عادات عربيه نعتز بها .. بس لو انها ما بتخزينا بكون احسن

zuzu · 04-27-2006, 09:17 PM

إذا صار عندنا عرس .... بنزمر

إذا نجحلنا حدا بالبكالوريا ....... بنزمر

قبل ما تفتح الإشارة الضوئية ... بنزمر

بعد ما تفتح الإشارة .....كمان بنزمر

على الدوار وعلى الجسر و على النزلة و على الطلعة .... بنزمر

إذا طول علينا الشرطي وهو موقفنا .... مشان خمسا عششيين بنزمر

أما إذا حد كسر علينا بالغلط أو بالقصد ..... أكيد بنزمر

أما اللي بتوقف سيارته قدامنا عطلانه ....... مو مشكلتنا … بنزمر

إذا طالعين من شارع فرعي لرئيسي بالليل أو بالنهار .....بنزمر

اما إذا طالعين من شارع رئيسي لفرعي بالليل أو بالنهار شو منساوي....بنزمر

وإذا عجبتنا بنت بالموكامبو... اوووووووووووووووه .... بنزمررررررر

وإذا شفنا أبو فلان بالشارع وحبينا نقله مرحبا ...... بنزمر

ولو قرر واحد منا يخفف مشان يمرر أحد المشاه .... كل اللي وراه …..بيزمر

ويا حبيبي إذا فاز أحد المعجبين فيه أو فيها بالسوبر ستار
أو ستار أكاديمي ......بنطلع كلنا وبنزمر

وطبعا" اذا فاز المنتخب بنطلع .......هي اذا فاز.. نزمر......يا سيدي و اذا خسر منزمر... مشان الروح الرياضية

لكن المفارقة هو انه اذا ارتفعت الأسعار الوقودززالاسمنتزز كل شيء اخر..... وإذا ارتفعت الضرائب

وإذا زادت رواتب...او حوافز الكبار وبقيت على حالها رواتب الصغار....
وإذا زاد معدل البطالة..و مكمل هذا المعدل كان البطالة المقنعة..و ما من منتج لاي قيمة مضافة الا رامي و القوادين .. اذا حصل كل هاد و اكثر !!!!!!!!!!!

العجيب انه فجأة ما بطلعلنا صوت ولا ..............بنزمر

madridi 23 · 04-27-2006, 09:45 PM

حلوة منك , كلامك صحيح يا زينة 200%

zuzu · 04-28-2006, 09:06 AM

حلوة هي 200 % عجبتني شكرا لمرورك madrid 23

HACKERS · 04-28-2006, 10:21 AM

العادات هاي ما بنقدر نتركها لانه اذا تركناها بنبطل عرب

والله الاردن لينا وحقه علينا

khreiss · 04-28-2006, 10:51 AM

بتعرفوا ليش ما بيطلع صوتنا؟
لأنو الخوف خانقنا
والحالة الموصوفة بالمقالة حالة نفسية بحتة يعني لانو وقت اللي ما منقدر نحكي منلجأ للأفعال الصغيرة البسيطة اللي عم تعبر عن مشاعرنا المكبوتة كالتزمير مثلا وغيرها من التصرفات اللانهائية خلال يومنا الحافل بالضغوطات والمشاكل المختلفة

zuzu · 04-28-2006, 12:34 PM

والله كلامك صح khriess وتسلملي يا hakers على الاردن تبعك يسلموا يا شباب على المرور

Engineer · 04-28-2006, 02:44 PM

كلامك صح, بس اخر شي ما فهمت منو شي, كم مرة حكيتلك لا تحكي ايراني .

zuzu · 04-28-2006, 07:06 PM

يمت عينك اسالي اختك شعيطه يمكن تساعدك

عاشق الأردن · 04-30-2006, 08:05 PM

كلامك صح ومشككككككوووووووووووورررررررررررةةةةةةةة

RONDY · 05-01-2006, 02:14 AM

مسكور كثير الك زوزو وعل موضوعك الجميل...
وكل ما تفوتي انتي على المنتدى بتزمري بييييييييب هههههههه.....
اي بيصحى الواحد من النوم على زمير السيارات وبقوم راسو مزمر شايف دنيا كلى مزمرة ...
شكرأ كثير الك زوزو على موضوعك لمزمر وننتظر منك تزامير اكثر ....