تخاريف كلام .

محمد نور1981 · 11-16-2007, 05:01 AM

ياجنية رقيتك و استرقيتك من عين الدولار واليورو الجبار
رأقيتك من عين الاسترلينى والريال والدينار
وكل اللى شفوك ونضروك ولا صلوش على النبى علية افضل الصلاة والسلام
الجنيه عيان والناس الغلبانة دايخة وراه وحيرانة من تحاليل لإشعات ودكتارة ومستشفيات فى ناس قالو خد نزلت برد بعد ما طلع م العوم على شط مارينة عريان من غير هدوم … كلام تخاريف بعيد عنك لان العوم دا رياضة والرياضة إفادة …
وناس قالوا مسلول ودى انفلونزا
الطيور

بس فى ناس داسيسة قالت اكيد منظور محسود يا عينى محسود وطلعوا على
العم بهلول ودا

عم مفيش زيه يجب الجنى فى ثانية ويحل مشاكل الدنيا .

العم بهلول هب وقام على الجنيه العيان حاله بقى كرب ووزنه قل النص وولا عاد فيه جلد ولا حتى عظام .

اشتاتا اشتوت قال
العم بهلول محسود محسود معمله عمل جبار على نقطة مايه بزيت شربها على مرة واحدة برغوت نتايه بسبع رجلين ونط على ظهر حوت والحوت عوام وشق السبع بحور وهرب منه البرغوت وراح فى ريش كتوت .

وعلشان نلاقى البرغوت
ياعم بهلول

علشان نلاقى البرغوت لازم نلاقى الكتكوت وعشان نلاقى الكتكوت لازم نلاقى الحوت و الحوت له أمارة سهلة مش عبارة له زعنفة عارجة بيعوم فى البحر يعرج واللى يلقيه موجود العفريت شلفوط عفريت ابن جنى لف سبع بحور بس له طلبات .

يأمر وهى تجاب بس المهم يا عم بهلول يعدلنا الازمات .
محتاج فرخة صبيه حبت ديك حيران اصغر منها بشهرين و3 اسابيع ويومين وكمان صندوق بيبسى وعشر علب كفيار اصله عفريت مزجنجى بس ملوش فى الانفاس .
يأمر واحنا نجيب بس فين العفريت اامره يحضر فى الحال .
اشتاتا اشتوت احضر يا شلفوط وهات لنا البرغوت اللى فى ريش الكتكوت .

رد وقال شلفوط انا اجيب الكتوت وانتوا تلاقوا البرغوت .
شفتوا بقى يا رجالة دى الناس شقيانة بدور على البرغوت
كفاية بقى اشعات وكلام بتاع قعدات … لموا لسنكوا شويه دا المشكلة لا استثمار ولا عمارت تنهار ولا خصصة ببلاش وملاين راحت عل الناس ولا ملاين منهوبة وعمارات منكوبة ولا حتى ازمة تخطيط …. دا كل شئ مدروس بس الجنيه تعبان … بس المواطن الشقيان الى مش لاقى فلوس ولا بنطلون ملبوس ولا حتى لاقى غموس يصبر شوية كمان لحد ما يجى شلفوط شايل فى ايده الكتكوت وهما يلاقوا البرغوت
يارب ارحمنا من الدجلين واكلى قوت الناس الغلبانة ومن ناس ملكتهم امرنا فطرحونا ارضن امين يارب العالمين.

nadoush · 11-16-2007, 02:46 PM

اللهم امين

صراحة بقيت ساعة حتى فهمت الحكي شوي ههه
ميرسي كتير

محمد نور1981 · 11-16-2007, 04:16 PM

السلام عليكم ورحمة اللة وبركتة
دى نظرة فلسفية لمشكلة موجودة
عندنا فى مصر
على العموم متشكرا على هذا المرور
الطيب

مصر ام الدنيا وام اوربا وام امريكا واللى جابوا امريكا