أمــــــــانه لا تودعني حبيبـــي

العيون الساهره · 08-21-2007, 01:34 PM

أمانـه لاتوادعنـي حبيبـي .. لانويـت تــروح
دخيلك خلنّي وإرحـلْ .. كـذا مـن دون مـاأدري
دخيلـك لاتعلمنـي كفـى صـدر الغـرام جـروح
وأنا اللي من عرفتك .. وأنت متربع على صـدري
بنيتك بالحشا .. قصر ٍ رفيـع وشامـخ ٍ بصـروح
وقلت : إسكن هنا ياللي عيونـك سودهـا قصـري
رخصت أغلا القصيد وكل ماينزف صـدوق البـوح
وجيتك والغلا طفل ٍ .. ربى بالجوف مـن صغـري
تحملت العذاب وصـرت أنـا مـن سبتـك مذبـوح
صبرت .. وطال صبري .. لين مل الصبر من صبري
أبي بس أظفر بقلبك مـدام الشـوق لـك مفضـوح
ومدامـك بالعـروق اللـي تحبـك دايـم ٍ تجـري
أبي عطر الهوى منك حبيبـي كـل يـوم .. يفـوح
وبعلنها علـى الدنيـا : ( أحبـك يابعـد عمـري )
حبيبي أنت ماغيـرك حبيـب ٍ قـد سكـن بالـروح
ومن فكّر يجي بعدك ترا بقـول لـه : بـدري ..!!
تخيل كل ماتسـألْ .. بنبـرة صوتـك المبحـوح!!
( حبيبي لو تكرم بسألك : إشْ رايـك بعطـري !! )
أذوب ويعترف قلبي .. ياعم العطـر .. يالمملـوح
بأنك تغري وعطـرك مثـل سحـرك بعـد يغـري
وتخيل من كثر حبك بقول لحضرتـك مسمـوح ..!!
قبل حتى الخطا منك يجـي وتقـول : خـذ عـذري
بقول لحضرتك فـدوه تـرا كـل الخطـا مدمـوح
ماغير أكبر خطا لامن .. نويت الجـد فـي هجـري
كفايه باب خفاقي عشْقك وصـار لـك .. مفتـوح
وكفايه لو تغيب شوي .. أضيـق وينشغـل فكـري
أمانـه .. لاتعلمنـي حبيبـي لانويـت تـروح ..!!
دخيلك خلني وأرحل .. كذا مـن دون مـاأدري