حبك الطاهر

تبي ترحل؟..خلاص أرحل يكفي بخاطري ذكراك
ويكفي حبك الطاهر زرعته في شراييني
ابذكر حلو الأيام.. وترانيم السهر وياك
وسواليفك وضحكاتك واليامنك تناديني
هذيك اجمل ليالي العمر تصبرني على فرقاك
صحيح أيام معدودة...وتسوى عندي سنيني
ما تدري أني تعلقت بغرامك يوم قلت أهواك
كثير اللي بغوا لكن..رفضت أدنس ايديني
عجبني قلبك الطاهر.. ورضيت أكون في دنياك
ولكن حظي العاثر.. انا ادري دوم مشقيني
خلاص ارحل اذا ودك..وانا والله ما انساك
وعسى تتحقق أمالك وتفرح يا بعد عيني
ولكن قبل ما ترحل..تعال ومد لي يمناك
بحقق أمنية عمري معك يا ضحكة سنيني
تعال أضمك لصدري..أنا ادري أن العذاب أشقاك
أبي لحظة صفا وياك تنسيني عناويني
أبنسى كل هالدنيا..واذوب بصوتك ونجواك
وأذوب اليا سألت بصوتك الخافت تحبيني..؟
أحبك ايه وبربي.. وروحي كلها تفداك
يا أجمل من ملك قلبي واصدق شخص يغليني.
أتـمنى تعجبكم......
تحياتي .........