انساه يا قلبى اوعاك تبص فى يوم وراك
انسى يا قلبى اللى خانك ده ما يستاهل هواك
الدنيا مش هواها و بس
من غيرها برضو هتطلع شمس
و لا بد هيجى بكرة لازم هتبقى ذكرى
اوعاك تفكر فى اللى فات
اعتبره قلب راح و مات
سيبك بقى من الامس
من غيرها برضو هتطلع شمس
هعتبرك غلطة غلطتها
و مش كل غلطة بتتغفر
ده انتى غلطة عمرى
جوة حشايا بتتحفر
و زى ما علمنا الزمن
كل غلطة لابد ليها من تمن
و اللى دفعته كتير
بس حبيببك ما عمره حس
من غيرها برضو هتطلع شمس
يا ما ضحيت عشانها
يا ما اكتويت بنارها
يا ما سهرت ليالى
اناجى بس طيفها
مرة فى صرخة و مرة فى همس
من غيرها برضو هتطلع شمس
و هيبان تانى القمر
و هيتولد يومنا الجديد
جايب معاه الفجر الوليد
و شايل بين خيوطه حب
بهواك ممكن يحس
من غيرها برضو هتطلع شمس