غزة

أحلام · 11-13-2007, 03:32 AM

امبارح بالأخبار شوفت شيءصار عادي بس بدي اعرف متى راح ينتهي
اللي بلوموا الاسرائليين عشان بدبحوا فينا وبالشعب الفلسطيني ممكن تستغربوا من كلامي
بس انا صرت ما الوم الاسرائليين عارفين ليه لأنهم عدونا عارفينه بس الدور والباقي علينا احنا كيف نازلين تدبيح ببعض يعني امبارح كانت الذكرى التالتة لوفاة الرئيس عرافات الله يرحمه وبوسط الاحتفال صار ضرب نار من مين من فلسطيني على فلسطيني من عربي لعربي وراح شهداء كتير وجرحى كيف عنجد احنا اخر وقت اي كرسي او منصب عشانه بندبح بعض فيه فلسطينين كتير بالمنتدى بعرف بدي حدا يحكيلي احنا اللي فينا مكفينا ولا لأ هلأد صار دم الانسان رخيص عشان منصب او كرسي خلص انا بشتريلكم كراسي بس لا تدبحوا بعض انت من دم واحد العدو قدامكم
مش انتو؟؟؟؟ انتو لازم تتحدوا حرام عليكم فكروا بنفسكم بأهلكم بالألم اللي بتسببوه لبعض
ليه احنا ما بنعرف نجرح غير بعض ما بنعرف نقتل غير بعض وبعدين انتو مسلمين والإسلام عمره
ما كان هيك بالعكس لولا الحرام كنت راح احترم الاسرائليين عارفين ليه لأنهم بضربه بس عدوهم
بس ما بايدي الاسرائلين دمرونا وكمان الفلسطينين دمرونا مين وكيف مين احسن؟؟؟؟
اصحوا لو ما بنطرد كنت حكيت كلام تاني بس عنجد كتير حرام عليكم

aliabudiab · 11-13-2007, 04:16 AM

اختي العزيزه

كلامك منطقي وسليم

ولكن نحن نعيش في زمن الا منطق وا لا معقول

بدك تتحملي حتى الله يفرجها

أحلام · 11-13-2007, 04:59 AM

لمتى انا بسأل انا ما صاير علي شيء صح اني فلسطينية بس بعيدة عن الأحداث انا قلقانة على الناس اللي عم بتموت بسبب كراسي روح مقابل جماد وين هاد بصير يعني الشعب الفلسطيني ما عنده مشاكل غير الكراسي عشان هيك بضربه بعض وبدبحه بعض صح
ما عندي تعليق بس بكفي ان كان حماس او غيرها اصحوا انتو شو بتعملوا ببعض انتو اخوة يعني ممكن يكون اخيين بحزبين مختلفين شو رأيك ممكن يقتلوا بعض لو واحد وقف قدام التاني انا بعتقد ما راح تفرق معه الله اعلم لوين رايحيين

aliabudiab · 11-13-2007, 05:49 AM

[quote=أحلام;474787]لمتى انا بسأل انا ما صاير علي شيء صح اني فلسطينية بس بعيدة عن الأحداث انا قلقانة على الناس اللي عم بتموت بسبب كراسي روح مقابل جماد وين هاد بصير يعني الشعب الفلسطيني ما عنده مشاكل غير الكراسي عشان هيك بضربه بعض وبدبحه بعض صح
ما عندي تعليق بس بكفي ان كان حماس او غيرها اصحوا انتو شو بتعملوا ببعض انتو اخوة يعني ممكن يكون اخيين بحزبين مختلفين شو رأيك ممكن يقتلوا بعض لو واحد وقف قدام التاني انا بعتقد ما راح تفرق معه الله اعلم لوين رايحيين [/QUOTE

اول شي انا مقدر مشاعرك تجاه اخوتك بفلسطين

ولا اضن ان احد مخلص لامته يرضى بما يحدث

ولكن بدي احكي كلمه وامري لله

لقد ابتلينا بما يسمى زعامات كل همها مصالحها الشخصيه وتنفيذ اوامر اسيادهم

ولا استثني احد الكل شركاء بالمؤامره على هذا الشعب

الناس تقتل والمصائب من كل حد وصوب تنزل على هذا الشعب ولا هم سائلين

نعم لقد اصبحو هم الاداه التي تعمل لتحقيق اهداف الاحتلال

والله يا بخت اليهود فيهم

اسأ ل الله انه الناس تصحو من نومها وتدرك عدوها من الصديق

وان لا تنساق وراء المخادعين والخونه

أحلام · 11-13-2007, 06:02 AM

لن اقول سوى آمييييييييييييييييييييين ولكن اسمح لي الشباب الذين يقتلون بعضهم بعض لهم عقول وهبهم الله هذه العقول لتفكر وإلا ما فائدتها والأمر الآخر هو انهم يبيعون انفسهم لمن يدفع اكثر وهذه مشكلة اخرى تواجه الفلسطينين ولكن لا يعني ذلك قبولهم المال والدخول بهذه العصابات
ولم تجبني عن سؤالي لو ان هناك اخيين تواجه اثناء قتالهم فهل يقتلون بعضهم وما الدافع واين العقل ؟؟؟؟؟اقسم بالله لقد اوشكت على بيع هويتي الفلسطينية على ما أراه من ابناء شعبي

aliabudiab · 11-13-2007, 06:22 AM

اقتباس:

المشاركة الأصلية كتبت بواسطة أحلام

لن اقول سوى آمييييييييييييييييييييين ولكن اسمح لي الشباب الذين يقتلون بعضهم بعض لهم عقول وهبهم الله هذه العقول لتفكر وإلا ما فائدتها والأمر الآخر هو انهم يبيعون انفسهم لمن يدفع اكثر وهذه مشكلة اخرى تواجه الفلسطينين ولكن لا يعني ذلك قبولهم المال والدخول بهذه العصابات
ولم تجبني عن سؤالي لو ان هناك اخيين تواجه اثناء قتالهم فهل يقتلون بعضهم وما الدافع واين العقل ؟؟؟؟؟اقسم بالله لقد اوشكت على بيع هويتي الفلسطينية على ما أراه من ابناء شعبي

هؤلاء الشباب عندهم ادمغه صالحه للتفكير ولكن عطلو خاصيه التفكير الموجوده بها

ورضو ان يساقو متل الغنم

وهذه هي المشكله الرئسيه التي تواجه الامم المتخلفه ان شبابها لا يفكر بالشكل الصحيح

والا ما وصلنا الا ما نحن فيه الان

اما بانسبه لسؤالك

الجواب هو ما حصل بالامس اليس هؤلاء اخوه قتلو بعضهم البعض

وهناك اشياء والله اخجل من ذكرها

اما بالنسبه لبيع الهويه الانسان صعب عليه ان ينسلخ عن اهله واحبائه

ولكن الواجب عليه ان يحاول تغير الواقع ما استطاع ولا يقبل الغلط

ادعو الله ان يبعث لهذه الامه من يغير لها من امرها رشدا

أحلام · 11-13-2007, 06:31 AM

آآآآآآآآآآآآآآآآآآآآآمين
وان شالله الله يسمع منك وبعتذر على عصبيتي بس واالله حرام اللي عم بصير ما بيرضى فيه دينا
واكيد ما بتخلى عن هويتي لأني فلسطينية وبفتخر فيها رغم كل الأحداث اللي بتصير فيها
والله يهون على أهالي الشهداء مصابهم ويفتح عقول شبابنا آآآآآآآآآآآآآآآآآآآآآآمين