حدا بيفهمني اد ما بيفهمني وبيعرفني حبيبي
والله يا كاظم اني بس لكون مدايقه او مزعوجه دغري بحس وبيتصل ليطمن علي

بالمقابل هالشي ما موجود عند اهلي
يعني لو شافوني مفلوقه بكي ما حدا بيلكشني بحجره
ولا حدا بيسأل عني....
هلأ لو تكوني بدك تموتي من البكه اهلك ما بيسئلو فيكي (((يمكن لأنها دموع تماسيح وبدك منهم مصلحه هههههههههههه))))بمزح
طيب انا بدي ارد عليكي بسؤال ؟؟هلأ لو لا سمح الله مرضتي او رحتي للمستشفى اواواواو ...الخ
اهلك شو بيصير فيهم ؟؟؟؟ ؟؟؟ يعني وقت الجد مين يلي بيكون معك وبخاف عليكي اكتر من حاله حبيبك ولا اهلك؟؟؟؟ ولا تقولي حبيبي لأنه ما جربتي انا بعرف لأنه لو جربتي بتعرفي شو الاهل..

الي انا كيف فيني افرط بشخص بحس فيني وبيحترمني وبحبني اكتر من اي شي بالعالم ومافي بحياتو غيري وانا ما في شي شاغلني بحياتي غيرو ............

هاد رأيي

دموع الورد · 05-11-2008, 05:41 PM

ندوم وراي محاضره بكره لافرجيك
انطرني يا لاحقا يا مستفززززززززززز

NaDooM · 05-13-2008, 12:53 AM

اوكيه بس كلامي صح
بستناكي يا سابقا...

دموع الورد · 05-14-2008, 01:06 PM

ندوم والله مش عارفه شو بدي الك

صرلي 3 تيام بدخل لهون

وبقرأ الكلام

بجي لاكتب

بوقف!!!!!!!!!!!!!!!!!!!!!!!!!!!

يمكن لانو انا ما بعرف مين هني اهلي لا تفهمها غلط

يعني اصدي انو انتو كل واحد عندو ام و اب بجننو وعسلامتن

بس انا .؟؟؟؟؟؟؟؟؟؟؟؟؟؟؟؟؟؟؟

خلص ما بدي احكي

كلامك صح 1000% ندوم

بس لما يكون الموضوع بخص اهلي او الاصد منو اهلي بصير جوابك 0% صح

يمكن لانو هني مو متل باقي الاهل او ابصر؟؟؟؟؟؟؟؟؟؟؟؟؟؟

ما كان بدي جاوب

بس الت انو لازم ادخل واحكي لو شو ماكان
.................................................. ....

NaDooM · 05-14-2008, 10:33 PM

اقتباس:

المشاركة الأصلية كتبت بواسطة دموع الورد

ندوم والله مش عارفه شو بدي الك

صرلي 3 تيام بدخل لهون

وبقرأ الكلام

بجي لاكتب

بوقف!!!!!!!!!!!!!!!!!!!!!!!!!!! ليه؟

يمكن لانو انا ما بعرف مين هني اهلي لا تفهمها غلط لأ انتي يلي لا تفهمي كلامي غلط.

يعني اصدي انو انتو كل واحد عندو ام و اب بجننو وعسلامتن مو كل واحد.

بس انا .؟؟؟؟؟؟؟؟؟؟؟؟؟؟؟؟؟؟؟شو

خلص ما بدي احكي ليه؟؟

كلامك صح 1000% ندوم بعرف

بس لما يكون الموضوع بخص اهلي او الاصد منو اهلي بصير جوابك 0% صح

يمكن لانو هني مو متل باقي الاهل او ابصر؟؟؟؟؟؟؟؟؟؟؟؟؟؟
في مثل بيحكيلك ((لا تشيكيلي بلا ما ابكيلك))
والباقي عندك .........افهميها لحالك ..
ولا تفكري انه بس انتي....هيك

ما كان بدي جاوب له له له

بس الت انو لازم ادخل واحكي لو شو ماكان على راسي والله
.................................................. ....

...............

دموع الورد · 05-15-2008, 11:29 AM

ندوم

يسلموو لجوابك الحلو

وانت كما عراسي وعيني

ما حدا فاهمني ادك